အ ခုဆိုရင် တကမ္ဘာလုံးကို ခြိမ်းခြောက်နေတဲ့ ဝူဟန်ဗိုင်းရပ်လို့ အလွယ်ခေါ်တဲ့ 2019 Novel Coronavirus (2019-nCoV) ဟာ လင်းနို့စွပ်ပြုတ်က စတာဖြစ်ကြောင်း ပညာရှင်တွေက အသိပေးလိုက်ပါတယ်။

ဒါကြောင့် လင်းနို့စွပ်ပြုတ် စားသောက်ခြင်းကို ရှောင်ကြဉ်ဖို့ တိုက်တွန်းနေကြပါတယ်။ တရုတ်လူမျိုးတွေဟာ သာမန်နိုင်ငံခြားသားတွေ စားဖို့ငြင်းဆန်လေ့ရှိတဲ့ အကောင်ပလောင် တော်တော်များများကို စားသုံးခြင်းအလေ့အထ ရှိခဲ့ပြီး၊ လင်းနို့စွပ်ပြုတ်ကိုလည်း ဆေးဘက်ဝင်တယ်၊ ကျန်းမာစေတယ်လို့ အယူရှိကြပါတယ်။

Coronavirus စတင်ပျံနှံ့မှုကို ယခင်က ပင်လယ်စာရောင်းတဲ့ ဈေးကနေ စတင်ခဲ့တာလို့ ယူဆကြပါတယ်။ အဲဒီဈေးထဲကနေ လူ သုံးဦးစ လေးဦးစ စတင်ကူးစက်ခဲ့ရာက စတယ်လို့ ဆိုကြပါတယ်။

ဒါပေမယ့် အဲဒီဝူဟန်ပင်လယ်စာဈေးမှာလည်း လင်းနို့စွပ်ပြုတ်က တွင်ကျယ်စွာ ရောင်းချနေတဲ့ စားကုန်ဖြစ်ပါတယ်။ နောက်ပြီး ဒီဗိုင်းရပ်စ်ဟာ မြွေသားကနေ ကူးစက်တာလည်း ဖြစ်နိုင်တယ်လို့ ပညာရှင်က ဆိုပါတယ်။ အကြောင်းကတော့ ဗိုင်းရပ်စ်ရဲ့ပရိုးတိန်း Code တွေကို စစ်ဆေးလိုက်တော့ မြွေသားထဲက ပရိုတိန်း Code နဲ့ တူညီနေလို့ ဖြစ်ပါတယ်။

CNA ရဲ့အဆိုအရတော့ မြွေတွေဟာ လင်းနို့တွေကို သားကောင်အဖြစ် ဖမ်းဆီးစားသောက်ကြလေ့ရှိကြောင်း၊ ဒီအချက်က မြွေတွေဆီမှာ ဒီဗိုင်းရပ်စ်ရှိနေတဲ့ အချက်ပါ။ တရုတ်နိုင်ငံ ရောဂါရှာဖွေတိုက်ဖျက်ရေးနဲ့ ရောဂါကာကွယ်ရေးဌာနမှ အထွေထွေဒါရိုက်တာ ဒေါက်တာ Gao Fu က အခု ဗိုင်းရပ်စ်အသစ်ဟာ SARS ရောဂါနဲ့ (၇၀)%လောက် တူညီကြောင်း ဆိုပါတယ်။

SARS ကလည်း လင်းနို့တွေက အစပြုခဲ့တဲ့ရောဂါ ဖြစ်ပါတယ်။ ဒါကြောင့် ဆေးသိပ္ပံပညာရှင်တွေက လက်ရှိအချိန်မှာ လင်းနို့သားစွပ်ပြုတ်တွေကို စားခြင်းကို ရှောင်ရှားဖို့ အကြံပေးခဲ့ကြတာပါ။

(၂၀၀၃)ခုနှစ်မှာ SARS ဗိုင်းရပ်စ်ရောဂါဟာ လင်းနို့တွေကြောင့်လို့ ကြေညာခဲ့ပြီး၊ ထိုစဉ်ကတည်းက တရုတ်က လင်းနို့သား ရှောင်ဖို့ ပိတ်ပင်ခဲ့ပေမယ့် အခုအချိန်ထိ လင်းနို့သားဈေးကွက် အားကောင်းနေဆဲပါ။

လင်းဇော်ကို (D Nae Khit)