စ င်္ကာပူနိုင်ငံရဲ့ အကြီးဆုံးဘဏ်ဖြစ်တဲ့ DBS Bank ရဲ့ Marina Bay ရှိ Bank က ဝန်ထမ်းတဦးမှာ COVID-19 ကိရိုနာဗိုင်းရပ်တွေ့သောကြောင့် ဝန်ထမ်း ၃၀၀ ကို အရေးပေါ် ရွှေ့ပြောင်းပေးခဲ့ရပါတယ်။ ဘဏ်ကိုလဲ ပိုးသတ်ခြင်း လုပ်ငန်းတွေ လုပ်ထားပီး အချို့ဝန်ထမ်းတွေကို ဘဏ်မလာပဲ အိမ်မှာပဲ နေကြဖို့ ညွှန်ကြားထားပါတယ်။

DBS ဘဏ် က ဝန်ထမ်းတွေရဲ့ ကျန်းမာရေးအတွက် ဆေးစစ်ချက် ယူခဲ့ပြီး မနေ့မနက်မှာ အဲ့ဒီဝန်ထမ်းတစ်ဦးမှာ ကိုရိုနာဗိုင်းရပ်စ်ရောဂါ ရှိနေကြောင်း အတည်ပြုချက်ကို ရရှိခဲ့ကြောင်း သိရပါတယ်။

စင်ကာပူမှာ ဗိုင်းရပ်ကူးစက်သူ ၅၀ ဦးရှိနေပီး တရုတ်ပြည်ပြင်ပမှာ ကူးစက်မှုအများဆုံးနိုင်ငံဖြစ်ပါတယ်။ အခုအခါမှာတော့ တောင်ကိုရီးယားနှင့် ထိုင်ဝမ်အပါအဝင် နိုင်ငံ ၁၀ နိုင်ငံက စင်ကာပူကို ခရီးသွားလာခွင့် ပိတ်ထားလိုက်ပါပြီ။ မနေ့ကလဲ စင်ကာပူက ပြန်လာတဲ့ ဗြိတိန်နိုင်ငံသား တဦး ဗိုင်းရပ်ကူးစက်နေပီး သူကတဆင့် နောက်ထပ် ၁၁ ယောက်ကို ကူးစက်နေတာကို တွေ့ခဲ့ရပါသေးတယ်။

စင်္ကာပူ နိုင်ငံဟာ မကြာသေးခင် ရက်ပိုင်းအတွင်းကလည်း ရောဂါကူးစက်ခံရမှု လိမ္မော်ရောင် အဆင့် သတ်မှတ်ခဲ့လို့ ကုန်တိုက် စူပါမားကက်တွေမှာ ပစ္စည်းများ ပြတ်လတ်သည့် တိုင်အောင် နိုင်ငံသားတွေက အလုအယက် ဝယ်ယူကြသည်ထိ အလန့်တကြား ဖြစ်ခဲ့ဖူးပါသေးတယ်။

စင်္ကာပူ နိုင်ငံ အကျယ်အဝန်းဟာ စတုရန်းမိုင် ၂၇၀ခန့်သာ ရ်ှပြီး လူဦးရေက ၂၀၂၀ စာရင်း အရ ၅.၈ သန်းခန့် ရှိတာမို့ လူဦးရေ သိပ်သည်းဆ ၁ စတုရန်းမိုင်မှာ ၂၁၀၀၀ ကျော် ရှိပါတယ်။ ဒါဟာ အတော့်ကို လူဦးရေသိပ်သည်းဆမြင့်မား တယ်လို့ ဆိုရမှာ ဖြစ်ပါတယ်။

မြန်မာနိုင်ငံရဲ့ အကျယ်အဝန်းဟာ စတုရန်းမိုင် ၂၆၁၂၂၈ ရှိတာကြောင့် စင်္ကာပူ နိုင်ငံထက် အဆ ၁၀၀ နီးပါး ရှိတာပါ။ လူဦးရေ ၅၄ သန်းလောက်ရှိတဲ့ မြန်မာပြည်ရဲ့ လူဦးရေ သိပ်သည်းဆဟာ ၁ စတုရန်းမိုင်မှာ ၂၁၆ နှုန်းသာ ရှိပါတယ်။

အနီးစပ်ဆုံး ပြောရရင် စင်္ကာပူ နိုင်ငံဟာ ရန်ကုန်တိုင်းဒေသကြီး ရဲ့ ၁၄ ပုံ ၁ ပုံ ခန့်သာ ရှိပြီး ရန်ကုန်မြို့တော် နယ်နိမိတ် ဧရိယာ အကျယ်အဝန်း ၂၃၁ စတုရန်းမိုင် နဲ့ မတိမ်းမယိမ်း အနည်းငယ်မျှသာ ပိုမို ကျယ်ဝန်းတဲ့ နိုင်ငံငယ် တစ်ခုပါ။

ရန်ကုန်မြို့တော်ကြီး ဟာ လူဦးရေ ၅.၃ သန်းကျော်ရှိပြီး လူဦးရေသိပ်သည်းဆ ဟာ ၁ စတုရန်းမိုင်မှာ ၃၁၀၀၀ ကျော် ရှိတာမို့ ရန်ကုန်မြို့တော်ကြီးရဲ့ လူဦးရေသိပ်သည်းဆ မြင့်မားမှုကလည်း စင်္ကာပူထက် ပိုများလို့ သတိပြုဖွယ်ရာ ဖြစ်ပါတယ်။ တစ်ခုရှိတာက စင်္ကာပူက ကပ်ရောဂါအရေးပေါ်အခြေအနေ ဖြစ်ခဲ့ရင် ပြေးစရာ မြေမရှိတဲ့ ဘဝပါ။ ရန်ကုန်မြို့တော်က အရေးပေါ်အခြေအနေ ဆိုရင် ပြေးစရာ မြေ ပေါပေါများများ ရှိနေသေးတာက အားသာချက် တစ်ခုပါဘဲ။

လွန်ခဲ့တဲ့ ၁၂နှစ် နာဂစ်မုန်တိုင်းကြောင့် ရန်ကုန်မြို့ကြီး သွားလာ ပို့ဆောင်ရေးတွေ ရပ်ဆိုင်းသွားစဉ်က ဆန်ဆီ ရိက္ခာတွေ အလုအယက် ဝယ်ယူကြသည်ထိ ဖြစ်ခဲ့ဖူးလေ တော့ စင်္ကာပူမှာ လူသုံးကုန် ပစ္စည်းတွေကို အလုအယက် ဝယ်ယူ ကြတယ် ဆိုတာ မထူးဆန်းလှပါဘူး။ ကိုယ်ချင်းလည်း စာမိပါတယ်။ ဒါပေမယ့် ရန်ကုန် ရဲ့ အားနည်းချက်ကို ပွင့်ပွင့်လင်းလင်း ပြောရရင် ကျန်းမာရေး ပြဿနာတွေ ဖြစ်ခဲ့ရင် စင်္ကာပူမှာလို အဆင့်မြင့် ခေတ်မီ ဆေးရုံနဲ့ ဆေးပစ္စည်း ကရိယာတွေ မရှိတဲ့ အချက်ပါဘဲ။

ဒါ့ပြင် ရန်ကုန်မြို့တော်မှ ပြည်သူအများစုက စင်္ကာပူပြည်သူတွေလို ချမ်းသာကြွယ်ဝမှု မရှ်ိသလို ကျန်းမာရေး အသိပညာမြင့်မားမှု မရှ်ိတဲ့ အတွက် ကပ်ရောဂါကို ရင်ဆိုင် ဖြေရှင်းဖို့ အလွန် ခက်ခဲစေမှာပဲ ဖြစ်ပါတယ်။

ဥပမာ- ရန်ကုန်က ကျူးကျော်ရပ်ကွက်မှာ နေသူ ပြည်သူ တွေမှာ သန့်ရှင်းတဲ့ ရေ၊ သန့်ရှင်းတဲ့ အိမ်သာ၊ သန့်ရှင်းတဲ့ ပတ်ဝန်းကျင် ဆိုတာ မရှိပါဘူး။ တန်ဘိုးကြီးတဲ့ လက်သန့်စင် ဆေးရည် ဆိုတာ အဝေးကြီးပါ။ ညစ်ပတ် စုတ်ပြတ်နေတဲ့ ကျူးကျော်တဲတွေက မျက်နှာမှာ တပ်ဆင်အသုံးပြုဖို့ Mask တို့ လက်သန့်စင် ဆေးရည် (Hand sanitizer) တို့ ဆိုတာတွေကို လှောင်ပြောင် နေပါလိမ့်မယ်။

ဒါကြောင့် ကျွန်တော်တို့ ရန်ကုန်မြို့တော်ကြီးမှာ ကိုရိုနာ ဗိုင်းရပ်စ် ရောဂါကဲ့သို့ ကပ်ရောဂါတွေ မကျရောက်ပါစေနဲ့ လို့ ဆုတောင်းရုံမှတပါး ဘာများ တတ်နိုင်ဦးမှာပါလဲဗျာ…

UThant Lwin Oo
Credit-Blacker