ဝူ ဟန်ဗိုင်းရပ်စ်ပိုးကူုးစက်ခံသံသယလူနာများ ကျိုင်းတုံ ၊ မင်းပြားနှင့် ရန်ကုန်တွင် တွေ့ရှိဟု ကျန်းမာရေးဝန်ကြီးဌာန ယနေ့ သတင်းထုတ်ပြန်သည်။

မင်းပြားမြို့နယ်မှ ဝူဟန်ဗိုင်းရပ်စ်သံသယလူနာ

ကျန်း မာရေးဝန်ကြီးဌာနက စစ်ဆေးမှုများ ဆောင်ရွက်လျက်ရှိရာ တရုတ်ပြည်သူ့သမ္မတနိုင်ငံ၊ ဂျယ်ခေါင်မြို့မှ ဇန်နဝါရီလ ၂၀ ရက်နေ့ တွင် ရခိုင်ပြည်နယ်၊ မင်းပြားမြို့နယ်သို့ ပြန်လည်ရောက်ရှိခဲ့သည့် အသက် (၃၈) နှစ် အရွယ်ရှိ အမျိုးသားတစ်ဦးအား သံသယလူနာအဖြစ်သတ်မှတ်၍ မင်းပြားဆေးရုံ၌ သီးသန့်ခန်း (Isolation ward) တွင် ထားရှိ၍ လူနာအား လိုအပ်သောဆေးကုသမှုများ ပေးပြီး စောင့်ကြပ်ကြည့်ရှုလျက်ရှိကြောင်း သိရှိရသည်။

ကျိုင်းတုံမြို့နယ်မှ ဝူဟန်ဗိုင်းရပ်စ်သံသယလူနာ

ဇန်နဝါရီလ ၁၉ ရက်နေ့ တရုတ်ပြည်သူ့သမ္မတနိုင်ငံ၊ စီချွမ်ပြည်နယ်မှ မြန်မာနိုင်ငံသို့ လာရောက်လည်ပတ်သည့် မိသားစုမှအသက် (၁) နှစ်၊ (၂) လ အရွယ်ရှိ ကလေးငယ်တစ်ဦးတွင် ဖျားခြင်း၊ ချောင်းဆိုးခြင်း ရောဂါလက္ခဏာများဖြင့် ကျိုင်းတုံမြို့ရှိ ပုဂ္ဂလိကဆေးခန်းသို့ လာရောက်ပြသခဲ့ရာ အဆိုပါကလေးငယ်ကို သံသယလူနာအဖြစ် သတ်မှတ်၍ (၁-၂-၂၀၂၀) ရက်နေ့တွင် ကျိုင်းတုံပြည်သူ့ဆေးရုံရှိ သီးခြားခန်း (Isolation room) ၌ ထားရှိကုသလျက်ရှိပြီး၊ လူနာ၏ အခြေအနေမှာ သက်သာကောင်းမွန်လျက်ရှိပါကြောင်းလူနာနှင့် ထိစပ်မှုရှိသည့် မိသားစုဝင်စုစုပေါင်း (၅) ဦးအား ရောဂါလက္ခဏာတစ်စုံတစ်ရာ မရှိသော်လည်း စောင့်ကြပ်ကြည့်ရှုလျက်ရှိကြောင်း သိရှိရသည်။

ရန်ကုန်မြို့မှ ဝူဟန်ဗိုင်းရပ်စ်သံသယလူနာ

ဖေဖော်ဝါရီလ ၁ ရက်နေ့ ညနေပိုင်းတွင် ရန်ကုန်မြို့မှ ပုဂ္ဂလိကဆေးရုံတစ်ခုသို့ ဖျားခြင်း၊ ချောင်ဆိုးသွေးပါခြင်း၊ အသက်ရှူကြပ်ခြင်းရောဂါလက္ခဏာများဖြင့် လာရောက်ပြသခဲ့သူ အသက် (၁၅) နှစ်အရွယ် ထိုင်ဝမ်နိုင်ငံသားကလေးတစ်ဦးရှိကြောင်း ဗဟိုကူးစက်ရောဂါ တိုက်ဖျက်ရေးဌာနခွဲနှင့် ရန်ကုန်တိုင်းဒေသကြီး ပြည်သူ့ကျန်းမာရေးနှင့်ကုသရေး ဦးစီးဌာနများသို့ ဆက်သွယ်အကြောင်းကြားခဲ့သဖြင့် သက်ဆိုင်ရာ ပြည့်သူ့ကျန်းမာရေးပညာရှင်များမှ လူနာရောဂါရာဇဝင်နှင့် ခရီးသွားရာဇဝင်အားသုံးသပ်ပြီး သံသယလူနာအဖြစ် သတ်မှတ်ပြီး ဝေဘာဂီဆေးရုံကြီးသို့ ချက်ချင်းလွှဲပြောင်းကုသမှု ပေးခဲ့ကြောင်း သိရှိရသည်။

သံသယလူနာစုစုပေါင်း

ဇန်နဝါရီလ ၃၁ ရက်နေ့က ရန်ကုန်တွင် တရုတ်နိုင်ငံသားတစ်ဦး၊ မိတ္တီလာတွင် တရုတ်နိုင်ငံမှ ပြန်လာသော ပျဉ်သာကျေးရွာသားတစ်ဦး၊ မူဆယ်မြို့တွင် မန်စီအချုပ်ထောင်မှ ပြန်ဝင်လာသည့် ဖျားနေသည့် လီကျန်ဆိုက် အပါအ၀င် ဝူဟန်ဗိုင်းရပ်စ်သံသယလူနာအဖြစ် ဆက်လက်စောင့်ကြည့်နေရာ စုစုပေါင်း သံသယလူနာ ၆ ဦး အထိရှိလာပြီဖြစ်သည်။VOA