ဝူဟန် ကိုရိုနာဗိုင်းရပ်စ် ကူးစက်ပျံ့နှံ့မှုကို စိုးရိမ်နေကြချိန်ဖြစ်သော်လည်း တရုတ်-မြန်မာနယ်စပ်ဂိတ်တွေကို မြန်မာဘက်က ပိတ်ဖို့အစီအစဉ်မရှိဘူးလို့ မူဆယ်ခရိုင် အထွေထွေအုပ်ချုပ်ရေးဦးစီးဌာန ဒု-ခရိုင်အုပ်ချုပ်ရေးမှူး ဦးဥက္ကာက ဒီနေ့ ပြောပါတယ်။

နယ်စပ်ဂိတ်တွေကို ဖွင့်ထားခြင်းအားဖြင့် နယ်စပ်ကနေဝင်လာသူတွေရဲ့ ကျန်းမာရေးအခြေအနေကို စောင့်ကြည့်နိုင်မှာဖြစ်ပြီး ဂိတ်ပိတ်လိုက်ရင် ခိုးပေါက်တွေနဲ့ တခြားလမ်းကြောင်းတွေက ဝင်လာမှာဖြစ်တာကြောင့် စောင့်ကြည့်နိုင်ဖို့ ခက်ခဲသွားမှာဖြစ်တယ်လို့ ပြောပါတယ်။

လက်ရှိမှာ တရုတ်ပြည်မကြီးကနေ ယူနန်ပြည်နယ် ရွှေလီမြို့ကိုလာတဲ့ ဝင်ပေါက်တွေကို တရုတ် အာဏာပိုင်တွေက ပိတ်ထားသလို ပြည်မအတွင်းမှာပိတ်မိပြီး ကျန်နေတဲ့သူတွေအနေနဲ့ သံရုံးကနေတဆင့် ဆက်သွယ်အကူအညီတောင်းနိုင်တယ်လို့ ဆိုပါတယ်။

တရုတ်နိုင်ငံမှာဖြစ်ပွားနေတဲ့ ဝူဟန်ကိုရိုနာဗိုင်းရပ်စ် ကြောင့် တရုတ်နယ်စပ်မှာ အလုပ်လုပ်ကိုင်နေတဲ့ မြန်မာနိုင်ငံသား အများအပြား နယ်စပ်ဂိတ်တွေကနေ ပြန်လာနေကြတာကိုတွေ့ရပါတယ်။

ဒီရက်ပိုင်းအတွင်းမှာ မူဆယ်နယ်စပ်ဂိတ်သုံးခုကနေ မြန်မာနိုင်ငံထဲကို ပြန်လာတဲ့ မြန်မာနိုင်ငံသားအရေးအတွက်ဟာ တစ်ရက်ကို တစ်သောင်းကျော်အထိရှိတယ်လို့ ကျန်းမာရေးဌာနတာဝန်ရှိသူကပြောပါတယ်။

ဒီအတွက် ကျန်းမာရေးဝန်ထမ်း လိုအပ်ချက်တွေအနည်းငယ်ရှိနေပြီး ဒီကနေ့မှာတော့ တခြားမြို့နယ်တွေက ကျန်းမာရေးဝန်ထမ်းတွေကို ခေါ်ယူအားဖြည့်ထားပြီး မနက်ဖြန်မှာဆိုရင် မြို့ခံပရဟိတအဖွဲ့တွေကပါ ပူးပေါင်းကူညီကြမယ်လို့ဆိုပါတယ်။

တရုတ်နဲ့ ဆက်စပ်နေတဲ့ မူဆယ်ခရိုင်အတွင်းက နယ်စပ်ဂိတ်တွေကနေ ဝင်လာသူတွေကို နန်းတော်ပေါက်မှာ ကွန်ပျူတာစနစ်နဲ့ အပူချိန်စောင့်ကြည့်တာတွေလုပ်နေသလို ကျန်တဲ့နေရာတွေမှာတော့ ကျန်းမာရေးဝန်ထမ်းတွေက လက်ကိုင်အပူချိန်တိုင်း ကိရိယာတွေနဲ့ စမ်းသပ်စောင့်ကြည့်နေတယ်လို့ မူဆယ်ခရိုင်ပြည်သူ့ကျန်းမာရေး ဦးစီဌာနမှူး ဒေါက်တာမျိုးဇော် က ပြောပါတယ်။

ဒီလိုစောင့်ကြည့်နေတာမှာ မနေ့က ကိုယ်အပူချိန်မြင့်တဲ့ အမျိုးသားတစ်ဦးနဲ့ အမျိုးသမီးတစ်ဦးကို တွေ့ခဲ့ရပေမယ့် သူတို့မှာ ရောဂါကူးစက်ခံထားရတဲ့ လက္ခဏာတွေ မတွေ့ရတဲ့အတွက် တစ်ဦးကိုတော့ဆေးရုံက ဆင်းခိုင်းလိုက်ပြီး အမျိုးသမီးကိုတော့ ဆက်လက်စောင့်ကြည့်နေတယ်ပါတယ်။ အပူချိန်မြင့်တက်နေသည့် နေရပ်ပြန် မြန်မာနိုင်ငံသားများဖြစ်ပါက လိုအပ်သောကျန်းမာရေးစောင့်ရှောက်မှုပေးမည်ဖြစ်ကြောင်း သိရသည်။