အိန္ဒိယ-မြန်မာနယ်စပ် မဏိပူရပြည်နယ်အတွင်း Ukhrul ခရိုင်ထဲမှာ အမည်မသိ ထူးဆန်းတဲ့ ရောဂါတခုကြောင့် လူ ၂ ဦး သေဆုံးသွားတဲ့အတွက် ပြည်နယ် ကျန်းမာရေးအရာရှိတွေ အဲဒီနေရာကို အရေးပေါ် သွားရောက် စစ်ဆေးနေကြောင်း အိန္ဒိယအခြေစိုက် Express သတင်းဌာနမှာ ဖော်ပြထားပါတယ်။

အသေးစိတ် ဓါတ်ခွဲစမ်းသပ်မှုတွေ ပြုလုပ်ဖို့ အဲဒီ ကျန်းမာရေးအရာရှိတွေက ဒေသခံ ကျေးရွာသားတွေရဲ့ သွေးနမူနာတွေ ယူခဲ့တယ်လို့ ဆိုပါတယ်။

Ukhrul ခရိုင်ထဲက Khamasom Phungthar ဆိုတဲ့ ကျေးရွာမှာ အဲဒီထူးဆန်းတဲ့ ရောဂါတခုနဲ့ ၂ ရက်အတွင်း လူ ၂ ယောက်သေဆုံးခဲ့ပြီး နောက်ထပ် ၂ ယောက်လည်း ဆင်တူရိုးမှား ရောဂါလက္ခဏာတွေ ခံစားနေရတာကို တွေ့ရတယ်လို့ ဆိုပါတယ်။

ဇန်နဝါရီလ ၁၇ ရက်နေ့က အသက် ၄ နှစ်အရွယ် မိန်းကလေးငယ်လေးဟာ ဝမ်းဗိုက်မအီမသာဖြစ်ပြီး နာရီပိုင်းအတွင်း သေဆုံးသွားခဲ့သလို အသက် ၃၈ နှစ်အရွယ် အမျိုးသမီးတဦးဟာလည်း ဝမ်းဗိုက်မအီမသာဖြစ်တဲ့အပြင်

ပျို့အန်ပြီး ဇန်နဝါရီလ ၁၉ ရက်နေ့မှာ သေဆုံးသွားတယ်လို့ ဆိုပါတယ်။ သူတို့ ၂ ယောက်စလုံးဟာ အဲဒီ ထူးဆန်းတဲ့ ရောဂါကို ခံစားရပြီး နာရီပိုင်းအတွင်းမှာတင် ကွယ်လွန်သွားခဲ့ကြတာပါ။

သူတို့ မသေဆုံးခင်မှာ ဝမ်းဗိုက်နဲ့ ခြေထောက်တွေမှာ အမဲရောင် အခြစ်ရာတွေ တွေ့ခဲ့ရကြောင်း ရွာသူကြီး Chihanpam Ramrak က ပြောပါတယ်။

ရွာသားတွေအကြား ရောဂါအလျင်အမြန် ကူးစက်နေတာကို တွေ့ရတဲ့အတွက် အစိုးရက အချိန်မီ ဆောင်ရွက်ခြင်းမရှိရင် လူတွေ အများအပြား သေဆုံးမှာကို စိုးရိမ်ရကြောင်း ရွာသူကြီးက ပြည်နယ်ဝန်ကြီးချုပ် N Biren Singh ထံ စာရေးအကြောင်းကြားခဲ့တယ်လို့ ဆိုပါတယ်။