မြန် မာနိုင်ငံမှာရှိတဲ့ လက်နက်ကိုင်အဖွဲ့အစည်းတွေကို အများကစွပ်စွဲနေသလို လက်နက် ၊ခဲယမ်း တွေထောက်ပံ့နေတာမျိုးလုံးဝမရှိဘူးလို့ တရုတ်သမ္မတ ရှီကျင့်ဖျင်ကပြောကြားလိုက်ပါတယ်။

ဒီကနေ့ နေပြည်တော်က Horizon Lake View Resort Hotel မှာ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့တွေ့ဆုံစဉ်မှာတရုတ်သမ္မတက ပြောခဲ့တာလို့ တပ်မတော်ကာကွယ်ရေးဦးစီးချုပ်ရုံးရဲ့ သတင်းထုတ်ပြန်ချက်အရသိရပါတယ်။

မည်သည့် အဖွဲ့ အစည်းဖြစ်စေ တရုတ်နိုင်ငံပိုင်နက်ကို အသုံးချပြီး မြန်မာနိုင်ငံကို ထိခိုက်အောင် ဆောင်ရွက်တာမျိုး လက်မခံကြောင်း ၊ အများက စွပ်စွဲပြောကြားနေသလို မြန်မာနိုင်ငံမှာရှိတဲ့ လက်နက်ကိုင်အဖွဲ့အစည်းတွေကို လက်နက် ၊ခဲယမ်း တွေ ထောက်ပံ့ပေးနေတာ လုံးဝမရှိကြောင်း ၊ အခြားနည်းလမ်းတွေနဲ့ ရနိုင်တာဖြစ်လို့ သေချာစွာ စိစစ်ဖြေရှင်း ပေးသွားမယ်လို့လည်း တရုတ်သမ္မတ က ဆိုခဲ့ပါတယ်။

တပ်မတော်ကာကွယ်ရေးဦးစီးချုပ်က ပြန်လည်ပြောကြားရာတွင် ငြိမ်းချမ်းရေးဆောင်ရွက်ရာတွင်လည်း ဥပဒေနှင့်အညီသာ ဆောင်ရွက်ရမည်ကို တိုင်းရင်းသားအားလုံး နားလည်လက်ခံနိုင်ရန် လိုအပ်ပါကြောင်း၊ အဆွေတော် သမ္မတကြီး ကလည်း တိုက်တွန်းအားပေးနိုင်ပါရန် မေတ္တာရပ်ခံလိုပါကြောင်း၊ နိုင်ငံတည်ငြိမ်အေးချမ်းရန် ဆန့်ကျင်သည့် အကြမ်း ဖက်ဆူပူမှုများကို မည်သည့်နိုင်ငံကမျှ လက်ခံနိုင်မည်မဟုတ်သလို အစိုးရကို ဆန့်ကျင်၍ လက်နက်ကိုင် အကြမ်းဖက်တိုက်ခိုက်မှုများဆိုလျှင် ပို၍ပင် လက်ခံနိုင်မည် မဟုတ်ကြောင်း၊ နှစ်နိုင်ငံ အေးအတူပူအမျှ အသိုက်အ၀န်းတည်ထောင်ရေးနှင့် ပြည်သူများ၏ အကျိုးစီးပွားများအတွက် ပူးပေါင်းဆောင်ရွက်မှုများတွင် တပ်မတော်က အတတ်နိုင်ဆုံး ပူးပေါင်း ကူညီဆောင်ရွက်ပေးသွားမည်ဖြစ်ပါကြောင်းဖြင့် ပြောကြားသည်ဟု သိရသည်။

တရုတ်သမ္မတ မြန်မာနိုင်ငံကို မလာရောက်မီကတော့ တရုတ်အထူးကိုယ်စားလှယ် မစ္စတာ ဆွန်းကော်ရှန်းဟာ မြန်မာ-တရုတ် နယ်စပ်မှာရှိတဲ့ တိုင်းရင်းသား လက်နက်ကိုင်အဖွဲ့တွေကိုသွားရောက်တွေ့ဆုံခဲ့ပါတယ်။

ဒီတွေ့ဆုံမှုမှာတော့ နယ်စပ်ဒေသတည်ငြိမ်အေးချမ်းဖို့နဲ့ တိုက်ပွဲတွေမဖြစ်ဖို့ ဆွေးနွေးခဲ့တယ်လို့သိရပါတယ်။ တရုတ်သမ္မတ ရဲ့ မြန်မာနိုင်ငံခရီးစဉ်ဟာ ၁၉ နှစ်တာကာလအတွင်း တရုတ်သမ္မတ တစ်ဦးရဲ့မြန်မာနိုင်ငံ ခရီးစဉ်လည်းဖြစ်ပါတယ်။