မိုင်း ဖုန်းဆရာတော်ဘုရားကြီးဟာ မြန်မာနိုင်ငံသာမက ထိုင်းနိုင်ငံက ပြည်သူတွေပါ ကိုးကွယ်ဆည်းကပ်ကြတဲ့ ဆရာတော်တစ်ပါးဖြစ်ပါတယ်..ဆရာတော်ကြီးဟာ တစ်ပါးတည်း တရားကျင့်ကြံအားထုတ်မှုတွေပြုလုပ်လေ့ရှိသလို သာသနာတော်ပြန့်ပွားရေးအတွက် ဆောင်ရွက်နေတဲ့ သာ့သနာ့အာဇာနည်တစ်ပါးလည်း ဖြစ်ပါတယ်…ဆရာတော်ဘုရားကြီးဟာ ယခုလို တရားကျင့်ကြံအားထုတ်ခဲ့တာဟာ ယခုဘဝမှ မဟုတ်ဘဲ ယခင်ဘဝတွေထဲက ကျင့်ကြံအားထုတ်ခဲ့တာဖြစ်တယ်လို့ ဆိုပါတယ်….ဆရာတော်ဘုရားကြီးရဲ့ လွန်ခဲ့တဲ့ နှစ်ပေါင်း ၇၀၀ ခန့်ကတည်းက ဘူတန်နိုင်ငံမှာ တရားကျင့်ကြံအားထုတ်ခဲ့ပုံကို လူတစ်ဦးက ယခုလို ရေးသားခဲ့ပါတယ်..

((တစ်ကယ်တော့ ဤအကြောင်းကို ရေးသားရန် မိုင်းဖုန်း ဆရာတော်ဘုရားထံ ခွင့်ပန်ခဲ့ခြင်း မဟုတ်သကဲ့သို့ ဆရာတော်ကြီးအကြောင်း တစ်ဆင့်ပြန်ဟောပြောခဲ့သော နမ့်လန်ဆရာတော်ထံတွင်လည်း ခွင့်ပန်နိင်ခဲ့ခြင်း မရှိပါ။ သို့သော် ဘုရားဆုပန် မိုင်းဖုန်း ဆရာတော်ကြီး၏ မြင့်မြတ်သော သူတော်ကောင်း တရားများကိန်းအောင်းပြီး ကျင့်ကြံပွားများ အားထုတ်ခဲ့သည်မှာ ယခုဘဝတွင်မှ ဖြစ်ပေါ်လာခဲ့သည်မဟုတ်ဘဲ ရှေးရှေးသောဘဝမှ စ၍ သန္ဓတေည်ခဲ့သည်ကို သူတော်ကောင်းတရားချစ်ခင်နှစ်သက်ကြသူများအတွက် ကြည်ညိုသဒ္ဒါတရား ပွားများနိင်လိုခြင်း အလို့ငှါ ရေးသားမျှဝေလိုက်ရပါသည်။ သူတော်ကောင်းတရား ချစ်ခင်နှစ်သက်သူ မည်သူမဆိုသူတော်ကောင်းတရားကို လက်ဆင့်ကမ်း မျှဝေခြင်းမှာ ကုသိုလ်ပြု ခြင်းတစ်မျိုးဟု ယုံကြည်ပါသောကြောင့်လည်း ဆရာတော်ကြီးများထံ ခွင့်မပန်မိဘဲ ရေးသားလိုက်ရခြင်း ဖြစ်ပါသည်။

အချိန် တပါး၌ မိုင်းဖုန်း ဆရာတော်ဘုရားသည် ဆုထူးပန် တို့၏ သဏ္ဍာန်၌ ဖြစ်ပေါ်လေ့ရှိသော ၊ လူသူတိရစ်ဆာန်တို့ အရောက်နည်းပြီး အလွန် ငြိမ်းချမ်းဆိတ်ငြိမ်သောဘုရားရှင်အဆက်ဆက် ကျင့်ကြံပွားများတရား အားထုတ်တော်မူခဲ့သော အလွန်တရား အေးခဲလှသော ဟိမဝန္တာ တောင်ထိပ်ပေါ်တွင် တရားအားထုတ်တော်မူရန်လွန်စွာမှပင် စိတ်ဆန္ဒပြင်းပြတော် မူခဲ့ပါသည်။ သို့မို့သောကြောင့် ဆရာတော်သည် ဘူတန်နိင်ငံသို့ တစ်ပါးတည်း ကြွချီတော်မူခဲ့ပါသည်။

ဘူတန်နိင်ငံသည် မဟာယန ဗုဒ္ဓဘာသာသာတစ်မျိုးတည်းသာ ကျင့်သုံးကိုးကွယ်ပြီး တစ်ခြားမည်သည့် ဘာသာမျှ လက်ခံခြင်း မရှိသည့် ကမ္ဘာပေါ်တွင် အလွန်ရှားပါးလှသည့် နိင်ငံ တစ်နိင်ငံ ဖြစ်ပါသည်။ ဆရာတော်ကြီး ဘူတန်နိင်ငံတွင် ရောက်ရှိသောအခါ ဘူတန်နိင်ငံသူ နိင်ငံသားများက ဘယ်အတွက်ကြောင့် ဘူတန်နိင်ငံသို့ကြွချီလာပါသနည်းဟု မေးလျောက်ကြပါသည်။ ( ဘာသာပြန်အကူ အညီနှင့် ဖြစ်ပါမည်၊ ထိုအချိန်တွင် ဆရာတော်သည် ဘူတန်စကား ပြောတတ်ခြင်းမရှိပါ ) ဆရာတော်ရည်ရွယ်ချက်ကို ပြောပြသောအခါ အားလုံးက မဖြစ်နိင်ကြောင်း၊ တောင်ပေါ်တွင် အလွန်အေးကြောင်း၊ တောင်ပေါ် ရောက်သူ မည်သူမျှ အသက် မရှင်နိင်ကြောင်း လျောက်တင်ကြပါသည်။

ဆရာတော်က အသက်သေချင် သေပါစေ တရားအားထုတ်ချင်ပါသည်ဟု မိန့်တော်မူခဲ့ပါသည်။ဘူတန်နိင်ငံသူ/သားများက ဆရာတော်၏ ဆန္ဒကို မလွန်ဆန်နိင်သည့်အဆုံး တစ်ခြားနည်းနှင့် တားမြစ်ရန် ကြိုးစားကြပါသည်။ မဟာယနကို ကိုးကွယ်သူများ ဖြစ်သောကြောင့်ဆရာတော်သည် မည်သည့် ဝါဒကို ကိုးကွယ်ပါသနည်း။ ထေရဝါဒကိုကိုးကွယ်ပါသလားဟု မေးလျောက်ကြပါသည်။ ဆရာတော်က မဟာယနလည်းမဟုတ်၊ ထေရဝါဒလည်းမမည်ဗုဒ္ဓဝါဒသာ ကိုးကွယ် ယုံကြည်သည်ဟု ပြန်မိန့်ရာ၊ အားလုံးမှာ မငြင်းသာပဲ ဖြစ်နေကြသည်။

ထိုအချိန်တွင် ဆရာတော်အား ဟိမဝန္တာ တောင်ပေါ်တွင် တရားအားထုတ်မည် ဆိုပါက တစ်ခုခု အစွမ်းပြရမည်ဟု လျှောက်တင်ကြပါသည် မိုင်းဖုန်းဆရာတော်ကြီးက ထိုသို့လျှောက်တင်သည်ကို ပြန်လည်မိန့်ကြားသည်ကို ကြားသိကြသောအခါ လွန်စွာမှပင် အံ့သြကြမှင်တက်သွားကြသည်။

ဆရာတော် မိန့်သည်မှာ ဘူတန်၌ လွန်ခဲ့သော နှစ်ပေါင်း ၇၀၀ ကျော် ၈၀၀ ခန့်က ဘုရင်တပါးကနေပြီး ရသေ့ရဟန်း ဝတ်သွားတာ ကြားဖူးကြလား၊ ရာဇဝင်ရှိခဲ့တာ သိကြလားဟုမိန့်တော်မူပါသည်။ ၎င်းတို့က ထို့ကဲ့သို့ သမိုင်း အမှန်တစ်ကယ် ရှိကြောင်း ပြန်လည် လျောက်တင်ကြသည်။ ဆရာတော်က အဲဒီ ဘုရင်က ယခု သူပင်ဖြစ်ကြောင်း မိန့်ကြားပါသည်။

သက်သေပြရန် ဆရာတော်အား လျောက်တင်သောအခါ ဤဟိမဝန္တာတောင်ပေါ်တွင် လိုဏ်ဂူတစ်ခု ရှိကြောင်း၊ ထိုဂူ၏ အတွင်းပိုင်းတစ်နေရာ ချိုင့်ခွက်ထဲတွင် ကျောက်တုံးဖြင့်ဖိ၍ထားသော ကျောက် ပုတီး တစ်ကုံးရှိကြောင်း၊ သွား၍ ရှာကြရန် မိန့်တော် မူခဲ့ပါသည်။ ဘူတန်သူ/သားများသည်လည်း ဆရာတော်၏ မိန့်ကြားချက်အတိုင်းကျောက်ပုတီးကုံးကို ဝိုင်း၍ ရှာကြရာ မကြာခင် ဆရာတော် မိန့်သည့်အတိုင်း ပုတီးကို တွေ့လေ၏။

ထိုအချိန်မှ အားလုံးက ဆရာတော်၏ အစွမ်းကို ယုံကြည်၍ ဟိမဝန္တာတောင်တွင် တရားအားထုတ်ရန် ခွင့်ပြု သဘောတူခဲ့ကြသည်။ ထို့ကြောင့်ဆရာတော်သည်ဝါတွင်းသုံးလပတ်လုံး တောင်ပေါ်တွင် တရားအားထုတ်ကာ သီတင်းသုံးတော်မူခဲ့သည်။ နောက်ထက် ထူးခြားသည်မှာ ဆရာတော်သည် သုံးလ သီတင်းသုံးပြီးချိန်တွင်ဘူတန်စာပေနှင့် စကားများကို ပြောဆိုနိင်ပြီး ဘူတန်နိင်ငံတွင် တရားဓမ္မများ ဟောကြားတော်မူခဲ့ပါသည်။ ဤကဲ့သို့ ဆရာေ ကျင့်ကြံအားထုတ်မှုနှင့် တရားတော်၏အစွမ်းတို့ကြောင့် ဘူတန်နိင်ငံသည် ဆရာတော်အား ဓမ္မရာဇာဘွဲ့ကို ချီးမြှင့်၍ ဘူတန်နိင်ငံတွင်အသက်ထက်ဆုံး သီတင်းသုံးရန် အကြိမ်ကြိမ် လျောက်တင်ခဲ့ကြသည်။

သို့သော် မိုင်းဖုန်း ဆရာတော်ကြီးသည် တရားချစ်ခင် သူတော်စဉ်အပေါင်းတို့်အတွက် တစ်နိင်ငံတည်းတွင် သီးတင်းသုံး နေထိုင်ခြင်းမရှိဘဲ နိင်ငံအများ ဒေသစာရီကြွရောက်တော်မူ၍တရားရေအေး တိုက်ကျွေးတော် မူခဲ့ပါသည်။ ထိုကဲ့သို့ ဆရာတော်အကြောင်းနှင့် အကျင့်မြတ်တို့ဖြင့် ပြည့်စုံ နေသော တရားတော်မြတ်ကို ရိုသေလေးစားစွာ မျှဝေရင်းတရားချစ်ခင် သူတော်ကောင်းများ အတွက် သဒ္ဒါတရား ပွားများနိင်စေရန် မျှဝေ ပူဇော်လိုက်သည်။

တရားတော် ဟောကြားတော်မူခဲ့သော ဆရာတော်အမည် နမ့်လန်ဆရာတော်နှင့် ဘော်ကြို ဆရာတော်….နေ့ရက် ။၂၁ ၊ ၁ ၊ ၂၀၁၉အချိန်။ နံနက် ၆နာရီ နေရာ။ ပြည်လမ်း၊ ကမာရွတ်မြို့နယ်။ ရန်ကုန်။ ခရက်ဒစ် ကမ္ဘောဇအုပ်စု၊ ကမ္ဘောဇဘဏ် မိသားစု၏ ကုသိုလ်တော်အလှူ ။)) ဆိုပြီး ဆရာတော်ဘုရားကြီးရဲ့ ရှေးဘဝအကြောင်းကို ရေးသားထားတာပဲဖြစ်ပါတယ် မေတ္တာတရားကြီးမားလွန်းပြီး သီလစွမ်းအားပြည့်စုံတဲ့ ဆရာတော်ဘုရားကြီးကို ရိုသေစွာရှိခိုးကန်တော့ရင်း ဒီအကြောင်းလေးကို ပရိသတ်ကြီးတို့ သိဖို့ ပြန်လည်မျှဝေပေးလိုက်ရပါတယ်နော်…

Writer – HW (Shwe Yaung Lan)

Source : mie mie thaung naing