မ န်းရွှေစက်တော် ဗုဒ္ဓပူဇနိယဘုရားပွဲတော်သို့ လာရောက်ဖူးမြှော်ကြသည့် မြန်မာနိုင်ငံတဝှမ်းမှ ဘုရားဖူးလာ ပြည်သူများ မန်းချောင်းအတွင်းသို့ ရေချိုးဆင်းချိန်တွင် အန္တရာယ်မဖြစ်စေရန် အဓိကရည်ရွယ်၍ မန်းရွှေစက်တော် ဂေါပကလူကြီးများ၏ လမ်းညွှန်ချက်ဖြင့် ရေနစ်ဝဲများရှိသည့် နေရာများကို ဝါးကပ်ခြံများဖြင့် ပိတ်ကာ အထူးသတိပေးစာများ ချိတ်ဆွဲပြသထားလျှက်ရှိသည်။

မန်းေ ရွှစက်တော် ဗုဒ္ဓပူဇနိယ ဘုရားပွဲတော်ကျင်းပရာ ပွဲတော်ဝန်းအတွင်း မန်းချောင်းတလျှောက်ရှိ ရေနစ်သေဆုံးလေ့ရှိသည့် အဓိက ရေနစ်ဝဲများရှိတဲ့ နေရာများမှာ ဆင်သေဝဲ၊ ကျောက်လက်မောင်းဝဲ၊ တရုတ်ဝဲ၊ လှေတင်ဝဲ ဟူ၍ အန္တရာယ်ရှိတဲ့နေရာ(၄) နေရာကို ဘုရားဖူးများ သတိထား ရှောင်ကျဉ်၍ ရေချိုးကြစေရန် ခြံခတ်ကာ သတိပေးစာစောင်များ ချိတ်ဆွဲပြသ၍ အန္တရာယ်ဖြစ်စေတတ်သော နေရာအဖြစ် တားမြစ်ကန့်သတ်ထားပါသည်။ ထိုနေရာများတွင် ရေဆင်းမချိုးကြရန် ဘုရားဖူးဧည့်သည်များအား မေတ္တာရပ်ခံပါသည်။

“မန်းချောင်းအတွင်းရှိ ရေနစ်ဝဲများအနက် တရုတ်ဝဲ ရဲ့ ရေအနက်မှာ ခန့်မှန်းပေ (၃၀)ခန့်နက်၍ နှစ်စဉ်အများဆုံး ရေနစ်သေဆုံးလေ့ရှိပါတယ်။ ဆင်သေဝဲ ၊ ကျောက်လက်မောင်းဝဲ နှင့် တရုတ်ဝဲ စတဲ့ နေရာ (၃)ခုကတော့ ပွဲတော်ဝန်းအတွင်းရှိပြီး လှေတင်ဝဲကတော့ ဘုရားပွဲတော်ဝန်းရဲ့အပြင်ဘက် လှေတင်တံတားအောက်မှာ ရှိပါတယ်။ ဘုရားဖူးလာ ပြည်သူများအနေနဲ့ အထူးသတိပေးစာများကပ်ထားတဲ့ ဝါးကပ်ခြံအတွင်း ဝင်ရောက်ရေမချိုးမိအောင် အထူးသတိထားရမှာပါ။ အခုလို ရေနစ်ဝဲတွေရှိတဲ့နေရာကို အန္တရာယ်ဖြစ်စေတဲ့နေရာအဖြစ် ကန့်သတ်တားမြစ်ထားပြီး ဘုရားဖူးလာ ပြည်သူများရဲ့ အန္တရာယ်ကင်းရှင်းစွာ ဖူးမြှော်ကြည်ညိုနိုင်စေရန် အဓိကရည်ရွယ်၍ မန်းရွှေစက်တော် ဂေါပကလူကြီးများ၏ လမ်းညွှန်ချက်ဖြင့် ဆောင်ရွက်ထားရှိတာပါ ” ဟု ဘုရားကျေးရွာအုပ်ချုပ်ရေးမှူး ဦးကြည်လွင်မှ ပြောသည် ။

မန်းရွှေစက်တော် ပါဒခြေတော်ရာ ဗုဒ္ဓပူဇနိယ ဘုရားပွဲတော်ကို ၂၀၁၉ ခုနှစ်က (၆၈) ရက်ကြာကျင်းပခဲ့ပြီး ၂၀၂၀ ခုနှစ်တွင် ဇန်နဝါရီလ ၂၉) ရက်မှ ဧပြီလ (၁၇)ရက်နေ့အထိ ရက်ပေါင်း (၈၀)ကြာ ကျင်းပသွားမည်ဖြစ်ကြောင်း သိရသည်။

မန်းရွှေစက်တော် ဘုရားဖူးဧည့်သည်များအတွက် သတိပြုနိုင်စေရန် ဖော်ပြပေးလိုက်ပါသည်။

သုတ (မကွေး)