ပရိ တ်သတ်ကြီးရေ ဒီတစ်ခါ တင်ဆက်ပေးမယ့် အကြောင်းအရာလေးကတော့ မိဘတွေဟာ သားသမီးအပေါ်မှာ အရမ်းကို စိုးရိမ်စိတ်တွေထားပြီး၊ တစ်ခါတစ်ရံမှာ ကိုယ့်သားသမီးအပေါ်မှာ ကိုယ့်ရဲ့ သိက္ခာနဲ့ ပတ်သတ်ပြီး စိတ်ဆိုးဒေါသထွက်တတ်ကြပါတယ်။ ကလေးငယ်တွေဆိုတာ သူတို့ သဘာဝအတိုင်းပဲ လှုပ်ရှားနေကြတာဖြစ်ပါတယ်။ လူကြီးတွေလို ဟန်မဆောင်တတ်တာ ကလေးငယ်လေးတွေရဲ့ သဘာဝပါ။ ဒီလို သဘာဝလေးနဲ့ ပတ်သတ်ပြီး လူမှုကွန်ယက်မှာ ဆောင်းပါးလေး တစ်ခု တော်တော်လေးကို ပျံ့နှံ့ခဲ့ရပါတယ်။ ဒီဆောင်းပါးလေးဟာလည်း တော်တော်လေးကို ကောင်းတာကြောင့် ပရိတ်သတ်ကြီးအတွက် ပြန်လည် မျှဝေလိုက်ပါတယ်နော်…။

((ဟိုတလောက ညီတယောက်လို ခင်မင်ရတဲ့ သူငယ်ချင်းတယောက်ဆီ ကိစ္စလေးရှိလို့ သွားဖြစ်တယ်။ ချိန်းထားတဲ့ အချိန်နည်းနည်း ကပ်သွားလို့နဲ့ တူပါရဲ့။သူတို့အိမ်မှာ ရောက်နှင့်နေတဲ့ ဧည့်သည်တွေလည်း မပြန်ကြသေးဘူး။ ကိုယ်နဲ့လည်း မျက်မှန်းတန်းပြီးသားတွေမလို့သူတို့ကလည်း ခေါ်တာနဲ့ ထွေရာလေးပါးပြောဖြစ်ကြတယ်။ အဲဒီမှာ ဧည့်သည်အတွက်ချပေးထားတဲ့ ပန်းကိတ်ကို ကျနော့် သူငယ်ချင်းရဲ့သားလမ်းလျှောက်တတ်ခါစ အရွယ်ကောင်ကမျက်စိကျနေတာကို ကျနော် သတိထားမိတယ်။အဲဒါနဲ့ ကျနော်က ဟေ့ကောင် လာလာ လို့ ခေါ်ပြီးပေါင်ပေါ်ထိုင်ခိုင်း၊ မင်းနာမည် ဘယ်သူဘယ်နှနှစ် လျှောက်မေးရင်း မုန့်ခေါ်ကျွေးတော့ဒီကောင် အတော်ပျော်နေပုံရတယ်။ နောက်တခုစားမလား ဆိုတော့ ခေါင်းညိတ်တယ်။အဲဒါနဲ့ တခုထပ်ပေးပြီး နောက်ထပ် စားချင်ရင်ထပ်လာယူ သိလား ဆိုတော့ ဒီကောင့် မျက်နှာဝင်းကနဲ ဖြစ်သွားတယ်။သူ့အဖေနဲ့အမေလုပ်သူက ရှက်တယ်နဲ့ တူပါရဲ့။ဒီကောင်ကွာ ဒီလောက် ကျွေးထားပြီးသားကိုလူရှေ့သူရှေ့ လုပ်ပြန်ပြီ ဘာညာနဲ့ညည်းတွားနေတာကြားရတယ်။ကျနော် ဘာမှ မပြောပါဘူး။ ပြုံးနေလိုက်တယ်။တခြားဧည့်သည်တွေ ပြန်သွားတော့မှ ညီလိုညီမလို ဖြစ်နေတဲ့ သူတို့နှစ်ယောက်လုံးကိုလှမ်းခေါ်လိုက်ပြီး ပြောစရာ ရှိတာ ပြောတယ်။ပြီးတော့ မင်းတို့ကွာ အတော်အတ္တကြီးတဲ့ ကောင်တွေဆိုတော့ လင်မယား နှစ်ယောက်စလုံး နည်းနည်းမျက်နှာပျက်သွားတယ်။ဒီမယ် ကလေးတွေကို လူရာသွင်းရတယ်ကွ။လူရာမသွင်းရင် ခွေးရာဝင်သွားတတ်တယ်။

ဆရာအောင်သင်းစကား မကြားဖူးရော့သလား။ငါမေးမယ်။ မင်းသား ဗိုက်ဆာတယ် ပြောရင်ခုနကပဲ ကျွေးထားထား အိမ်မှာ ဘယ်သူမှ မရှိရင်သူစားချင်တာ ချင့်ချိန်ကျွေးတယ်မလား ဆိုတော့သူက ခေါင်းညိတ်တယ်။အေး မှတ်ထား ။ ကလေး ဆိုတာ သူများစားရင်စားချင်တာကွ။ အဲဒါ သူတို့ သဘာဝ။ လူ့သဘာဝလို့လည်း ပြောလို့ရတယ်။ မင်းတို့ လူကြီးတွေတောင်လက်ဆုံစားရင် ထမင်းမြိန်တယ် ဘာညာလုပ်ကြသေးတယ်မလား။ ဒါပဲပေါ့ကွာ။အဲဒီလို သူစားချင်တာ ကျွေးနေကျဖြစ်ပေမယ့်ခုနကျတော့ မင်းတို့ မကျွေးချင်ဘူး။ ရှက်သလိုဖြစ်တယ်။ ကလေးကို မာန်မဲတယ်။အဲဒါ ဘာလို့လဲ ဆိုတော့ ငါတို့ သားသမီးကို ဝအောင်မကျွေးနိုင်ဘူးလို့ သူများတွေ ထင်မြင်သွားတော့မယ်။တကယ် မကျွေးနိုင်ရိုး မှန်ရင်အရှက်ရစရာလို့ယူဆတယ်။ ကျွေးနိုင်ရက်နဲ့ အထင်ခံရရင်စီးပွားရေး မပြေလည်ဘူးလို့ သူများတွေအထင်မှားတော့မယ်။အဲဒီလို သူများတွေ ကိုယ့်အပေါ် ဘယ်လိုထင်သွားမယ် ဆိုပြီး တွေးကြောက်တဲ့စိတ်ကကလေးရဲ့ သူများစားရင် စားချင်တဲ့ သဘာဝနဲ့သွားပြီး ပဋိပက္ခဖြစ်တာဟေ့။ မင်းတို့ မာန၊ အတ္တ၊ပုံရိပ်ကို ဒီကောင်က သွားထိခိုက်သလိုဖြစ်တာ၊အဲဒီမှာ မင်းတို့ မခံမရပ်နိုင်ဖြစ်ကြတာ။ ပြဿနာကကလေး မဟုတ်ဘူး။ လူကြီးတွေကွ။ငါတို့လည်း ငယ်ရာက ကြီးတာလေကွာငါက လူကဲခတ်နပ်လို့ သိပ်မခံရပေမယ့်ငါ့ဝမ်းကွဲတွေ ခဏခဏ အရိုက်ခံထိကြတယ်။အဲဒီအကြောင်း ငါ့ကိုယ်တွေ့လေး ပြန်ပြောပြမယ်နားထောင်။ ငါ ငယ်ငယ်က အမေ့ရဲ့ အစ်မဝမ်းကွဲအကြီးဆုံးက တပ်ထဲက အရာခံဗိုလ်နဲ့အကြောင်းပါပြီး တပ်ထဲ လိုက်နေရတယ်။အမေနဲ့က အသက်ချင်း သားအမိလောက် ကွာတယ်။သူ့ယောက်ျား အရာခံဗိုလ်ကလည်း ငါနဲ့ငါ့အမေအလည်လာရင် သူ့ဆိုင်ကယ်ကြီးနဲ့အိမ်ပြန်ပြန်လိုက်ပို့တာ။ငါတို့ကို အတော်ချစ်ရှာတယ်။အဲဒီမှာ သူတို့အိမ်ဘေးက လိုင်းခန်းမှာ အကြပ်၊တပ်သားတွေလည်း နေတာပေါ့ကွာ။ အဲဒီထဲမယ်ကပ်ရက်နှစ်အိမ်ထောင်က တအိမ်နဲ့တအိမ်သိပ်မတည့်ကြဘူး။ စောင်းလားမြောင်းလာလုပ်လို့တပ်ရင်းမှူးကတောင် ခေါ်သတိပေးရသတဲ့။တအိမ်က ကလေးများတယ်။ တအိမ်က ကလေးနည်းတယ်။ ကလေးနည်းတဲ့ အိမ်မှာ သားတယောက်၊သမီးတယောက်ပဲ ရှိတယ်။ အဲဒီ သမီးလေး နာမည်ကဝိုင်းစိန် ထင်ပါရဲ့။ မျက်နှာဝိုင်းဝိုင်း ပါးဖောင်းဖောင်းနဲ့ငါ့ထက် ၅ နှစ် ၆ နှစ်ကြီးမှာပေါ့။ကလေးများတဲ့ အိမ်ကတော့ သားသမီး ၆ ယောက်၇ ယောက်ရှိတော့ လစာကို ခြိုးခြံချွေတာ သုံးရတယ်။တခုခု စားချင်ရင် ဝယ်မစားပဲ အိမ်မှာ လုပ်စားပြီးအကုန်အကျနည်းနည်းနဲ့ လူများများ စားရအောင်လုပ်လေ့ရှိတယ်။တနေ့သားမယ် ဟိုဘက်အိမ်က မုန့်ဟင်းခါးလုပ်စားတာကို အနံ့ကလည်းမွှးနေတော့ကလေးသဘာဝ ဝိုင်းစိန်လေးက သူများစားတာသွားငေးမိတယ် ထင်ပါရဲ့။အဲဒါ အမေလုပ်သူက ရှက်လှချည်ရဲ့ ဆိုပြီးကလေးကို ဆံပင်ဆွဲ ပါးတွေ နားတွေ ဖိနပ်နဲ့ ရိုက်တာ။ဘယ်သူကမှလည်း ဝင်မဆွဲကြဘူး။တပ်သားတွေ၊ အကြပ်တွေ၊ အရာရှိတွေကလည်းပီတီလုပ်နေတယ်နဲ့ တူပါရဲ့။ကလေးမကို သူ့အမေက ပယ်ပယ်နယ်နယ် တွယ်ပြီးဈေးကို ထွက်သွားတယ်။ ပြီးတော့ မုန့်ဖတ် ၃ ပိဿာလောက်ဝယ်လာပြီး ဟင်းရည်နဲ့ ချကျွေးတယ်။ညည်း ဒီလောက် ငတ်တာ။ ငါ့ကို အရှက်ခွဲတာမကုန်မချင်း စားစမ်း။ မကုန်ရင် အသေပဲ ဆိုပြီးရိုက်နှက်ကျွေးတာ။ကလေးမက ငိုရင်းနဲ့ စားရှာတယ်။ မစားနိုင်ရင်ရိုက်တယ်။ ဘယ်လိုမှ ဆက်မစားနိုင်တော့တဲ့အခါအမေရိုက်တာကို ပေတေပြီး ကျိတ်မှိတ်ခံနေရတာပေါ့။အဲဒီတုန်း အဖေလုပ်သူက မောမောပန်းပန်းနဲ့ပြန်လာပါလေရော။ အဲဒါ အမေက အကျိုးအကြောင်းပြောပြီး ငိုတိုင်တယ်။ အဲဒီတော့ အဖေလုပ်သူကဘာမှ မစဉ်းစား မဆင်ခြင်းပဲ သမီးကို စစ်ဖိနပ်နဲ့လှိမ့်ကန်တယ်။မုန့်ဖတ်ပိဿာနဲ့ချီပြီး ရိုက်ကျွေးထားတဲ့ ကလေးမဟာအဲဒီနေရာမှာပဲ အစာအိမ်ကွဲပြီး သေရှာတယ်လေ။မရှုနိုင် မကယ်နိုင်ဖြစ်ပြီး သွေးတွေ အန်တော့မှအမလေး အဘလေး အော်ပြီး သမီးလေးနဲ့ ခေါ်တော့ဆုံးခါနီး နောက်ဆုံးအချိန်မှာ အမေနဲ့ အဖေအပေါ်အင်မတန် စိတ်ကုန်၊ စက်ဆုပ်သွားတဲ့ အကြည့်နဲ့ကြည့်ရင်း သူတို့မရှိတဲ့ဘက်ကို မျက်နှာမူပြီးဆုံးသွားသတဲ့။

ကဲ စဉ်းစားကြည့်စမ်း။ လူမှုဆက်ဆံရေးထဲကအမုန်းတရားတွေ၊မနာလိုဝန်တိုခြင်းတွေ၊မလိုမုန်းထားခြင်းတွေ၊ အတ္တမာန်မာနတွေဆင်ခြင်တုံတရားကင်းမဲ့ခြင်း ငါတကောကောခြင်းတွေဟာဘယ်လောက်တောင် ကြောက်စရာ ကောင်းလိုက်သလဲ။အဲဒီလို ပြောတော့သကောင့်သား လင်မယားနှစ်ယောက်မျက်ရည်စမ်းစမ်းနဲ့ သား ဆိုပြီး ကလေးကို ပြေးဖက်ရှာတယ်။ဟိုကောင်က ဘာသိမှာတုန်းခုနပဲ မျက်စောင်းထိုးခံထားရပြီး အခု အဖက်ခံရတော့ကြောင်စီစီလေး ကြည့်လို့ပေါ့။လုပ်ငန်းကိစ္စပြီးလို့ အိမ်ပြန်လာရင်း တယောက်တည်းပြောမိတယ်။ ခွင့်လွှတ်ပါ မဝိုင်းစိန်။ ကျနော်တို့လူ့အဖွဲ့အစည်းအနေနဲ့ လူကြီးတွေရဲ့ အတ္တအတွက်ကလေးတွေ စတေးရတာကို မသိကျိုးကျွံပြုခဲ့ကြတယ်။အိမ်တွင်းအကြမ်းဖက်မှုတွေမှာ အမျိုးသမီးတွေ၊ကလေးငယ်တွေ ငယ်သံပါအောင် ငိုယိုအော်ဟစ်နေပေမယ့် ငါနဲ့မဆိုင်ဘူးဆိုပြီးမျက်နှာလွှဲထားခဲ့ကြတယ်။အတ္တတွေကို အရောင်တင်ရာမှာ ကလေးငယ်တွေရဲ့ဖြူစင်ခြင်းတွေ ချနင်းခံခဲ့ရတယ်။ဒီလိုအဖြစ်ဆိုးတွေ နည်းနိုင်သမျှနည်းစေဖို့ခင်ဗျားလေးအကြောင်း ပြန်ပြောပြမိတယ်စိတ်မရှိနဲ့နော်။ အဲဒီမတရားမှုတွေအတွက်အားလုံး ကိုယ်စားကျနော် တောင်းပန်ပါရစေ။ ကျေပါနော် မဝိုင်းစိန်။))))ပရိတ်သတ်ကြီးရေ ဒီဆောင်းပါးလေးက အရမ်းကောင်းလွန်းလို့ ပြန်လည်မျှဝေလိုက်ပါတယ်နော်။ တစ်ခါတစ်လေမှာ မိဘတွေဟာ သားသမီးနဲ့ပတ်သတ်ပြီး ရင်နင့်အောင်ချစ်ပေမယ့်လည်း ကလေးတို့ သဘာဝကို ကျော်ပြီး တွေးတောခဲ့တာကြောင့် မဖြစ်သင့်တာတွေဖြစ်ခဲ့ကြပါတယ်။ ဒီဆောင်းပါးလေးကို NyiNaung ရဲ့ကိုယ်တွေ့အမှတ်တရများ ၂ ကနေဖော်ပြပေးတာဖြစ်ပါတယ်။ မူရင်း ရေးသားသူကိုလည်း လေးစားလျက်ပါနော်…….။

Credit Shwe Yaung Lan