ႏွွစ္ေပါင္းေထာင္ ခ်ီသမိုိင္းေၾကာင္းနဲ႔ ပုဂံေျမက သပိိတ္လုံးခ်ပြဲ

“ေသရမွာ မေၾကာက္ဘူး။ ေနာက္ႏွစ္ခါ သပိိတ္လုံးခ်ပြဲမေရာက္မွာေၾကာက္တာ” ဒီစကားလုံးေတြက ပုဂံအာနႏၵာဘုရားရဲ့ သပိတ္လုံးခ်ပြဲအေၾကာင္းကို “On holiday” ဆိုၿပီးရိုက္ထားတဲ့ ဒါရိုက္တာ ရွင္ေဒဝီရဲ့ documentary ထဲမွာ ပုဂံေဒသခံ ဦးေလးႀကီးတစ္ေယာက္ေျပာခဲ့တဲ့စကားပါ။

ယဥ္ေႏွာင္းလည္း အရင္တုုန္းက သပိတ္လုံးခ်ပြဲအေၾကာင္းကိုမသိခဲ့ပါဘူး။ ဒါေပမယ့္ မႏွစ္က ၂၀၁၉ မွာတစ္ခါေရာက္ၿပီးေတာ့ ပုဂံသပိတ္လုံးခ်ပြဲဆိုတာဒါပါလားလို႔ သိသြားတယ္။ဒီပြဲေလးကို ဘယ္ေလာက္ခ်စ္မိသြားလဲဆို ေနာက္ႏွစ္ေတြမွာလည္း သပိတ္လုံးခ်ပြဲကို ႏွစ္တိုင္းေရာက္ေအာင္လာမယ္ဆိုၿပီး ဆုံးျဖတ္မိတဲ့ထိျဖစ္ခဲ့တာပါ။

ပုဂံေျမ​က သပိတ္လုံးခ်ပြဲဆိုတာ တစ္ႏွစ္တစ္ခါ ျပာသိုလျပည့္ေန႔တိုင္း အာနႏၵာဘုရားမွာက်င္းပတဲ့ပြဲပါ။ အေနာ္ရထာမင္းလက္ထက္ကတည္းက စတင္က်င္းပခဲ့တာမို႔ ႏွစ္(၁၀၀၀)နီးပါးရွိၿပီလို႔ အဆိုရွိၿပီး ပုဂံမွာ အစည္ကားဆုံးဘုရားပြဲထဲကတစ္ခုလည္းျဖစ္ပါတယ္။

သပိတ္လုံးခ်တယ္ဆိုတာ ပုုဂံေဒသခံေတြ၊ ရြာနီးခ်ဳပ္စပ္ေတြက ေတာင္သူလယ္သမားေတြကေန တစ္ႏွစ္တစ္ခါ အခုလိုေဆာင္းတြင္း ေကာက္ရိတ္သိမ္းၿပီးခ်ိန္ ျပာသိုလမွာ သူတို႔ရဲ့ လယ္ယာထြက္ကုန္ ေကာက္ပဲသီးႏွံေလးေတြကို သပိတ္လုံးထဲထည့္ၿပီး ရတနာသုံးပါးကို ပူေဇာ္ကန္ေတာ့တဲ့ပြဲပါ။

ဘုရားအမွူးရွိေသာရဟန္းသံဃာေတြအတြက္ရည္စူးၿပီး ကိုိယ့္လယ္ထြက္ပစၥည္းေလးေတြကို သပိတ္လုံး၊ ျခင္းေတာင္း၊ ေရပုံးစတာေတြနဲ႔ အစီအရီထည့္လို႔ ကိုယ္တတ္အားသေလာက္ပူေဇာ္တာမို႔ ျမင္ရတာ သိပ္ၾကည္ႏူးရပါတယ္။

လွူဒါန္းရာမွာ ကိုယ့္လယ္ထြက္ကုန္လည္းပါ၊ ရဟန္းသံဃာေတြအတြက္ အသုံးတည့္မယ့္ ပရိကၡရာေတြ၊ ဆြမ္းဆန္ရိကၡာေတြလည္း ပါေအာင္ စိတ္ကူးရသလို ထည့္လွူၾကတယ္။ လယ္ယာထြက္ကုန္ ဆန္၊ ဆီ၊ ေျမပဲ၊ ႏွမ္း၊ ထန္းလ်က္စတာေတြကစလို႔ သြားတိုက္တံ၊ သြားတိုက္ေဆး၊ ဆပ္ျပာ၊ သကၤန္း၊ ဖိနပ္ေတြပါပါတယ္။

ႏွစ္ေပါင္းေထာင္ခ်ီသမိုင္းရွိတဲ့ သပိိတ္လုံးခ်ပြဲကိုလာတဲ့သူေတြဟာလည္း ဘိုးေဘးအစဥ္အဆက္ကတည္းက ဒီပြဲကို အဘိုးအဘြားေတြနဲ႔လာဖူးလို႔၊ မိဘေတြနဲ႔လာဖူးလို႔ ရိုးရာယုံၾကည္မွုတစ္ခုလိုေရာ၊ ဘာသာေရး အလွူဒါနတစ္ခုအေနနဲ႔ေရာ၊ စပါးေပၚခ်ိန္ ေကာက္သစ္ေပၚခ်ိန္ ေငြရႊင္တာမို႔ မိသားစုေပ်ာ္ပြဲစားတဲ့သေဘာအေနနဲ႔ေရာ လာေရာက္ၾကတာပါ။ အဲ့ဒီေတာ့ လာသမၽွလူေတြရဲ့ မ်က္ႏွာမွာ ၾကည္ႏူးေပ်ာ္ရႊင္မွု၊ ၾကည္ညိဳသဒၶါပြားမွုေတြပါ အျပည့္အဝေတြ႕ရတဲ့ပြဲလို႔ေျပာရပါမယ္။

သပိတ္လုံးခ်ပြဲက်င္းပမယ့္္ ပုုဂံအနီးေဒသခံျပည္သူေတြဟာ ျပာသိုလဆန္းၿပီဆိုတာနဲ႔ လွုပ္လွုပ္ရွားရွားျဖစ္ၾကၿပီ။ အာနႏၵာဘုရားအျပင္ဘက္ကြင္းျပင္မွာ လွည္းဝိုင္းႀကီးေတြစခန္းခ်ၿပီး ေန႔ေရာညေရာဘုရားပြဲေတာ္ကို ဆင္ႏႊဲဖို႔ျပင္ၾကၿပီ။ လွည္းေတြကို ေပါင္းမိုးဆင္တာ၊ စခန္းခ်ဖို႔

အိုးခြက္ပန္းကန္ပစၥည္းပစၥယေတြထည့္တာ၊ ႏြားစာေကာက္ရိုးကအစ ဆန္၊ဆီ၊ဆား ကုန္ေျခာက္ေတြအျပင္ ကေလးေရာ ေခြးေရာ တစ္မိသားစုလုံး ေပ်ာ္ေပ်ာ္ပါးပါး လွည္းတန္းႀကီးနဲ႔ အာနႏၵာကို ရြာလုံးကၽြတ္ခ်ီတက္ၾကတဲ့ျမင္ကြင္းဟာ ျမင္ရသူတိုင္းကို အေပ်ာ္ေတြကူးစက္ေစပါတယ္။

ဒီပြဲဟာ ေတာင္သူေတြအတြက္ လယ္ယာထြက္ကုန္လွူဒါန္းၾကတဲ့ပြဲျဖစ္သလို ပခုကၠဴဘက္က ဖ်င္ေစာင္၊ခ်ည္ၾကမ္းပိတ္အုပ္ရက္ကန္းလုပ္ငန္းရွင္ေတြ၊ ျမစ္ေျခဘက္က ႏွီးလုပ္ငန္းရွင္ေတြ၊ ျမင္းၿခံ၊ျမင္းမူဘက္က အိုးလုပ္ငန္းရွင္ေတြ၊ နယ္စုံက ကုန္သည္ေတြလည္း သူတို႔လုပ္ငန္းထြက္ကုန္ေတြကို လာေရာင္းခ်ၿပီး ရတဲ့ေငြနဲ႔ ျပာသိုပြဲမွာ ျပန္လွူၾကတာမို႔ အာနႏၵာပြဲဟာ ေစ်းတန္းအႀကီးအက်ယ္နဲ႔သိပ္စည္ပါတယ္။

အိုးပုတ္ကအစ ရာဝင္အိုးအဆုံး၊ ႏွီးေတာင္းကအစ ဗီရို၊ကုတင္ေတြအဆုံး၊ အပ္ကအစ တူရြင္း၊ေပါက္ျပားအဆုံး တစ္ေနရာတည္းမွာ လယ္ယာသုံးပစၥည္းအကုန္ဝယ္နိုင္တာမို႔ ေစ်းသည္ေရာ ေစ်းဝယ္ေရာ ေပ်ာ္ေပ်ာ္ႀကီးေန႔ညဆင္ႏႊဲၾကပါတယ္။

ေန႔ခင္းဆို ပြဲခင္းထဲေလၽွာက္လည္၊ ညဘက္ဆိုိ ပြဲၾကည့္၊ လွည္းဝိုင္းေတြနဲ႔ စုေပါင္းၿပီးခ်က္စားၾကတဲ့ အညာသဘာဝ ေက်းလက္ပြဲေတာ္ျမင္ကြင္းဟာ နိုင္ငံတကာက ဓာတ္ပုံဆရာေတြၾကားမွာလည္း သိပ္ကိုစိတ္ဝင္စားစရာေကာင္းတဲ့ ပြဲေတာ္အျဖစ္နာမည္ႀကီးတာေပါ့ ။

ျပာသိုလျပည့္နံနက္ခင္းမိုးေသာက္တာနဲ႔ ျမဴေတြၾကားမွာ ကြြင္းလုံးျပည့္သံဃာေတာ္ ေထာင္ခ်ီကို သပိတ္လုံးေတြဆပ္ကပ္တဲ့ျမင္ကြင္းဟာ တစ္ႏွစ္မွတစ္ခါ ျပာသိုလျပည့္၊ တစ္ကမၻာလုံးမွတစ္ေနရာ ပုဂံအာနႏၵာဘုရားမွာပဲ ေတြ႕ရတဲ့ျမင္ကြင္းပါပဲ။ ဒီပြဲေတာ္ဟာ ျမန္မာတို႔ရဲ့ သမိုင္းအစဥ္အလာ၊ ဗုဒၶဘာသာဝင္တို႔ရဲ့ ယဥ္ေက်းမွုအေမြေတြကို ျပဆိုေနသလို ေဒသခံေတြရဲ့ သဒၶါတရား၊ စားဝတ္ေနေရး စီးပြားေရးေျပလည္မွုေတြကို လွစ္ဟျပတဲ့ေနရာလည္းျဖစ္ပါတယ္။

အာနႏၵာပြဲ၊ ျပာသိုိပြဲ၊ သပိတ္လုံးခ်ပြဲရယ္လိုိ႔ လူေတြက အမ်ိဳးမ်ိဳးေခၚၾကေပမယ့္ ဒီပြဲဟာ ပုဂံတစ္ခုလုံးကို ကိုယ္စားျပဳတဲ့ပြဲမို႔ ဆရာေဇာ္ဂ်ီကေတာ့ “ေရွးေခတ္ပုဂံျပည္”ကဗ်ာထဲမွာ တစ္လုံးတည္း ညႊန္းလိုက္ပုံက “ပုဂံပြဲ”တဲ့။

“ေစတီနဲ႔တန္္ေဆာင္း ၊ ဆည္ေခ်ာင္းနဲ႔စပါးႏွံံ ၊ ေရႊေပါကၠံံ ျပည္တစ္ေၾကာမွာ ၊ ေပါခ်င္တိုိင္း ေပါတဲ့ျပင္ ၊ ဝေျပာတဲ့ သာသနာ ၊ ေခါင္းေလာင္းသံံ ညံမစဲရယ္နဲဲ႔ ၊ ပုဂံံပြဲ သာလြန္းလိုိ႔

လာသူလာ သြားသူသြား ၊ လယ္တြြင္းသား ျပည္ေတာ္သား ၊ အသည္သား မင္းမွုထမ္း ၊ တစ္စိိတ္ဝမ္း တစ္လက္ညီ ၊ျပည္ေရးကို ၿပိဳင္တူခ်ီၾကေတာ့ ၊ ျပည္ေတာ္ျမတ္္ ပဲ့တင္သံ ၊ ဘဝဂ္က ျပန္ပါေရာ့” တဲ့ေလ။

အခုအခါမွာေတာ့ အာနႏၵာဘုရားပြဲဟာ အရင္တုန္းကလို လွည္းဝိုင္းေတြသိပ္မရွိေတာ့ပါဘူး။ ေခတ္မီကားေတြေပၚလာတာရယ္၊ ႏြားလွည္းေတြက သံပတ္ဘီးေတြျဖစ္ေနေတာ့ ကတၱရာလမ္းေတြေပၚတက္ေမာင္းခြင့္မရတာရယ္ေၾကာင့္ပါ။ လာတဲ့ႏြားလွည္းေတြကလည္း တာယာဘီးေတြနဲ႔မို႔ ယခင္လို ေရွးပုံစံေတြ႕ရဖို႔ခက္ခဲသြားပါၿပီ။ ဒီႏွစ္ပိုင္းမွာ ႏြားလွည္းဝိုင္းေတြလာေရာက္မွု သိသိသာသာေလ်ာ့နည္းသြားတယ္လို႔လည္း ပုဂံေဒသခံေတြဆီကသိရပါတယ္။

ဒီလိုိထူးျခားၿပီးစိတ္ဝင္စားစရာေကာင္းတဲ့ ပုဂံပြဲကို ယဥ္ေႏွာင္း လာျဖစ္တာေတာ့ ဒီႏွစ္နဲ႔ဆို ဒုတိယအႀကိမ္ပါ။မနက္ျဖန္ဆို ျပာသိုလျပည့္မို႔ အာနႏၵာဘုရားဝန္းက်င္မွာ လွည္းဝိုင္းေတြ၊ ေစ်းတန္းေတြနဲ႔ ႀကိတ္ႀကိတ္တိုးစည္ကားေနၿပီ။ မုန႔္သည္ေတြဆီက မုန႔္ဆီေၾကာ္နံ့ေတြ၊ ကေလးေတြရဲ့ရယ္ေမာသံေတြ၊ အမ်ိဳးအစားစုံလင္လွတဲ့ လယ္ယာထြက္ကုန္၊ လယ္ယာသုံးကုန္ပစၥည္းဆိုင္ေတြနဲ႔ သိပ္ကိုႀကီးက်ယ္တဲ့ ျပာသိုပြဲေစ်းတန္းနဲ႔ ျပာသိုလျပည့္နံနက္ သပိတ္လုံးခ်ပြဲဟာ တစ္ခါေရာက္ဖူးရင္ ႏွစ္တိုင္းျပန္လာခ်င္တယ္ဆိုတာ ယဥ္ေႏွာင္း တကယ္ယုံခဲ့ပါတယ္။

ေလးစားစြာျဖင့္္ ခရက္ဒစ္ ယဥ္ယဥ္ေႏွာင္း (Mandalarian)

Unicode

နှှစ်ပေါင်းထောင် ချီသမိိုင်းကြောင်းနဲ့ ပုဂံမြေက သပိိတ်လုံးချပွဲ

“သေရမှာ မကြောက်ဘူး။ နောက်နှစ်ခါ သပိိတ်လုံးချပွဲမရောက်မှာကြောက်တာ” ဒီစကားလုံးတွေက ပုဂံအာနန္ဒာဘုရားရဲ့ သပိတ်လုံးချပွဲအကြောင်းကို “On holiday” ဆိုပြီးရိုက်ထားတဲ့ ဒါရိုက်တာ ရှင်ဒေဝီရဲ့ documentary ထဲမှာ ပုဂံဒေသခံ ဦးလေးကြီးတစ်ယောက်ပြောခဲ့တဲ့စကားပါ။

ယဉ်နှောင်းလည်း အရင်တုုန်းက သပိတ်လုံးချပွဲအကြောင်းကိုမသိခဲ့ပါဘူး။ ဒါပေမယ့် မနှစ်က ၂၀၁၉ မှာတစ်ခါရောက်ပြီးတော့ ပုဂံသပိတ်လုံးချပွဲဆိုတာဒါပါလားလို့ သိသွားတယ်။ဒီပွဲလေးကို ဘယ်လောက်ချစ်မိသွားလဲဆို နောက်နှစ်တွေမှာလည်း သပိတ်လုံးချပွဲကို နှစ်တိုင်းရောက်အောင်လာမယ်ဆိုပြီး ဆုံးဖြတ်မိတဲ့ထိဖြစ်ခဲ့တာပါ။

ပုဂံမြေ​က သပိတ်လုံးချပွဲဆိုတာ တစ်နှစ်တစ်ခါ ပြာသိုလပြည့်နေ့တိုင်း အာနန္ဒာဘုရားမှာကျင်းပတဲ့ပွဲပါ။ အနော်ရထာမင်းလက်ထက်ကတည်းက စတင်ကျင်းပခဲ့တာမို့ နှစ်(၁၀၀၀)နီးပါးရှိပြီလို့ အဆိုရှိပြီး ပုဂံမှာ အစည်ကားဆုံးဘုရားပွဲထဲကတစ်ခုလည်းဖြစ်ပါတယ်။

သပိတ်လုံးချတယ်ဆိုတာ ပုုဂံဒေသခံတွေ၊ ရွာနီးချုပ်စပ်တွေက တောင်သူလယ်သမားတွေကနေ တစ်နှစ်တစ်ခါ အခုလိုဆောင်းတွင်း ကောက်ရိတ်သိမ်းပြီးချိန် ပြာသိုလမှာ သူတို့ရဲ့ လယ်ယာထွက်ကုန် ကောက်ပဲသီးနှံလေးတွေကို သပိတ်လုံးထဲထည့်ပြီး ရတနာသုံးပါးကို ပူဇော်ကန်တော့တဲ့ပွဲပါ။

ဘုရားအမှူးရှိသောရဟန်းသံဃာတွေအတွက်ရည်စူးပြီး ကိိုယ့်လယ်ထွက်ပစ္စည်းလေးတွေကို သပိတ်လုံး၊ ခြင်းတောင်း၊ ရေပုံးစတာတွေနဲ့ အစီအရီထည့်လို့ ကိုယ်တတ်အားသလောက်ပူဇော်တာမို့ မြင်ရတာ သိပ်ကြည်နူးရပါတယ်။

လှူဒါန်းရာမှာ ကိုယ့်လယ်ထွက်ကုန်လည်းပါ၊ ရဟန်းသံဃာတွေအတွက် အသုံးတည့်မယ့် ပရိက္ခရာတွေ၊ ဆွမ်းဆန်ရိက္ခာတွေလည်း ပါအောင် စိတ်ကူးရသလို ထည့်လှူကြတယ်။ လယ်ယာထွက်ကုန် ဆန်၊ ဆီ၊ မြေပဲ၊ နှမ်း၊ ထန်းလျက်စတာတွေကစလို့ သွားတိုက်တံ၊ သွားတိုက်ဆေး၊ ဆပ်ပြာ၊ သင်္ကန်း၊ ဖိနပ်တွေပါပါတယ်။

နှစ်ပေါင်းထောင်ချီသမိုင်းရှိတဲ့ သပိိတ်လုံးချပွဲကိုလာတဲ့သူတွေဟာလည်း ဘိုးဘေးအစဉ်အဆက်ကတည်းက ဒီပွဲကို အဘိုးအဘွားတွေနဲ့လာဖူးလို့၊ မိဘတွေနဲ့လာဖူးလို့ ရိုးရာယုံကြည်မှုတစ်ခုလိုရော၊ ဘာသာရေး အလှူဒါနတစ်ခုအနေနဲ့ရော၊ စပါးပေါ်ချိန် ကောက်သစ်ပေါ်ချိန် ငွေရွှင်တာမို့ မိသားစုပျော်ပွဲစားတဲ့သဘောအနေနဲ့ရော လာရောက်ကြတာပါ။ အဲ့ဒီတော့ လာသမျှလူတွေရဲ့ မျက်နှာမှာ ကြည်နူးပျော်ရွှင်မှု၊ ကြည်ညိုသဒ္ဓါပွားမှုတွေပါ အပြည့်အဝတွေ့ရတဲ့ပွဲလို့ပြောရပါမယ်။

သပိတ်လုံးချပွဲကျင်းပမယ့်် ပုုဂံအနီးဒေသခံပြည်သူတွေဟာ ပြာသိုလဆန်းပြီဆိုတာနဲ့ လှုပ်လှုပ်ရှားရှားဖြစ်ကြပြီ။ အာနန္ဒာဘုရားအပြင်ဘက်ကွင်းပြင်မှာ လှည်းဝိုင်းကြီးတွေစခန်းချပြီး နေ့ရောညရောဘုရားပွဲတော်ကို ဆင်နွှဲဖို့ပြင်ကြပြီ။ လှည်းတွေကို ပေါင်းမိုးဆင်တာ၊ စခန်းချဖို့

အိုးခွက်ပန်းကန်ပစ္စည်းပစ္စယတွေထည့်တာ၊ နွားစာကောက်ရိုးကအစ ဆန်၊ဆီ၊ဆား ကုန်ခြောက်တွေအပြင် ကလေးရော ခွေးရော တစ်မိသားစုလုံး ပျော်ပျော်ပါးပါး လှည်းတန်းကြီးနဲ့ အာနန္ဒာကို ရွာလုံးကျွတ်ချီတက်ကြတဲ့မြင်ကွင်းဟာ မြင်ရသူတိုင်းကို အပျော်တွေကူးစက်စေပါတယ်။

ဒီပွဲဟာ တောင်သူတွေအတွက် လယ်ယာထွက်ကုန်လှူဒါန်းကြတဲ့ပွဲဖြစ်သလို ပခုက္ကူဘက်က ဖျင်စောင်၊ချည်ကြမ်းပိတ်အုပ်ရက်ကန်းလုပ်ငန်းရှင်တွေ၊ မြစ်ခြေဘက်က နှီးလုပ်ငန်းရှင်တွေ၊ မြင်းခြံ၊မြင်းမူဘက်က အိုးလုပ်ငန်းရှင်တွေ၊ နယ်စုံက ကုန်သည်တွေလည်း သူတို့လုပ်ငန်းထွက်ကုန်တွေကို လာရောင်းချပြီး ရတဲ့ငွေနဲ့ ပြာသိုပွဲမှာ ပြန်လှူကြတာမို့ အာနန္ဒာပွဲဟာ စျေးတန်းအကြီးအကျယ်နဲ့သိပ်စည်ပါတယ်။

အိုးပုတ်ကအစ ရာဝင်အိုးအဆုံး၊ နှီးတောင်းကအစ ဗီရို၊ကုတင်တွေအဆုံး၊ အပ်ကအစ တူရွင်း၊ပေါက်ပြားအဆုံး တစ်နေရာတည်းမှာ လယ်ယာသုံးပစ္စည်းအကုန်ဝယ်နိုင်တာမို့ စျေးသည်ရော စျေးဝယ်ရော ပျော်ပျော်ကြီးနေ့ညဆင်နွှဲကြပါတယ်။

နေ့ခင်းဆို ပွဲခင်းထဲလျှောက်လည်၊ ညဘက်ဆိို ပွဲကြည့်၊ လှည်းဝိုင်းတွေနဲ့ စုပေါင်းပြီးချက်စားကြတဲ့ အညာသဘာဝ ကျေးလက်ပွဲတော်မြင်ကွင်းဟာ နိုင်ငံတကာက ဓာတ်ပုံဆရာတွေကြားမှာလည်း သိပ်ကိုစိတ်ဝင်စားစရာကောင်းတဲ့ ပွဲတော်အဖြစ်နာမည်ကြီးတာပေါ့ ။

ပြာသိုလပြည့်နံနက်ခင်းမိုးသောက်တာနဲ့ မြူတွေကြားမှာ ကွွင်းလုံးပြည့်သံဃာတော် ထောင်ချီကို သပိတ်လုံးတွေဆပ်ကပ်တဲ့မြင်ကွင်းဟာ တစ်နှစ်မှတစ်ခါ ပြာသိုလပြည့်၊ တစ်ကမ္ဘာလုံးမှတစ်နေရာ ပုဂံအာနန္ဒာဘုရားမှာပဲ တွေ့ရတဲ့မြင်ကွင်းပါပဲ။ ဒီပွဲတော်ဟာ မြန်မာတို့ရဲ့ သမိုင်းအစဉ်အလာ၊ ဗုဒ္ဓဘာသာဝင်တို့ရဲ့ ယဉ်ကျေးမှုအမွေတွေကို ပြဆိုနေသလို ဒေသခံတွေရဲ့ သဒ္ဓါတရား၊ စားဝတ်နေရေး စီးပွားရေးပြေလည်မှုတွေကို လှစ်ဟပြတဲ့နေရာလည်းဖြစ်ပါတယ်။

အာနန္ဒာပွဲ၊ ပြာသိိုပွဲ၊ သပိတ်လုံးချပွဲရယ်လိို့ လူတွေက အမျိုးမျိုးခေါ်ကြပေမယ့် ဒီပွဲဟာ ပုဂံတစ်ခုလုံးကို ကိုယ်စားပြုတဲ့ပွဲမို့ ဆရာဇော်ဂျီကတော့ “ရှေးခေတ်ပုဂံပြည်”ကဗျာထဲမှာ တစ်လုံးတည်း ညွှန်းလိုက်ပုံက “ပုဂံပွဲ”တဲ့။

“စေတီနဲ့တန််ဆောင်း ၊ ဆည်ချောင်းနဲ့စပါးနှံံ ၊ ရွှေပေါက္ကံံ ပြည်တစ်ကြောမှာ ၊ ပေါချင်တိိုင်း ပေါတဲ့ပြင် ၊ ဝပြောတဲ့ သာသနာ ၊ ခေါင်းလောင်းသံံ ညံမစဲရယ်နဲဲ့ ၊ ပုဂံံပွဲ သာလွန်းလိို့

လာသူလာ သွားသူသွား ၊ လယ်တွွင်းသား ပြည်တော်သား ၊ အသည်သား မင်းမှုထမ်း ၊ တစ်စိိတ်ဝမ်း တစ်လက်ညီ ၊ပြည်ရေးကို ပြိုင်တူချီကြတော့ ၊ ပြည်တော်မြတ်် ပဲ့တင်သံ ၊ ဘဝဂ်က ပြန်ပါရော့” တဲ့လေ။

အခုအခါမှာတော့ အာနန္ဒာဘုရားပွဲဟာ အရင်တုန်းကလို လှည်းဝိုင်းတွေသိပ်မရှိတော့ပါဘူး။ ခေတ်မီကားတွေပေါ်လာတာရယ်၊ နွားလှည်းတွေက သံပတ်ဘီးတွေဖြစ်နေတော့ ကတ္တရာလမ်းတွေပေါ်တက်မောင်းခွင့်မရတာရယ်ကြောင့်ပါ။ လာတဲ့နွားလှည်းတွေကလည်း တာယာဘီးတွေနဲ့မို့ ယခင်လို ရှေးပုံစံတွေ့ရဖို့ခက်ခဲသွားပါပြီ။ ဒီနှစ်ပိုင်းမှာ နွားလှည်းဝိုင်းတွေလာရောက်မှု သိသိသာသာလျော့နည်းသွားတယ်လို့လည်း ပုဂံဒေသခံတွေဆီကသိရပါတယ်။

ဒီလိိုထူးခြားပြီးစိတ်ဝင်စားစရာကောင်းတဲ့ ပုဂံပွဲကို ယဉ်နှောင်း လာဖြစ်တာတော့ ဒီနှစ်နဲ့ဆို ဒုတိယအကြိမ်ပါ။မနက်ဖြန်ဆို ပြာသိုလပြည့်မို့ အာနန္ဒာဘုရားဝန်းကျင်မှာ လှည်းဝိုင်းတွေ၊ စျေးတန်းတွေနဲ့ ကြိတ်ကြိတ်တိုးစည်ကားနေပြီ။ မုန့်သည်တွေဆီက မုန့်ဆီကြော်နံ့တွေ၊ ကလေးတွေရဲ့ရယ်မောသံတွေ၊ အမျိုးအစားစုံလင်လှတဲ့ လယ်ယာထွက်ကုန်၊ လယ်ယာသုံးကုန်ပစ္စည်းဆိုင်တွေနဲ့ သိပ်ကိုကြီးကျယ်တဲ့ ပြာသိုပွဲစျေးတန်းနဲ့ ပြာသိုလပြည့်နံနက် သပိတ်လုံးချပွဲဟာ တစ်ခါရောက်ဖူးရင် နှစ်တိုင်းပြန်လာချင်တယ်ဆိုတာ ယဉ်နှောင်း တကယ်ယုံခဲ့ပါတယ်။

လေးစားစွာဖြင့်် ခရက်ဒစ် ယဉ်ယဉ်နှောင်း (Mandalarian)