နိုင်ငံ၏ လွတ်လပ်ရေးဖခင် အမျိုးသားခေါင်းဆောင် ဗိုလ်ချုပ်အောင်ဆန်း၏ ရုပ်ပုံရိုက်နှိပ်ထားသည့် ငွေစက္ကူများကို ပြည်သူများက အမြတ်တနိုးကိုင်တွယ် သုံးစွဲလိုကြသည်။ ပြည်သူ့ကိုယ်စား လွှတ်တော်ကိုယ်စားလှယ်များက လွှတ်တော်တွင် ဗိုလ်ချုပ်အောင်ဆန်းရုပ်ပုံဖြင့် ငွေစက္ကူ ရိုက်နှိပ်ထုတ်ဝေရန် အဆိုပြုဆွေးနွေးခဲ့ကြသည်။

မြန်မာနိုင်ငံတော်ဗဟိုဘဏ်က ဗိုလ်ချုပ်ရုပ်ပုံပါ ငွေစက္ကူတစ်ထောင်တန် ပုံစံသစ်ကို လွတ်လပ်ရေးနေ့ အမှတ်တရအဖြစ် ဂုဏ်ပြုထုတ်ဝေခဲ့သည်။ ဗိုလ်ချုပ်ရုပ်ပုံပါ တစ်ထောင်တန် ငွေစက္ကူပုံစံသစ်ကို ဘဏ်များတွင် ဇန်နဝါရီ ၇ ရက်မှစ၍ ဖြန့်ဝေပေးလျက်ရှိသည်။ ထိုသို့ ဗိုလ်ချုပ်ရုပ်ပုံပါ ငွေစက္ကူထုတ်ဝေမှုနှင့်စပ်လျဉ်း၍ မြန်မာနိုင်ငံတော်ဗဟိုဘဏ် ငွေကြေးစီမံ ခန့်ခွဲမှုဌာန ညွှန်ကြားရေးမှူးချုပ် ဦးဝင်းမြင့်နှင့် တွေ့ဆုံမေးမြန်းခဲ့သည်များကို ဖော်ပြအပ်ပါသည်-

မေး။ ။ဗိုလ်ချုပ်အောင်ဆန်းရုပ်ပုံပါ ၁၀၀၀ ကျပ်တန် ငွေစက္ကူအမျိုး အစား ပုံစံသစ်ကို ဘယ်လိုရည်ရွယ်ချက်နဲ့ ထုတ်ဝေတယ်ဆိုတာအရင်ဆုံးသိပါရစေ။

ဖြေ။ ။ပြည်သူတွေအနေနဲ့ လက်ရှိ ကိုင်တွယ် သုံးစွဲနေတဲ့ငွေစက္ကူ တွေကို နိုင်ငံရဲ့ လွတ်လပ်ရေးဖခင်ကြီး၊ လေးစားချစ်ခင်တန်ဖိုးထားရတဲ့ အမျိုးသား ခေါင်းဆောင်ကြီး ဗိုလ်ချုပ်အောင်ဆန်းရဲ့ ရုပ်ပုံနဲ့ ဂုဏ်ပြုရိုက်နှိပ်ထားတဲ့ ငွေစက္ကူတွေ ကို အမြတ်တနိုး ကိုင်တွယ်သုံးစွဲလိုတဲ့စိတ် ဆန္ဒတွေ လိုလားပြင်းပြမှုရှိနေကြပါတယ်။

ပြည်သူ့လွှတ်တော်မှာ ပြည်သူ့ လွှတ်တော် ကိုယ်စားလှယ်တွေက ပြည်ထောင်စုအစိုးရအနေနဲ့ ရှေ့အနာဂတ် ကာလမှာ ရိုက်နှိပ်ထုတ်ဝေဖို့ရှိလာမယ့် ငွေစက္ကူတွေပေါ်မှာ ဗိုလ်ချုပ်အောင်ဆန်း ရုပ်ပုံတွေနဲ့ ရိုက်နှိပ်ထုတ်ဝေဖို့အတွက်လည်း အဆိုပြုဆွေးနွေး အတည်ပြုခဲ့ကြပါတယ်။

ငွေစက္ကူပုံစံသစ်တွေ ထုတ်ဝေရာမှာ ငွေစက္ကူအရည်အသွေး ပိုမိုကောင်းမွန်စေဖို့၊ အတုအပ ပြုလုပ်ခြင်းကနေ ကာကွယ်နိုင်ဖို့ နဲ့ လုံခြုံရေးအဆင့်အတန်း မြှင့်တင်ဖို့ လိုအပ်တဲ့အခြေအနေတွေအရလည်း လိုအပ် သလို ပြင်ဆင်ထုတ်ဝေရပါတယ်။

ဒါကြောင့် ပြည်သူတွေရဲ့ဆန္ဒ လိုလား ချက်နဲ့ လိုအပ်ချက်တွေအရ မြန်မာနိုင်ငံ တော်ဗဟိုဘဏ် ဥပဒေပုဒ်မ ၆၅ နဲ့ ၆၆ ပါ ပြဋ္ဌာန်းချက်တွေနဲ့အညီ ပြည်သူတွေက တန်ဖိုးထားရတဲ့၊ လေးစားရတဲ့ အမျိုးသား ခေါင်းဆောင်ကြီး ဗိုလ်ချုပ်အောင်ဆန်းရဲ့ ရုပ်ပုံနဲ့ လုံခြုံရေးအဆင့် မြှင့်တင်ထားတဲ့ တစ်ထောင်ကျပ်တန် ငွေစက္ကူပုံစံသစ်ကို ၂၀၂၀ ပြည့်နှစ် ဇန်နဝါရီလ ၄ ရက် (လွတ်လပ်ရေးနေ့)မှာ ဂုဏ်ပြုထုတ်ဝေရခြင်း ဖြစ်ပါတယ်။

မေး။ ငွေစက္ကူသစ်ရဲ့ ပုံသဏ္ဌာန်နဲ့ လက္ခဏာတွေကိုလည်း ပြောပြ ပေးပါ။

ဖြေ။ ၂၀၂၀ပြည့်နှစ် ဇန်နဝါရီလ ၄ ရက် (လွတ်လပ်ရေးနေ့)မှာ ဗိုလ်ချုပ်ရုပ်ပုံ ပါ တစ်ထောင်တန် ငွေစက္ကူပုံစံသစ်ကို စတင် ထုတ်ဝေပါတယ်။ ဗိုလ်ချုပ်ရုပ်ပုံပါ တစ်ထောင် ကျပ်တန် ငွေစက္ကူပုံစံသစ်ရဲ့ ပေါ်လွင်တဲ့ အရောင်က အပြာရောင် ဖြစ်ပါတယ်။ တစ်ထောင်ကျပ်တန် ငွေစက္ကူပုံစံသစ်ရဲ့ မျက်နှာ စာဘက်မှာ အမျိုးသားခေါင်းဆောင်ကြီး ဗိုလ်ချုပ်အောင်ဆန်းရဲ့ အမျိုးသားဝတ်စုံနဲ့ ခေါင်းပေါင်းရုပ်ပုံနဲ့ ကျောဘက်မှာ လွှတ်တော် အဆောက်အဦပုံ ရိုက်နှိပ်ထားပါတယ်။

အရွယ်အစားအားဖြင့် အလျား ၁၅၀ မီလီမီတာနဲ့ အနံ ၇၀ မီလီမီတာ ရှိပါတယ်။ လုံ ခြုံရေး ကြိုးကို တစ်ဝက်ဖုံး၊ တစ်ဝက်ပေါ် ဒေါင် လိုက်မြှုပ်ထားပြီးတော့ Colour Shift ရောင်ပြေးနည်းပညာတွေနဲ့ ပြုလုပ်ထားတဲ့ အတွက် ငွေစက္ကူလှုပ်ရှားမှုရှုထောင့်တိုင်းမှာ ရွှေရောင်ကနေ အစိမ်းရောင်ကို ထူးခြားစွာ ရုပ်လုံးကြွ အရောင်ပြောင်းလဲမှုကို မြင်တွေ့ နိုင်ပါတယ်။

အလင်းရောင်မှာ ထောင်ကြည့်မယ် ဆိုရင် ငွေစက္ကူမျက်နှာစာဘက် ဗိုလ်ချုပ် အောင်ဆန်းရုပ်ပုံရဲ့ လက်ဝဲဘက်မှာ ဗိုလ်ချုပ် အောင်ဆန်းရုပ်ပုံ ရေစာကို ရှင်းရှင်းလင်းလင်း တွေ့မြင်နိုင်ပါတယ်။ ငွေစက္ကူ ဆေးသားရိုက် နှိပ်ရာမှာ ဖောင်းကြွပုံနှိပ်နည်းစနစ်နဲ့ ရိုက်နှိပ် ထားတဲ့အတွက် ငွေစက္ကူတန်ဖိုး အမျိုးအစားနဲ့ အမှတ်အသားတွေ၊ မြန်မာနိုင်ငံတော်ဗဟို ဘဏ် စတဲ့နေရာတွေဟာ ပီပြင်ထင်ရှားတဲ့ အပြင် လက်နဲ့ စမ်းသပ်ကြည့်မယ်ဆိုရင်လည်း ကြမ်းတမ်းမှုရှိတာကို တွေ့ရှိရမှာ ဖြစ်ပါတယ်။

ငွေစက္ကူနံပါတ်ကို မြန်မာအက္ခရာ မြန်မာဂဏန်းနဲ့ အလျားလိုက်၊ အင်္ဂလိပ် အက္ခရာ အင်္ဂလိပ်ဂဏန်းနဲ့ ဒေါင်လိုက်ရိုက်နှိပ် ထားပါတယ်။ ငွေစက္ကူရဲ့ မျက်နှာစာဘက်ရှိဘယ်၊ ညာ အစွန်းတွေမှာ အမြင်အာရုံအားနည်းသူ၊ ချို့ယွင်းသူတွေအတွက် လက်နဲ့စမ်းသပ် ကြည့်မယ်ဆိုရင် အာရုံခံသိရှိနိုင်တဲ့ ဖောင်းကြွ လိုင်းတိုမျဉ်းကြောင်းငယ် ၁၁ ကြောင်းစီ ရိုက် နှိပ်ထားပါတယ်။

ငွေစက္ကူမျက်နှာစာရဲ့ လက်ယာဘက် က မြန်မာစာသားတစ်ထောင်ကျပ် နံဘေးက ခဲရောင်ဧရိယာကို ၄၅ ဒီဂရီခန့်လောက် စောင်းကြည့်မယ်ဆိုရင် အင်္ဂလိပ်စာလုံး “CBM” ကို Latent Images စာလုံးတွေ ရော မြှုပ်ရိုက်နှိပ်ထားတာကို တွေ့မြင်နိုင်ပါ တယ်။ ငွေစက္ကူရဲ့ ကျောဘက်ခါးလယ်မှာ ရွှေရောင်ကနုတ်ကွက်ကို ဒေါင်လိုက် ရိုက်နှိပ်ထားတာကို တိမ်းစောင်းကြည့် မယ်ဆိုရင် မြင်တွေ့နိုင်ပါတယ်။

မေး။ ပုံစံသစ်မှာ အဆင့်မြှင့်ထားတဲ့ ငွေစက္ကူလုံခြုံရေး အမှတ်အသား တွေနဲ့ ပတ်သက်ပြီးတော့လည်း ပြောပြ ပေးပါ။

ဖြေ။ အဟောင်း တစ်ထောင် ကျပ်တန် ငွေစက္ကူရဲ့ လုံခြုံရေး ကြိုး ငွေရောင်အမျှင်သေးနေရာမှာ ကြိုးအကြီး ရွှေရောင် ရောင်ပြေးနဲ့၊ ပြီးတော့ တိမ်းစောင်း ကြည့်မယ်ဆိုရင် အစိမ်းရောင်ကိုရုပ်လုံးကြွ အရောင်ပြောင်းလဲနိုင်တဲ့ လုံခြုံရေးကြိုး ထည့်သွင်းထားပါတယ်။ ဒါ့အပြင် ငွေစက္ကူ ပေါ် မှာ Micro Print စာလုံးငယ်တွေ များစွာ ထည့်ထားပါတယ်။ မှန်ဘီလူး ဒါမှမဟုတ် လက်ကိုင်ဖုန်းနဲ့ အနီးကပ်ဆွဲရိုက် ကြည့်မယ်ဆိုရင် ပြတ်သားစွာ တွေ့ရှိနိုင်ပါ တယ်။ ငွေစက္ကူကျောဘက်မှာ တည့်တည့် ကြည့်မယ်ဆိုရင် မမြင်နိုင်ပေမယ့် နည်း နည်းတိမ်းစောင်းကြည့်ရင် ရွှေရောင် ကနုတ်ကွက်ကို ခါးလယ်မှာ ဒေါင်လိုက် ရိုက်ထားတာကို မြင်တွေ့နိုင်ပါတယ်။

မေး။ တစ်သောင်းတန်နဲ့ တစ်ထောင်တန်က ဆင်တူတယ်လို့လည်း ပြောကြတာ ရှိပါတယ်။ ထပ်ပြီးတော့ ဗိုလ်ချုပ်ရုပ်ပုံနဲ့ ငွေစက္ကူထပ်ထုတ်ဖို့ အစီအစဉ်ကိုလည်း သိပါရစေ။

ဖြေ။ အခုသုံးစွဲနေတဲ့ တစ်သောင်း ကျပ်တန်နဲ့ အရောင်က ဆင်တူ တယ်။ ဒါပေမယ့် ထည့်သွင်းထားတဲ့ လုံခြုံ ရေးအချက်အလက်တွေနဲ့ လုံခြုံရေးကြိုး အရောင်တွေက ကွာခြားပါတယ်။ ၂၀၁၉ ခုနှစ် ဒီဇင်ဘာလ ၂၀ ရက်နေ့ ကြေညာချက်မှာ အမျိုးသားခေါင်းဆောင် ကြီး ဗိုလ်ချုပ်အောင်ဆန်းရဲ့ ရုပ်ပုံနဲ့ ငွေစက္ကူ ပုံစံသစ် အမျိုးမျိုးကိုထုတ်ဝေသွားဖို့ ဆောင် ရွက်လျက်ရှိတယ်ဆိုတာကို ဖော်ပြခဲ့ပြီး ဖြစ်ပါတယ်။ လက်ရှိအခြေအနေအရ ပြည်သူ အားလုံး သုံးစွဲနိုင်အောင် တစ်ထောင်ကျပ် တန်ကနေ စတင်ထုတ်ဝေခြင်း ဖြစ်ပါ တယ်။ တန်ဖိုးတစ်ခုချင်းအလိုက် အစဉ်အတိုင်း ဆက်လက်ပြီးတော့ ထုတ်ဝေသွားမှာ ဖြစ်ပါတယ်။

မေး။ ငွေစက္ကူသစ် ထုတ်ဝေတဲ့ အတွက် ငွေကြေးဖောင်းပွမှု ဖြစ်မှာကို ပြည်သူတွေက စိုးရိမ်တာလည်း ရှိပါတယ်။ ဒါကြောင့် ငွေကြေးဖောင်းပွမှုဖြစ် နိုင်မလား၊ ထိန်းချုပ်ဆောင်ရွက်နိုင်မလား ဆိုတာကိုလည်း ဖြေကြားပေးစေလိုပါ တယ်။

ဖြေ။ မြန်မာနိုင်ငံတော်ဗဟိုဘဏ်ရဲ့ ရည်ရွယ်ချက်က ပြည်တွင်း ဈေးနှုန်းတည်ငြိမ်မှုရရှိစေဖို့နဲ့ ထိန်းသိမ်းဖို့ ဖြစ်ပါတယ်။ ဒီရည်မှန်းချက်နဲ့အညီ ငွေကြေးတည်ငြိမ်ရေး အောင်မြင်ဖို့အတွက် ငွေကြေးမူဝါဒကို ချမှတ်အကောင်အထည် ဖော် ဆောင်ရွက်ရပါတယ်။ ငွေကြေးမူဝါဒ ထဲမှာ ငွေကြေးဖောင်းပွမှုမဖြစ်အောင် ထိန်းသိမ်းခြင်းလည်း ပါဝင်ပါတယ်။ ဘဏ္ဍာ နှစ်အလိုက် ငွေကြေးလိုအပ်ချက်ကို ဘဏ် တွေမှာရှိနေတဲ့ လက်ကျန်အခြေအနေ၊ ဗဟိုဘဏ်မှာရှိနေတဲ့ လက်ကျန်အခြေအနေ၊ ဟောင်းနွမ်းငွေစက္ကူတွေဖျက်ဆီးတဲ့ အခြေ အနေ၊ ပြည်သူတွေ အတွင်းမှာ ရောက်ရှိလည်ပတ်နေတဲ့ ငွေကြေးအခြေအနေတွေကို အခြေခံပြီး တော့ ငွေကြေးမူဝါဒ မူဘောင်အတွင်းကနေ ငွေကြေးလိုအပ်ချက်ကို တွက်ချက်သတ်မှတ် ပါတယ်။

ဒီငွေကြေးလိုအပ်ချက် ဘောင်အတွင်း ကပဲ ငွေစက္ကူအမျိုးအစားတွေကို လိုအပ် သလို ချိန်ဆပြီး ရိုက်နှိပ်ထုတ်ဝေနေတာ ဖြစ်ပါတယ်။ ဒါကြောင့် သတ်မှတ်ချက်ဘောင် အတွင်းမှာပဲ ချိန်ဆဆောင်ရွက်နေတဲ့ အတွက် ဒီတစ်ထောင်ကျပ်တန် ငွေစက္ကူပုံစံ သစ် ထုတ်ဝေမှုကြောင့်တော့ ငွေကြေးဖောင်း ပွမှု မဖြစ်နိုင်ဘူးဆိုတာကို ပြည်သူတွေကို အသိပေးလိုပါတယ်။

မေး။ ။အရင် ငွေစက္ကူတွေမှာ ပြည်ထောင်စုမြန်မာနိုင်ငံတော်ဘဏ် ဆိုပြီး ဖော်ပြပါရှိတာရှိတယ်။ အခုမြန်မာ နိုင်ငံတော်ဗဟိုဘဏ်လို့ ဖော်ပြထားတဲ့ အတွက် ပြည်ထောင်စု စာသားမပါတော့တာ ဘယ်လိုအကြောင်းကြောင့်ဆိုတာကိုလည်း ပြောပြပေးပါ။

ဖြေ။ ငွေစက္ကူအမျိုးအစားပုံစံသစ် တွေ ရိုက်နှိပ်ထုတ်ဝေကြရာမှာ ဥပဒေအရ ငွေစက္ကူကိုရိုက်နှိပ်ထုတ်ဝေခွင့် ရှိတဲ့ဌာန၊ အဖွဲ့အစည်းအမည်ကို ငွေစက္ကူ ပေါ်မှာ ရိုက်နှိပ်ဖော်ပြလေ့ရှိပါတယ်။ မှတ်တမ်းတွေအရ လွတ်လပ်ရေးရပြီး ချိန်ကနေ ၁၉၅၂ ခုနှစ်အထိ ဗမာနိုင်ငံ ငွေကြေးအုပ်ချုပ်မှုအဖွဲ့ကို ဖွဲ့စည်းခဲ့ပြီးတော့ ငွေစက္ကူအပေါ်မှာ “ဗမာနိုင်ငံအစိုးရ”၊ “ပြည်ထောင်စုမြန်မာနိုင်ငံတော်အစိုးရ”ဆိုပြီး ရိုက်နှိပ်ခဲ့ပါတယ်။ ၁၉၅၂ ခုနှစ်ကနေ ၁၉၆၂ ခုနှစ်အထိ “ပြည်ထောင်စုမြန်မာနိုင်ငံတော် ဘဏ်”၊ ၁၉၆၂ ခုနှစ်ကနေ ၁၉၇၂ ခုနှစ် အထိ “ပြည်ထောင်စုမြန်မာနိုင်ငံတော် ပြည်သူ့ ဘဏ်”၊ ၁၉၇၂ ခုနှစ်ကနေ ၁၉၉၀ ပြည့်နှစ် အထိ “ပြည်ထောင်စုမြန်မာနိုင်ငံဘဏ်”၊ ၁၉၉၀ ပြည့်နှစ်ကနေ ဒီနေ့အထိ “မြန်မာနိုင်ငံတော် ဗဟိုဘဏ်” တို့ဟာ ငွေစက္ကူတွေကို ဥပဒေအရ ရိုက်နှိပ်ထုတ်ဝေခွင့်ရှိတဲ့ ဌာန၊ အဖွဲ့အစည်း ဖြစ်ပါတယ်။

ဒါကြောင့် မြန်မာနိုင်ငံတော်ဗဟိုဘဏ် ဟာ ဥပဒေအရ ရိုက်နှိပ်ထုတ်ဝေခွင့်ရှိတဲ့ ဌာန၊ အဖွဲ့အစည်းဖြစ်တဲ့အတွက် တစ်ထောင် ကျပ်တန် ငွေစက္ကူအသစ်မှာလည်း မြန်မာ နိုင်ငံတော်ဗဟိုဘဏ်လို့ ရိုက်နှိပ်ဖော်ပြခြင်း ဖြစ်ပါတယ်။ ပြင်ပမှာ ပြောဆို ဖော်ပြနေကြ တဲ့ ပြည်ထောင်စုဆိုတဲ့ စာလုံးကိုဖြုတ်ထား တာ မဟုတ်ပါဘူး။ မြန်မာနိုင်ငံတော်ဗဟိုဘဏ် ဥပဒေမှာလည်း နိုင်ငံတော်ဆိုသည်မှာ ပြည်ထောင်စုသမ္မတ မြန်မာနိုင်ငံတော် ကိုဆိုသည်လို့ အဓိပ္ပာယ်ဖွင့်ထားပါတယ်။

မေး။ ငွေစက္ကူသစ်နဲ့ ပတ်သက်ပြီး ပြည်သူတွေကိုအသိပေးပြော ကြားလိုတာရှိရင်လည်း ပြောကြားပေးပါ။

ဖြေ။ ပြည်သူတွေအနေနဲ့ သစ်လွင် ကောင်းမွန်တဲ့ ငွေစက္ကူတွေ ကိုင်တွယ်သုံးစွဲနိုင်ဖို့ မြန်မာနိုင်ငံတော် ဗဟို ဘဏ်အနေနဲ့ ဆောင်ရွက်ပေးလျက် ရှိပါတယ်။ ပြည်သူတွေကလည်း ငွေစက္ကူတွေ ပျက်စီးစေမယ့် ခေါက်ခြင်း၊ ချိုးခြင်း၊ လိပ်ခြင်း၊ လုံးခြေခြင်းတွေ မပြုလုပ်ဖို့၊ ဆီစွန်းညစ်ပေခြင်း၊ ညစ်ပတ်စွန်းပေခြင်းမျိုး မဖြစ်အောင် ကိုင်တွယ်ဖို့နဲ့ ငွေစက္ကူအပြန့် အတိုင်း သပ်သပ်ရပ်ရပ် ကိုင်တွယ်သုံးစွဲပေး ကြဖို့ မေတ္တာရပ်ခံလိုပါတယ်။ ဟောင်းနွမ်း ညစ်ပေနေတဲ့ ငွေစက္ကူတွေကို ဗဟိုဘဏ်ကို အပ်နှံလဲလှယ်ဖို့ ဘဏ်တွေအားလုံးကို ညွှန်ကြားထားပြီးပါပြီ။ ဒါကြောင့် ပြည်သူ တွေအနေနဲ့ ဟောင်းနွမ်းညစ်ပေ စုတ်ပြဲ နေတဲ့ ငွေစက္ကူတွေရှိရင်လည်း နီးစပ်တဲ့ ဘဏ်တွေမှာ အပ်နှံလဲလှယ်ပြီး သစ်လွင် ကောင်းမွန်တဲ့ ငွေစက္ကူတွေကို ကိုင်တွယ် သုံးစွဲနိုင်တဲ့အကြောင်းကိုလည်း ပြောကြား လိုပါတယ်။ အခုလို ဖြေကြားပေးတဲ့အတွက် ကျေးဇူးတင်ပါတယ်။