အေ မွပေးခြင်း(သို့)ပေးကမ်းစာချုပ်ချုပ်ဆိုမည်ဆိုလျှင် “ပေးကမ်းစာချုပ်” ချုပ်မယ်ဆိုရင်စိန်၊ရွှေအစရှိသောရွေ့ပြောင်းနိုင်တဲ့ပစ္စည်းတွေကိုပေးကမ်းတဲ့နေရာမှာစာချုပ်ချုပ်ပြီိးပေးကမ်းလို့လည်းရတယ်၊စာချုပ်မချုပ်ဘဲလည်းပေးလို့ရပါတယ်။မြေ၊ အိမ်အစရှိတဲ့မရွေ့မပြောင်းနိုင်တဲ့ပစ္စည်းတစ်စုံတစ်ရာကိုပေးကမ်းမယ်ဆိုရင်တော့ပေးကမ်းခြင်းစာချုပ်ပြုလုပ်ရပါမယ်။ပစ္စည်းပိုင်ရှင်အနေနဲ့ မိမိပိုင်ပစ္စည်းတွေကို မိမိဆန္ဒအလျောက်ပေးကမ်းခွင့်ရှိတယ်လို့အခြေခံသဘောအားဖြင့်ဆိုရမှာဖြစ်ပေမယ့်မိမိပိုင်ပစ္စည်းအားလုံးပေးခွင့်ရှိ၊မရှိဆိုတဲ့ပြဿနာတစ်ရပ်ရှိပါတယ်။

၁ ၉၄၉ ခုနှစ်မြန်မာနိုင်ငံစီရင်ထုံး၊ လွှတ်တော်စာမျက်နှာ ၄၇၁ အမှုမှာပါတဲ့ အချက်ကသတိပြုရမယ့်အချက်ပဲဖြစ်ပါတယ်။အသက်၂၇ နှစ်အရွယ်ရှိဒေါ်ရွှေရီဆိုသူဟာမသေမီ ၉ ရက်အလိုမှာ မှတ်ပုံတင်အရာရှိကိုအိမ်ကိုခေါ်ပြီး ပေးကမ်းစာချုပ်ပြုလုပ်မှတ်ပုံတင်စေပါတယ်။စာချုပ်မှာသူ့ရှိသမျှပစ္စည်းအားလုံးကိုနှစ်ပေါင်းများစွာသူ့ကိုပြုစုနေခဲ့တဲ့သူကိုပေးကမ်းလိုက်ခြင်းဖြစ်ပါတယ်။ဒေါ်ရွှေရီဟာနှစ်ပေါင်းအတော်ကြာကြာကိုယ်ရေပြားရောဂါဖြစ်နေပြီးမှတ်ပုံတင်စာချုပ်ချုပ်လုပ်တဲ့အချိန်မှာတော့ကျန်းမာ ရေးမကောင်းတော့ပါ။

ဒီလိုချုပ်ဆိုတဲ့စာချုပ်ကိုမြန်မာ့ဓလေ့ထုံးတမ်းဥပဒေနဲ့မညီညွတ်တဲ့အတွက်တရားလွှတ်တော်ကအတည်မပြုပါဘူး။တရားလွှတ် တော်ကအကြောင်းရင်းနှစ်ရပ်ပြပေါသည်။ပထမအကြောင်းကသေခါနီးဆဲဆဲပေးကမ်းတာဖြစ်ပါတယ်။ ဒုတိယအကြောင်းကသေသူဟာရှိသမျှပစ္စည်းအားလုံးကိုပေးကမ်းတာဖြစ်ပါတယ်။အထက်ဖော်ပြပါစ်ီရင်ထုံးနဲ့ ဓမ္မသတ်ခြောက်စောင်တွဲအခန်း၈၊ပုဒ်မ ၇၅ တို့ကိုထောက်ထားပြီးပစ္စည်းရှင်ဟာ မိမိပိုင်ပစ္စည်းကိုမိမိဆန္ဒအလျောက်ပေးကမ်းခွင့်ရှိပေမယ့်အမွေစားအမွေခံတွေရဲ့အခွင့်အရေးတွေကိုထိခိုက်လောက်အောင်ရှိသမျှပစ္စည်းအားလုံး ပေးကမ်းခွင့်မရှိဘူးဆိုတဲ့သဘောပါ။ဒါကြောင့်ပေးကမ်းခြင်းစာချုပ်ချုပ်ဆိုရာမှာ

၁။ မရွေ့မပြောင်းနိုင်တဲ့ပစ္စည်းကို ပေးကမ်းတာဆိုလျှင်စာချုပ်ပြုလုပ် ချုပ်ဆိုရပါမည်။

၂။ အဆိုပါစာချုပ်ကိုမှတ်ပုံတင်ရပါမည်။

၃။ အလိုအလျောက်မေတ္တာသက်ဝင်ချစ်ခင်မှုဖြင့်ပေးကမ်းတာမျိုးဖြစ်ရပါမယ်။

၎။ ပေးကမ်းခြင်းခံရသူကပေးကမ်းခြင်းကိုလက်ခံသဘောတူကြောင်းဖော်ပြပါရှိရပါမယ်။

၅။ ပေးကမ်းတဲ့ပစ္စ္စည်းစာရင်းဇယားဖော်ပြပါရှိရပါမယ်။

၆။ ဆိုင်ရာက ထုတ်ပေးတဲ့ ပစ္စည်းတည်ရှိရာမြေပုံ၊ မြေရာဇ၀င် ပူးတွဲပါရှိရပါမယ်။

၇။ ပေးကမ်းသူပ်ိုင်ဆိုင်ကြောင်းမရွေ့မပြောင်းနိုင်တဲ့ပစ္စည်းပိုင်ဆိုင်မှုဆိုင်ရာ အထောက်အထားပူးတွဲဖော်ပြပါရှိရပါမယ်။

၈။ စာချုပ်မှာအသိသက်သေနှစ်ဦး အနည်းဆုံးပါရှိရပါမယ်။

၉။ ပေးကမ်းစဉ်မှာပေးသူအနေနဲ့ အသက်ရှင်လျက်ရှိနေမှပေးနိုင်ခွင့်ရှိပါမယ်။

၁၀။ လက်ခံသူအနေနဲ့လည်းအသက်ရှင်ဆဲရှိမှသာလက်ခံနိုင်ပါမယ်။သေဆုံးမှဆိုလျှင်ပေးကမ်းခြင်းပျက်ပြယ်ပါမည်။

၁၁။တည်ရှိလတ္တံပစ္စည်းဒါမှမဟုတ် အနာဂါတ်ပစ္စည်းကိုပေးကမ်းခြင်းမပြုနိုင်ပါဘူး။

၁၂။ အပေးခံရတဲ့သူဟာတစ်ဦးထက်ပိုနေပြီးတစ်ဦးကပေးကမ်းတာကိုလက်မခံရင်လက်မခံသူအတွက်သာပေးကမ်းခြင်းပျက်ပြယ်ပြီးကျန်လက်ခံသူတွေအတွက်တာ့ ပေးကမ်းခြင်းကအတည်ဖြစ်ပါတယ်။

၁၃။ ပေးသူပိုင်ပစ္စည်းအားလုံးကိုပေးတာဆိုလျှင်ပေးစဉ်အခါကပေးသူမှာတင်ရှိနေတဲ့ကြွေးမြီးအားလုံးအတွက်ပေးတဲ့ပစ္စည်းနဲ့အညီလက်ခံသူအပေါ်မှာတာဝန်ရှိပါသည်။

၁၄။ ပစ္စည်းတန်ဖိုးအပေါ် တံဆိပ်ခေါင်းခွန် ထမ်းဆောင်ရပါမည်။

၁၅။ ပေးကမ်းသူမှာအမွေစားအမွေခံရှိနေရင်ပေးကမ်းသူပိုင်ပစ္စည်းအားလုံးကို အမွေစားအမွေခံမဟုတ်သူကိုပေးလို့မရပါဘူး။

Credit ဆရာဦးကျော်ဇေယျ၏စာချုပ်အမျိုးမျိုးချုပ်ဆိုခြင်းမှ