အမြင် ကွဲလွဲနေကြသည့်အချက်အား ပြောပြချင်ပါသည်။ အခြားမဟုတ်ပါ။ နိုင်ငံကျော်မင်းသမီး တယောက် ငွေချေးပြီးနောက်ပြန်မဆပ်၍ ငွေရှင်က ပုဒ်မ ၄၂၀ လိမ်လည်မူ့ဖြင့် စွဲဆိုသည့်အခါ ထောင်ဒဏ်ကျခံသွားရသည့်ကိစ္စဖြစ်ပါသည် ထိုကိစ္စအပေါ်အချို့က ထောင်ဒဏ်ကျခံလိုက်ရ သော်လည်း တန်ကြောင်း။ ငွေသိန်း ၁၂၀၀ နဲ့ ထောင် ၁ နှစ် လဲလိုက်ရသည်မှာ နစ်နာစရာမရှိ ကြောင်းဖြင့် ပြောဆိုနေကြသည်ကိုတွေ့လိုက်ရပါ သည်။

ထိုကဲ့သို့ ယူဆချက်သည်မှန်ကန်ပါရဲ့လား။ No ပါ။ တက်တက်စင်အောင်လွဲပါသည်။ ထောင်ဒဏ်ကျခံ လိုက်ယုံမျဖြင့် ငွေပေးဆပ်ရန်တာဝန်မှ ကင်းလွတ်သွားခြင်းမရှိပါ။လိမ်လည်မူ့ ၄၂၀ သည် ရာဇ၀တ်ကြောင်းအရ စွဲဆိုခြင်းသာဖြစ်ပါသည်။ ထောင်ကျသွားသော်ငြား ငွေပြန်မဆပ်ပါက တရားမကြောင်းအရ ငွေရလိုမူ့ဖြင့် ငွေရှင်က တရားစွဲဆိုခွင့်ရှိပါသေးသည်။ (သတိချပ်ရန်မှာတော့ ငွေပေးဆပ်ရန် သတ်မှတ်ထားသည့်နေ့မှ ၃ နှစ်အတွင်း စွဲဆိုရန်တော့လိုပါသည်။ ၃ နှစ်ကျော်သွားလျင်တော့ အဟောသိကံ ဖြစ်သွားပါလိမ့်မည်။)

တရားမကြောင်းဖြင် စွဲဆိုပြီးနောက်အမူ့နိုင်ခဲ့လျင် ၁။ ငွေပေးဆပ်ရမည့်သူ ပိုင်ဆိုင်သည့် အိမ်ခြံမြေ တိုက်ခန်းများကို လေလံပစ်၍ မိမိငွေများကို ပြန်လည် ရယူနိုင်သည့်အခွင့်အရေး ငွေရှင်ထံတွင် ရှိပါသည်။ ၂။ ငွေပေးဆပ်ရမည့်

သူသည် ပေးဆပ်နိုင်စွမ်းရှိပါလျက် တမင်မပေးဆပ်လျင် ၎င်းအပေါ် ငွေရှင်မှတရားမထောင်ချမှတ်‌ ပေးပါရန် လျှောက်ထားခွင့်ရှိပါသည်။တရားရုံးမှ တရားမထောင် ချမှတ်နိုင် ပါသည်။

အကယ်၍ လုံးဝပေးဆပ်စရာမရှိခဲ့လျင်တောင်မှ နောက်တချိန် ငွေချေးသူထံတွင် ဥစ္စာပစ္စည်းများ ဖြစ်ထွန်းလာပါက လေလံပစ်၍ ရယူခွင့် ငွေရှင်ထံတွင် ရှိပါသေးသည်။ထို့ကြောင့် နိဂုံးချုပ်ရသော် ငွေကိစ္စသည် မပေးဆပ်မချင်း သေသည့်တိုင်အောင်တာဝန်ရှိမည်ဖြစ်ပါကောင်း အကျဉ်းချုပ်တင်ပြလိုက်ရပါသည်။

လေးစားစွာဖြင့်ခရက်ဒစ်