အင် ဒိုနီးရှားနိုင်ငံ၊​ ဘာလီကျွန်းမှာ အာဖရိကဝက်အပြင်းဖျားရောဂါကြောင့် ဝက်ကောင်ရေ ၁၀၀၀ နီးပါးသေဆုံးခဲ့ရတယ်လို့ ဘာလီအာဏာပိုင်တွေက အတည်ပြုထုတ်ပြန်ခဲ့ပါတယ်။

အင်ဒိုနီးရှားအာဏာပိုင်တွေဟာ ဘာလီကျွန်းပေါ်က ၀က်တွေသေဆုံးမှုနဲ့ ပတ်သက်ပြီး အာဖရိကဝက်အပျင်းဖျားရောဂါ (ASF)ကြောင့်သေဆုံးခြင်း ဟုတ် မဟုတ်အဆုံးအဖြတ်ပေးနိုင်ဖို့ အမြန်စုံစမ်းစစ်ဆေးနေတယ်လို့ စိုက်ပျိုးရေးဝန်ကြီးဌာနမှ တိရစ္ဆာန်ကျန်းမာရေးစောင့်ရှောက်မှု ဒါရိုက်တာက ဖေဖော်ဝါရီလ ၅ ရက်နေ့မှာပြောကြားခဲ့ပါတယ်။ ၀က်တွေဟာ ဒီဇင်ဘာလနဲ့ ဇန်နဝါရီလအတွင်းက သေဆုံးခဲ့ တာဖြစ်ပါတယ်။

အင်ဒိုနီးရှားနိုင်ငံရဲ့ ဆူမားတြားမြောက်ပိုင်းမှာလည်း ယခင်နှစ်က ASF ဝက်အပြင်းဖျားရောဂါကြောင့်ပဲ ဝက်ကောင်ရေ ၅၀၀၀၀ ကျော် သေဆုံးခဲ့ရတယ်လို့ အာဏာပိုင်တွေက ဆိုပါတယ်။ ဘာလီမှာတော့ ဖြစ်ပွားမှုကို အတည်မပြုနိုင်သေးဘူးလို့ ဆိုပါတယ်။

“အခုဖြစ်နေတဲ့ကပ်ရောဂါဟာ အမှန်တကယ် အာဖရိကဝက်အပျင်းဖျားရောဂါလား ဒါမှမဟုတ် တခြားတစ်ခုခုလားဆိုတာကိုအဆုံးအဖြတ်ပေးနိုင်ဖို့ စုံစမ်းစစ်ဆေးနေဆဲကာလမှာ အာဖရိကဝက်အပျင်းဖျားရောဂါ၊ ၀က်ကာလဝမ်းရောဂါတို့လို တိရစ္ဆာန်ကူးစက်ရောဂါတွေနဲ့ ယခုလို ၀က်တွေသေဆုံးနေတာကိုရပ်တန့်ဖို့ စံချိန်စံညွှန်းတွေနဲ့အညီလုပ်ဆောင်နေပါတယ်” လို့ တိရစ္ဆာန်ကျန်းမာရေးစောင့်ရှောက်မှုဒါရိုက်တာ မစ္စတာ Fadjar Sumping Tjatur Rassa က ရိုက်တာသတင်းဌာနသို့ စာနဲ့ပေးပို့ပြောကြားခဲ့တာဖြစ်ပါတယ်။

ASF ဝက်အပြင်းဖျားရောဂါဟာ တရုတ်နိုင်ငံမှာ ယမန်နှစ်သြဂုတ်လက ပထမဆုံးစစ်ဆေးတွေ့ရှိချိန်ကစလို့ ပျံ့နှံ့သွားခဲ့ရာမှာ ကမ္ဘာ့အကြီးဆုံးဝက်အုပ်ကြီးကို ၄၀%ကျော် လျော့သွားတဲ့အထိ ဖြစ်စေခဲ့ပါတယ်။

အာဖရိကဝက်အပျင်းဖျားရောဂါကြောင့် အင်ဒိုနီးရှားမှ ၀က်များ၊ တောဝက်ထီးများနဲ့ ၀က်နဲ့ဆက်စပ်ပစ္စည်းများတင်ပို့မှုကို တရုတ်နိုင်ငံက ဒီဇင်ဘာလကပဲ ပိတ်ပင်ထားခဲ့ပါတယ်။

ဆူမားတြားမြောက်ပိုင်းရှိ ကပ်ရောဂါဖြစ်ပွားနေတဲ့ဒေသများမှ အသားနှင့် အသားထုတ်ကုန်ပစ္စည်း များတင်ပို့ခြင်းကို ခွင့်မပြုပေမယ့် ရောဂါကူးစက်ခံနေရတဲ့တိရစ္ဆာန်တွေနဲ့ထိတွေ့နေသူတွေကတော့ ဇီဝလုံခြုံရေးစစ်ဆေးမှုခံယူရမှာဖြစ်ပါတယ်။

Ref – straitstimes,xyz