ရှ မ်းပြည်နယ်မြို့တော် တောင်ကြီးမြို့ရှိ စဝ်စံထွန်းဆေးရုံသို့ ယနေ့ ဖေဖော်ဝါရီလ ၂ ရက်က ကိုရိုနာဗိုင်းရပ်စ် သံသယ ရှိသူ ကိုရီးယားနိုင်ငံသားတစ်ဦး ရောက်ရှိလာပြီး ကြပ်မတ်စစ်ဆေး စောင့်ကြည့်မှုများ ပြုလုပ်ပေးလျက်ရှိကြောင်း သိရသည်။

နှာေ စး၊ ချောင်းဆိုး၊ အဖျားနဲ့ ရောက်လာတာပါ။ တရုတ်ကိုတော့ မရောက်ဖူးဘူး။ တရုတ်ဧည့်သည်တွေနဲ့ ထိတွေ့ဖူးတာတော့ ရှိတယ်။ လောလောဆယ်တော့ စိတ်ချရအောင် စဝ်စံထွန်းဆေးရုံ၊ သီးသန့်လူနာဆောင်မှာ ထားပြီး စောင့်ကြည့်နေပါတယ်” ဟု ရှမ်းပြည်နယ်အစိုးရအဖွဲ့ဝင် ပြည်နယ်လူမှုရေးဝန်ကြီး ဒေါက်တာမျိုးထွန်းက ကမ္ဘောဇတိုင်းသို့ ပြောသည်။

အဆိုပါ ကိုရီးယားနိုင်ငံသားအား ညောင်ရွှေဆေးရုံမှ လွှဲပြောင်းပေးလာခြင်းဖြစ်ပြီး ၎င်းသည် မြဝတီ၊ ရန်ကုန်၊ ပုဂံ၊ မန္တလေးမှတဆင့် ညောင်ရွှေမြို့သို့ လာရောက်လည်ပတ်ခြင်းဖြစ်ကြောင်း သိရသည်။ယနေ့ ဖေဖော်ဝါရီလ ၂ ရက်၊ နံနက်ပိုင်းအထိ ကမ္ဘာနိုင်ငံ ၂၇ နိုင်ငံတွင် ဝူဟန် (ခေါ်) ကိုရိုနာဗိုင်းရပ်စ် (2019-nCoV) ကူးစက်ခံရသူ ၁၄၅၅၆ ဦးနှင့် သေဆုံးသူ တရုတ်နိုင်ငံတွင် ၃၀၄ ဦး၊ ဖိလစ်ပိုင်နိုင်ငံတွင် ၁ ဦး၊ စုစုပေါင်း ၃၀၅ ဦး ရှိကာ ပြန်လည်သက်သာလာသူ ၃၄၀ ဦး ရှိလာပြီဖြစ်ကြောင်း သိရသည်။

“သံသယရှိလို့သာ ဆေးရုံမှာ စောင့်ကြည့်နေတာပါ။ လူထုအနေနဲ့ သိပ်မစိုးရိမ်ကြဖို့ ပြောလိုပါတယ်” ဟုလည်း ဒေါက်တာမျိုးထွန်းက ဆက်လက်ပြောဆိုခဲ့သည်။ အဆိုပါ ကိုရိုနာဗိုင်းရပ်စ် ရောဂါ ကူးစက်ပျံ့ပွားမှုနှင့် ပတ်သက်၍ အသိပညာပေးလုပ်ငန်းများကို အရှိန်အဟုန်မြှင့်၍ လုပ်ဆောင်သွားမည်ဖြစ်ကြောင်းနှင့် ရှမ်းပြည်နယ်အတွင်း၌ ကိုရိုနာဗိုင်းရပ်စ် ဖြစ်ပွားမှု မရှိစေရေးအတွက် စောင့်ကြပ် စစ်ဆေးကုသရေး ကြီးကြပ်မှု ကော်မတီကို ဇန်နဝါရီလ ၃၁ ရက်က ဖွဲ့စည်းထားရှိကြောင်း သိရသည်။

ကမ္ဘောဇတိုင်းမ်