ထာင်ထဲ မှာ တီဗွီအလကားကြည့်ရလို့ ထောင်ထဲ ပြန်ဝင်ချင်တာပါဆိုတဲ့ ထူးထူးဆန်းဆန်း ရာဇဝတ်သားတဦးကို ပြင်သစ်နိုင်ငံက တရားရုံးတခုမှာ မကြာသေးခင်က မြင်တွေ့ခဲ့ရတယ်လို့ OC သတင်းမှာ ဖော်ပြပါတယ်။အမည်မဖော်ပြထားတဲ့ အသက် ၂၅ နှစ်အရွယ် ရာဇဝတ်သားဟာ ပြီးခဲ့တဲ့လအတွင်းက တူးလော့စ်မြို့မှာ

လုယက်မှုတွေ၊ ဖောက်ထွင်းဝင်ရောက်မှုတွေကို ကျူးလွန်ခဲ့ပါတယ်။ထူးခြားတာတခုက ဒီလို ကျူးလွန်ပြီးတိုင်း သူဟာ အခင်းဖြစ်ရာနေရာတွေမှာ သူနဲ့ ပတ်သက်တဲ့ သဲလွန်စတွေကို တမင်ထားခဲ့တာပဲ ဖြစ်ပါတယ်။ ဒီလို ထားခဲ့ရတာဟာ ရဲတပ်ဖွဲ့က ဒီသဲလွန်စတွေကိုတွေ့ပြီး ဖမ်းဆီးနိုင်ဖို့ပဲ ဖြစ်ပါတယ်။

သူ့ကို ဖမ်းမိခဲ့ပြီးတဲ့နောက် တရားရုံးတခုမှာ ရုံးတင် စစ်ဆေးခဲ့ပါတယ်။ ဒီလို စစ်ဆေးနေစဉ်အတွင်း ဒီရာဇဝတ်ကောင်က သူဟာ ထောင်ကို ပြန်ဝင်ချင်တာကြောင့် ဒီလိုမျိုး သဲလွန်စတွေ ထားခဲ့တာလို့ ထွက်ဆိုပါတယ်။ထောင်ထဲကို ဘာကြောင့် ပြန်ဝင်ချင်ရတာလဲ မေးမြန်းရာမှာတော့ ထောင်ထဲမှာဆိုရင် အပြင်မှာ ပိုက်ဆံပေးကြည့်ရတဲ့ Chanal+ ရုပ်သံလိုင်းကို အလကား ကြည့်ရတာကြောင့်လို့ ပြောကြောင်း ပြင်သစ်ထောင် အာဏာပိုင်တဦးက ပြောပါတယ်။

ဒီရုပ်သံလိုင်းဟာ အပြင်မှာဆိုရင် တလကို ၁၀ ယူရို ပေးချေရပါတယ်။ ဒါပေမဲ့ ဒီရုပ်သံလိုင်းကို ထောင်ထဲမှာဆိုရင် အလကားနီးနီး ကြည့်ရှုခွင့်ရတယ်လို့ ဆိုပါတယ်။ပြင်သစ်က ထောင်တွေမှာ အကျဉ်းသားတွေက ရုပ်သံလိုင်းကို ဝယ်ကြည့်တာ၊ ဒါမှမဟုတ် ထောင်ထဲမှာ အလုပ်တခုခု လုပ်ပြီး

အပြန်အလှန်အနေနဲ့ ထောင်အရာရှိတွေကို ရုပ်သံလိုင်း ဝယ်ပေးဖို့ တောင်းဆိုတာမျိုး ရှိတတ်ကြတယ်လို့ ပြောပါတယ်။တချို့ ထောင်တွေမှာ ထောင်သားတွေက ရုပ်သံလိုင်းကို ထပ်ပြီး သက်တမ်းမတိုးတော့လို့ ရုပ်သံလိုင်းဘက်က ဖြတ်တောက်ပစ်တာမျိုး ရှိတတ်တယ်လို့ သူက ဆက်လက်ပြောဆိုပါတယ်။

အခုလိုမျိုး တီဗွီကြည့်ချင်လို့ ထောင်ထဲဝင်ချင်တဲ့ ၂၅ နှစ်သားဟာ အရင်ကလည်း ထောင်ကျခဲ့ဖူးသူ ဖြစ်ပြီး သူ့ထွက်ဆိုချက်က သူ့ရှေ့နေကိုတောင် အံ့အားသင့်သွားစေခဲ့ပါတယ်။“ပုံမှန်ဆိုရင် လမ်းပေါ်မှာနေရတာထက် ထောင်ထဲမှာနေရတာက ပိုပြီးလုံခြုံတယ်လို့ ထင်တဲ့လူတွေ ရှိပါတယ်။ ဒါပေမဲ့ ကျနော့်အမှုသည်ကတော့ လူကြီးကြိုက် ပရိုဂရမ်တွေ ကြည့်ချင်လို့ ထောင်ထဲ ပြန်ဝင်ချင်တာတဲ့ဗျာ” လို့ တရားခံရှေ့နေဖြစ်သူက ဒေသတွင်း သတင်းတခုကို ပြောပါတယ်။