မြို့နယ် ရဲတပ်ဖွဲ့မှူးနှင့်တွေ့ဆုံပွဲတွင် ရပ်ကွက်အုပ်ချုပ်ရေးမှူးကိုယ်တိုင် တင်ပြဆွေးနွေးခဲ့သော်လည်း ပျောက်ပျက်မသွားသည့်အပြင် နေ့ရော ညပါ ကစားလာကြသော(၅၀)တန်မဲ လောင်းကစားနည်း…

ပဲ ခူးတိုင်းဒေသကြီး ဝေါမြို့ မြို့ပေါ်ရပ်ကွက်အချို့ရှိ လမ်းဘေးတော် တော်များများ နှင့် မြို့နယ်အတွင်းရှိ ကျေးရွာအချို့တို့တွင် ပုံပါအတိုင်း ပစ္စည်းများကိုမက်လုံးပေး၍ (၅၀)တန် မဲ လောင်းကစားနည်းများကို ရောင်းချကစားနေကြခြင်းကြောင့် ယခုအချိန်ဆိုလျှင် မိန်းမ တော်တော် များများနှင့် ကလေးသူငယ်များပါမကျန် နေ့ရော/ညပါကစားလာတာ တွေ့မြင်နေရသည်။

ကလေးသူငယ်များမှာ မိဘများကပေးသောမုန့်ဘိုးများအား မုန့်မဝယ် စားကြတော့ဘဲ ရလိုမက်မောမှုဖြင့် မဲ လောင်းကစားနေရာတွင် အရှုံးခံ ကစားလာကြတာကြောင့် မလိုလားအပ်သောအကျင့်ပျက်မှုများဖြစ်ပေါ် လာနိုင်ချေရှိနေသည် ။

ယခုဆိုလျှင်လည်း ရပ်ကွက်အချို့ ဆိုင်များတွင် လူအုပ်ဖွဲ့၍ ညဘက်ညဥ့်နက်သည့်အချိန်ထိကစားနေတာတွေ့မြင်နေရသည် ။

အထက်ပါ(၅၀)တန် မဲ လောင်းကစားနည်းနှင့်ပါတ်သက်၍ ဟန့်တား ပေးဘို့ကိုလည်း ဝေါမြို့မရဲစခန်းတွင် မကြာခင်(27-11-2019) ရက်နေ့က ကျင်းပပြုလုပ်ခဲ့သော မြို့နယ်ရဲတပ်ဖွဲ့ မှူးနှင့် ရပ်ကွက်အုပ် ချုပ်ရေးမှူးများ သတင်းမီဒီယာများ တွေ့ဆုံပွဲတွင်လည်း သစ်စက်ရပ် ကွက်အုပ်ချုပ်ရေးမှူးမှတင်ပြဆွေးနွေးခဲ့သေးသည် ။

ညဘက်ပါကစားလာခြင်းနှင့် ကလေးတွေပါ ကစားလာခြင်းကြောင့် မည်သို့ဆောင်ရွက်မည်နည်း…?

ထွန်းရီ(ဗဟိုကြီးကြပ်ရေးမှူး) – SH သတင်းအဖွဲ့