လူ ငယ်တစ်ယောက်ဟာ ပန်းခြံမှာ အပန်းဖြေနားနေခိုက် ဗိုက်နာလာလို့ အိမ်သာရှာတာ မတွေ့ဘူးတဲ့။ နောက်တော့ အောင့်မထားနိုင်တော့တာနဲ့ ပန်းရုံဘေးမှာ ကိစ္စရှင်းနေတုန်း လုံခြုံရေးအရာရှိနဲ့ ပက်ပင်းတိုးတယ်။
“ဟေ့လူ၊ ဒါအများပြည်သူပိုင်တဲ့နေရာဗျ၊ ဒီလိုနေရာမျိုးမှာ ခင်ဗျားမို့ မိုက်ရိုင်းဝံ့ တယ်” လို့ အော်တယ်။ လူငယ်က “အိမ်သာမတွေ့လို့ပါဆရာ၊ ကျွန်တော်အောင့်မထားနိုင်တော့တာနဲ့ ထုတ်လိုက်ရတာပါ” လို့ဖြေတယ်။ သူတို့ အချေအတင်စကားများနေတော့ ဘေးက အပန်းဖြေသူတွေကလည်း စူးစမ်းတဲ့ သဘောနဲ့ ၀ိုင်းအုံလာကြတယ်။ ဘာဖြစ်တာလဲပေါ့။
ဒီမှာ အများပြည်သူပိုင် ပန်းခြံထဲလာပြီး မစင်စွန့်တဲ့ကောင်ဗျ လို့ အရာရှိက ဖြေတော့ လူအုပ်ကြီးက ဒေါသတွေထွက်ပြီး ဆဲကြတယ်။ မိုက်ရိုင်းလိုက်တာ။ မရှက်ဘူးလား စသဖြင့် ပြောဆိုကြရင်း ဟေ့ ၊ လူလိုမသိတတ်တဲ့ ဒီလူကိုတော့ အပြစ်ပေးမှရမယ် ဆိုပြီး ဆူညံကုန်ရော။ လုံခြုံရေးအရာရှိကလည်း ရန်ပွဲ ဖြစ်မှာစိုးရိမ်လာပြီး “နေကြပါဗျာ၊ ကိုယ်ထိလက်ရောက် လုပ်စရာမလိုပါဘူး။ ဒါက ပြည်သူပိုင်ပန်းခြံပါ၊ သူ့ကို ဥပဒေအရ တရားစွဲ အရေးယူလို့ရပါတယ်။ တရားသဖြင့် အပြစ်ပေးလို့ရပါတယ်” လို့ပြောတယ်။
ဒီစကားကြားတော့ လူငယ်က မျက်နှာငယ်လေးနဲ့ “ခဏလေးဗျာ၊ ခဏလေးနားထောင်ကြပါဦး၊ ကျုပ်ကိစ္စ ကျုပ်ရှင်းပါ့မယ်၊ တရားတော့ မစွဲပါနဲ့” လို့ ပြောတယ်။ ပြီးတော့ ချက်ချင်းပဲ ပန်းရုံဘေးက သူ့အီးပုံဘက် ခေါင်းလှည့်ပြီး ကုန်းစား လိုက်တော့တာပဲတဲ့။ အဲဒီမှာ အရာရှိအပါအ၀င် ဒေါသနဲ့ ၀ိုင်းကြည့်နေကြသူအားလုံး ဒီမြင်ကွင်းကိုမြင်ပြီး မျက်လုံးတွေ ပြူးပြီး တဝေါ့ဝေါ့ ထိုးအန်ကြတော့တယ်။ ပြီး အရာရှိက “တော်တော့၊ မစားပါနဲ့တော့ မင်းကို တရားမစွဲတော့ဘူး၊ ရပ်ပါတော့” လို့ အန်နေရင်းအော်ပြောရတယ်။ အနားက လူတွေလည်းထွက်ပြေးသွားကြတာပဲတဲ့။
အန်တာ ရပ်မှ အရာရှိက ပြောတယ်။ “အတော်ရူးတဲ့ကောင်ပဲ၊ ဥပဒေအရ ပြင်းပြင်းထန်ထန် အပြစ်ပေးရင်တောင် မင်းကို ချီးစားခိုင်းတာမျိုးတော့ အပြစ်မပေးဘူးကွ” လို့ ပြောတော့ လူငယ်က ဒီလို ပြန်ဖြေတယ်။
“ဟုတ်ကဲ့၊ ချီးစားပါ ဆိုရင်တောင် သိပ်မရွံသေးဘူး။ တရားဥပဒေ ဆိုတဲ့အသံကြားရင်တော့ ကျွန်တော်က ချီးထက် ရွံပါတယ်ဆရာ” တဲ့။
ဝါနုသော်