ကိုရို နာဗိုင်းရပ်စ် ၊ ၀ူဟန်အဆုတ်ရောင်ရောဂါ ဖြစ်ပွားနေသော တရုတ်နိုင်ငံ၊ ၀ူဟန်မြို့မှ မူဆယ်မြို့သို့ ရောက်ရှိလာသည့် တရုတ်နိုင်ငံသား (၅)ဦး အနက်မှ အမျိုးသမီးတစ်ဦးကို ရှာဖွေတွေ့ရှိကာ တရုတ်နိုင်ငံ သို့ ပြန်ပို့လိုက်ပြီး၊ စစ်ဆေးမှုများအရ ရောဂါမတွေ့ရှိကြောင်း မူဆယ်မြို့ ကရုဏာရှင်အသင်း ဥက္ကဋ္ဌ ဦးသောင်းထွန်းက ပြောသည်။

တ ရုတ်အာဏာပိုင်များက ၀ူဟန်မြို့မှ ၄င်းတို့ နိုင်ငံသား (၅)ဦး မူးဆယ်မြို့ သို့ ရောက်ရှိနေကြောင်း မြန်မာအာဏာပိုင်ထံ အကြောင်းကြား လာသောကြောင့် မြန်မာဘက်မှ ရှာဖွေမှုများ တောက်လျှောက် ပြုလုပ်နေကာ (၅)ဦးအနက်မှ အမျိုးသမီးတစ်ဦးကို ရှာဖွေတွေ့ရှိခဲ့ခြင်း ဖြစ်သည်။

“တစ်ယောက်ကိုတော့ ရှာတွေ့တယ်။ မူဆယ်ဘက်မှာ စစ်ဆေးတယ်ပေါ့နော်။ စစ်ဆေးတော့ ရောဂါလက္ခဏာ မတွေ့ရဘူး။ တရုတ်နိုင်ငံကို ပြန်လည် လွှဲပေးလိုက်တော့ တရုတ်နိုင်ငံက စစ်ဆေးချက်က အခုထွက်လာပြီ၊ ရောဂါမရှိဘူး။ ကူးစက်ခြင်း မရှိဘူးလို့ ပြောတယ်ဗျ” ဟု မူဆယ်မြို့ ကရုဏာရှင် အသင်း ဥက္ကဋ္ဌ ဦးသောင်းထွန်းက ဆိုသည်။

ကျန်သည့် တရုတ်နိုင်ငံသားလေးဦးမှာ အမျိုးသားများဖြစ်ကာ ဆက်လက်ရှာဖွေနေပြီး ၄င်းတို့ (၄) ဦးမှာ ၀ူဟန်ဒေသသို့ သွားဖူး လာဖူးသူများဖြစ်ကာ ရောဂါရှိသည်ဟု သတ်မှတ်၍ မရကြောင်း ဦးသောင်းထွန်းက ပြောကြားသည်။

တရုတ်နိုင်ငံ ၀ူဟန်မြို့မှ စတင်ပြန့်ပွားခဲ့သော ကိုရိုနာဗိုင်းရပ်စ်ကြောင့် သေဆုံးသူဦးရေ ၆၀၀ ကျော် ရှိနေကာ ရောဂါကူးစက်မှုမှာ နိုင်ငံပေါင်း ၂၀ ကျော်သို့ ပြန့်နှံ့နေပြီး ရောဂါ ကူးဆက်ခံရသူ ၃၀၀၀၀ ကျော်ရှိပြီဖြစ်သည်။

မြန်မာနိုင်ငံတွင်လည်း သံသယ လူနာ ၂ ဦး အပါအ၀င် လူနာ (၇) ဦးတို့ကို သက်ဆိုင်ရာ ဆေးရုံများက ဆက်လက် စောင့်ကြပ်ကြည့်ရှု ကုသမှုပေးလျက်ရှိပြီး ၄င်းတို့၏ ကျန်းမာရေး အခြေအနေ ကောင်းမွန်သည်ဟု ကျန်းမာရေးဝန်ကြီးဌာနက သတင်းထုတ်ပြန်ထားသည်။

Ref – TLN