နိုင် ငံတကာအဆင့်မှီဆိုတဲ့ ရတနာပုံဈေးမီးလောင်မှုကို စုံစမ်းဖော်ထုတ်ပေးကြပါ…

ကျွန်တော်တို့နိုင်ငံမှာက မီးလောင်လို့ ၀ါယာရှော့ကြောင့်ဖြစ်တာဆိုရင်… အော် ၀ါယာရှော့ကြောင့်ဖြစ်တာတဲ့ဆိုပြီး ပြီးပြီ။ အောင်မယ် သမရိုးကျဖြစ်တာ မထူးဆန်းသလိုလို။ မတော်တဆဖြစ်တာလိုလို။ ဘယ်သူမှ မပြစ်မရှိတာလိုလို ပီးရော။

ခု မနေ့ညက လောင်တဲ့ရတနာပုံဈေးက ၀ါယာရှော့လို့ပြောတယ်။ ၀ါယာလျှော့ မဖြစ်ရဘူးမဆိုလိုပါဘူး။ ဒါပေမယ့် ၀ါယာရှော့က ဘာကြောင့်ဖြစ်ရတာလဲ။ အကြောင်းအရင်းရှိရမယ်။ မနိုင်ဝန်ကြောင့်လား၊ တပ်ဆင်ထားတဲ့ ၀ါယာအရည်အသွေးမပြည့်လို့လား ဘာကြောင့်လဲ။ လူမတော်တဆလား။ ဟုတ်ပြီးရှော့ဖြစ်တယ်ထား။ မီးလောင်တဲ့အဆင့်မဖြစ်ရဘူး။ ဒီခေတ်မှာ Auto Breaker တွေအားလုံးသုံးထားတယ်။ ရှော့ဖြစ်တာနဲ့ အဲ့ Breaker တွေက ဖြတ်မချဘူးလား။ မပြုတ်ဘူးလား။ Breaker တွေက သင့်တော်တဲ့ ဟာကော တပ်ထားရဲ့လား။ ဒါတွေစစ်ဆေးရမှာလေ။ လိုအပ်တဲ့အရေးယူဆောင်ရွက်မှုလုပ်ရမှာလေ။ ၀ါယာရှော့ကြောင့်တဲ့ဟေ့ဆိုပြီး ပီးလို့ဘယ်ရမလဲ။

နောက်တဆင့် ဟုတ်ပြီလောင်ပြီထားလိုက်။ တပ်ဆင်ထားတဲ့ မီးဘေးကာကွယ်ရေးစနစ်တွေ အလုပ်လုပ်ရမယ်လေ။ တန်းအလုပ်လုပ်ရင် နည်းနည်းပဲလောင်ရမယ်လေ။ အဆောက်အဦးဆောက်တုန်းက မီးဘေးကာကွယ်ရေးစနစ်တွေ သေချာတွက်ချက်လုပ်ခဲ့လား။ အဆင့်မှီစွာတပ်ဆင်ခဲ့လား။ မီးသတ်ဌာနညွန်ကြားချက်တွေ လိုက်နာခဲ့လား စစ်ဆေးရပါမယ်။

ကျွန်တော်တို့နိုင်ငံမှာ ဈေးမီးလောင်မှုတွေကြည့်ရင် နည်းနည်းပါးပါးနဲ့ပြီးသွားတယ်ဆိုတာမရှိဘူး။ တစ်ဈေးလုံး ပြာကျလောင် စရာမရှိတော့မှ ရပ်သွားတာ များတယ်။ အဲ့တော့ ခုမီးလောင်မှုဖြစ်စဉ်မှာ အဆောက်အအုံ စဆောက်လုပ်ကတည်းက မီးဘေးအန္တရာယ်အတွက် သေချာဒီဇိုင်းဆွဲဆောက်ခဲ့လား။ မီးလောင်မှုဖြစ်ရင် ၀င်ထွက်နိုင်ဖို့အပေါက်တွေ သေချာလုပ်ထားခဲ့လား။ လုံလောက်တဲ့ မီးသတ်ရေလှောင်ကန်တွေ၊ ရေငုတ်တွေလုပ်ထားလား။

တကယ်အရေးကြီးတဲ့ မီးခိုးငွေ့အာရုံခံကိရိယာ (Smoke Detectors) ၊ မီးအန္တရာယ်အချက်ပေးစနစ် (Fire Alarm) အလိုအလျောက် ရေဖျန်းစနစ် (Sprinkler) နဲ့ မီးသတ်ပိုက်ခေါင်း (Hose Reel)တွေကို စနစ်တကျ အပြည့်အစုံ တပ်ဆင်ထားခဲ့လား ဆိုတာ ပညာရှင်များနဲ့ အဖွဲ့ဖွဲ့စစ်ဆေးရပါမယ်။

အဲ့တော့ ခုရတနာပုံဈေး မီးလောင်တာကို ၀ါယာရှော့ကြောင့်ဖြစ်တာဆိုပြီး ဒီအတိုင်းအလွယ်မပြီးသင့်ဘူး။ ခုပြန်ဆောက်ထားတဲ့ ရတနာပုံဈေးသစ်ကြီးက နိုင်ငံတကာအဆင့်မှီဆောက်ခဲ့တယ်လို့ ပြောထားတယ်လေ။ ပထမအကြိမ်လောင်တုန်းကလည်း ၀ါယာရှော့ဆိုပြီး ပီးခဲ့တယ်။ မင်္ဂလာဈေးမီးလောင်ခဲ့တာလဲ ဒီနေ့အထိ လက်သည်မပေါ်ခဲ့ဘူး။ ခု ရတနာပုံဈေး မီးလောင်မှုကိုတော့ ပညာရှင်များနဲ့သေချာစစ်ဆေးပြီး နစ်နာသူပြည်သူများအတွက် ကျေနပ်မှုရရှိအောင်ဆောင်ရွက်ပေးသင့်ပါတယ်။ တာဝန်ယူမှု တာဝန်ခံမှုတွေ ရှိသင့်ပါတယ်။ ဘယ်သူ့မှာမှ တာဝန်မရှိသလို ပြီးဆုံးမသွား သင့်ပါဘူး။

ဒီလောက်လုပ်ငန်းတွေမကောင်း စီးပွားရေးကြပ်တည်းနေချိန် ခုလိုမီးလောင်ခံရတာ ပြည်သူတွေအရမ်းကို အထိနာစေပါတယ်…

ကျော်ကြီး(MDY)

Credit – Blacker