အက်စ တာဒေါ့ချင်းဆုန်ကတော့ မြန်မာအိုင်ဒေါပြိုင်ပွဲကြီးရဲ့ Winner ဆုကို ပူပူနွေးနွေးရထားသူလေးပါ။ချစ်စရာကောင်းတဲ့ချင်းမလေးဟာ ပြိုင်ပွဲကြီးမှာ ပဏာမစတင်ယှဉ်ပြိုင်ချိန်ကတည်းက ပရိသတ်တွေရဲ့စိတ်ဝင်စားခြင်းကိုခံခဲ့ရတာလည်းဖြစ်ပါတယ်။

ပါရမီရှိသလို ကြိုးလည်းကြိုးစားတာကြောင့် ဆုနဲ့ထိုက်တန်ခဲ့သလို လက်ရှိမှာလည်း ပွဲတွေတစ်ခုပြီးတစ်ခုဆက်တိုက်ဖျော်ဖြေနေရတာလည်း ဖြစ်ပါတယ်။

အဆိုတော် Esther ဟာ အိမ်ထောင်ရှိတယ်ဆိုပြီးတော့ လူမှုကွန်ယက်စာမျက်နှာပေါ်မှာ ပျံ့နှံ့နေခဲ့ပါတယ်။ ဒီသတင်းတွေဟာ ကောလာဟလသတင်းတွေဖြစ်တာကြောင့် ပြန်ဖြေရှင်းတာမျိုးတွေ မလုပ်တော့ဘူးလို့ အင်တာဗျူးတွေမှာ ဖြေဆိုခဲ့ပါတယ်။“ ကောလာဟလ သတင်းတွေဆိုတာလည်း ဖြေရှင်းလိုက်တာထက် မြိုချလိုက်တာ ပိုကောင်းတယ်လို့ ညီမထင်တယ်။

ကဲ့ရဲ့ ၇ ရက်၊ ချီးမွှမ်း ၇ ရက်လို့ပြောတဲ့အတိုင်းပဲ ပြဿနာတစ်ခုခုဖြစ်လို့ လိုက်ရှင်းနေရတယ်ဆိုရင် ဒီဟာနဲ့ပဲ အချိန်ကုန်သွားမှာလေ။ ကိုယ်သည်းခံနိုင်သည်ဖြစ်စေ၊ သည်းမခံနိုင်သည် ဖြစ်စေ စိတ်ထဲကနေပဲ မြိုသိပ်နေတာ ကောင်းပါတယ်လို့ပဲ တွေးလိုက်တယ်” လို့ဆိုပါတယ်။

Esther က ဖခင်ဖြစ်သူနဲ့ ရိုက်ထားတဲ့ ဓာတ်ပုံ၊ ဦးလေးအရင်းဖြစ်သူနဲ့ ရိုက်ထားတဲ့ ဓာတ်ပုံတွေကို တင်ပြီး ခင်ပွန်းပါလို့ စွပ်စွဲခံရတာဖြစ်တဲ့အတွက် စိတ်မကောင်းဘူးလို့ ဆိုပါတယ်။ ဒီလို သတင်းတွေကြောင့် သူမရဲ့ အဖေရော၊ ဦးလေး ဖြစ်သူတို့ကပါ သူမအတွက် စိတ်မကောင်းဖြစ်နေတယ်လို့ ပြောပါတယ်။

“ သူတို့ အခုပြောနေတဲ့ ခင်ပွန်းဆိုတဲ့သူကလည်း သမီးရဲ့ အဖေပါ။ ကိုယ့်ကို မွေးခဲ့တဲ့ အဖေဖြစ်တဲ့အတွက် သမီးအဖေအတွက်လည်း စိတ်မကောင်းဘူး။ ပြီးတော့ US မှာတုန်းက ဦးလေးအရင်းခေါက်ခေါက်နဲ့ရိုက်ထားတဲ့ ဓာတ်ပုံတွေလည်းတက်လာတယ်။

သူက ပီယာနိုတီးတယ်၊ သူက US မှာ Music Trainning လာပေးတာပေါ့နော်။ သူတို့ပြောတဲ့သူတွေကလည်း ကိုယ့်အဖေ၊ ကိုယ့်ဦးလေးဖြစ်နေတော့ စိတ်မကောင်းဘူး။ အဖေဆိုရင် အခုနောက်ပိုင်း ဓာတ်ပုံတောင် မရိုက်ချင်တော့ဘူး။ နောက် ဒီလိုမဖြစ်အောင် ဆင်ခြင်ရမှာပေါ့” လို့ သူကဆိုပါတယ်။