အမျိုး သားလွတ်တော်ဥက္ကဋ္ဌ ဦးမန်းဝင်းခိုင်သန်း၏နေအိမ်မှ ဆင်ရုပ်တု နှင့် ဆောင်းဘောက်တွေဖောက်ထွင်းခိုးယူခဲ့သော သူခိုးကိုဖမ်းမိပြီ

အမျိုးသားလွှတ်တော် ဥက္ကဋ္ဌ ဦးမန်းဝင်းခိုင်သန်း၏ မြဝတီမြို့ ရှိ နေအိမ်မှ လွန်ခဲ့သည့် ရက်သတ္တပတ် ၂ ပတ်ကျော်ခန့်က ဖောက်ထွင်းခိုးယူခံရပြီး ပျောက်ဆုံးသွားသည့် ဆင်ရုပ်တုအား

ဇန်နဝါရီ ၁၂ရက် မွန်းလွှဲ ၁ နာရီအချိန်ခန့်က ခိုးယူသူဟု ယူဆရသူ၏ နေအိမ်မှ ပြန်လည်တွေ့ရှိခဲ့ပြီး ဆက်လက်စုံစမ်းရာ ဆင်ရုပ်နှင့်အတူ ပျောက်ဆုံးသွားသော MI အမျိုးအစား ဆောင်းဘောက်တစ်လုံးအားထပ်မံသိမ်းဆည်း နိုင်ခဲ့သလို

ညနေ(၁၈း၁၅)နာရီ အချိန်ခန့်၌ မြဝတီမြို့ အမှတ်(၄)ရပ်ကွက် ပြည်သာယာ(၄)လမ်းတွင် အမှုမှတရားခံအား ဖမ်းဆီးရမိခဲ့ကြောင်း သိရသည်။

ဖြစ်စဉ်မှာ….လွန်ခဲ့သည့် ၂၇.၁၂.၂၀၁၉ ရက်နေ့ ညပိုင်းက အမျိုးသားလွှတ်တော် ဥက္ကဋ္ဌ ဦးမန်းဝင်းခိုင်သန်း၏ မြဝတီမြို့ အမှတ်(၃)ရပ်ကွက် ဓိဌာန်အောင်ဘုရားအနီးရှိနေအိမ် ဖောက်ထွင်းခံရကာ

ဆင်ရုတုအပါအဝင် ပစ္စည်းတစ်ချို့ ခိုးယူခံရ၍ မြဝတီမြို့မရဲစခန်းတွင် (ပ)၃၂/၂၀၂၀ ရာဇသတ်ကြီးပုဒ်မ.၃၈၀ နှင့် အမှုဖွင့် တိုင်တန်းထားသဖြင့်

အဆိုပါ အမျိုးသားလွှတ်တော် ဥက္ကဋ္ဌ ၏ နေအိမ် ဖောက်ထွင်း ခိုးယူခံရမှုနှင့်ပတ်သက်၍ တရားခံများအား အမြန်ဆုံးဖမ်းဆီးရမိနိုင်ရေးအတွက် ရဲတပ်ဖွဲ့ဝင်များမှ အပူတပြင်းစုံစမ်းလျက်ရှိရာ…

ယနေ့ ဇန်နဝါရီ ၁၂ ရက် မွန်းလွဲ(၁)နာရီအချိန်ခန့်တွင် စုံစမ်းမှုအရ ဖောက်ထွင်းခိုးယူသူဟု ယူဆရသည့် မြဝတီမြို့ အမှတ်(၃)ရပ်ကွက် ဗိုလ်ဗထူးလမ်းရှိ ကျော်ဇင်လတ်(၂၃)နှစ်ခန့်၏ နေအိမ်သို့. ရပ်ကွက်ရာအိမ်မှုး ဆယ်အိမ်မှုးများနှင့် နယ်ထိန်းရဲတပ်ဖွဲ့ဝင်များမှ သွားရောက်ရှာဖွေရာ…

၎င်း၏နေအိမ်တွင် လွန်ခဲ့သည့်ရက်ပိုင်းက ဖောက်ထွင်းခိုးယူခံရသည့် အမျိုးသားလွှတ်တော်ဥက္ကဋ္ဌ ၏ နေအိမ်မှ ပျောက်ဆုံးသွားသော ဆင်ရုပ်တုအား တွေ့ရှိပြီး သက်သေများရှေ့မှောက် သိမ်းဆည်းခဲ့သည်။

ထို့နောက် ဆက်လက်စုံစမ်းရာ. ညနေ ၁၈း၁၅ အချိန်ခန့်တွင် မြဝတီမြို့ အမှတ်(၄)ရပ်ကွက် ပြည်သာယာ(၄)လမ်း၌ အမှုမှ အလိုရှိသူ ကျော်ဇင်လတ်(၂၃)နှစ်အား ဖမ်းဆီးရမိ၍ မြဝတီမြို့မရဲစခန်းတွင် ထိန်းသိမ်းထားကြောင်း သိရသည်။

နေနော်(မြဝတီ)