အေ နာက်ဘက်မှ ရွေ့လျားလာသည့် လေပွေလှိုင်းများကြောင့် မြန်မာနိုင်ငံ အထက်ပိုင်းဒေသများတွင် ဒီဇင်ဘာ ၂၇ ရက်မှ ၃၁ ရက်အတွင်း အချိန်အခါမဟုတ် မိုးရွာ သွန်းနိုင်ကြောင်း မိုးလေဝသနှင့် ဇလဗေဒ ညွှန်ကြားမှုဦးစီးဌာနမှ ဒုတိယညွှန်ကြားရေးမှူး ဦးလှထွန်းက ပြောကြားသည်။

အထက်ပိုင်းတွေ မိုးရနိုင်ပါတယ်။ ကချင်တို့၊ စစ်ကိုင်းအထက်တို့၊ ရှမ်းတို့ပေါ့ ။ချင်းပြည်နယ်တောင် နည်းနည်းပါနိုင်တယ်။ ဒီအချိန်က အနောက်ဘက်က လေပွေလှိုင်း ဖြတ်တဲ့ ရာသီအချိန်ဖြစ်နေတယ်။ လေပွေလှိုင်းတွေရဲ့ အင်အားပေါ်မူတည်ပြီး မိုရွာသွန်းမှုကရှိတယ်။ အနောက်ဘက်က လေ ပွေလှိုင်းတွေဖြတ်ပေမယ့် မရွာတာတွေရှိတယ်။ ကျန်တဲ့နေရာတွေက လကုန်အထိ မိုးရွာနိုင်မယ့် အလားအလာသိပ်မတွေ့ရဘူး။ အေးနေတဲ့အချိန်ကနေ နွေးလာရင် မိုးရွာဖို့အလားအလာရှိတယ်ဆိုတဲ့သဘော၊ မိုးရွာ ပြီးရင် ပြန်အေးသွားမယ်။ မိုးက သိပ်အများ ကြီးတော့ မရွာနိုင်ဘူး။ ၂၇ ကနေ ၃၁ ရက် ငါးရက်အတွင်းမှာ ကချင်က တစ်လက်မ ကျော်ကျော်လောက်ရမယ်။ ကျန်တဲ့နေရာတွေက ရွာတော့ရွာမယ် နည်းတယ်” ဟု ဦးလှ ထွန်းက ပြောကြားသည်။

မိုးလေဝသနှင့် ဇလဗေဒညွှန်ကြားမှုဦး စီးဌာန၏ ဒီဇင်ဘာ ၂၃ရက် မိုးလေဝသအခြေအနေထုတ်ပြန်ချက်တွင်နေပြည်တော်၊ စစ်ကိုင်းတိုင်းဒေသကြီးအောက်ပိုင်း၊ မန္တလေး တိုင်းဒေသကြီး၊ မကွေးတိုင်းဒေသကြီး၊ ရန်ကုန်တိုင်းဒေသကြီး၊ ရှမ်းပြည်နယ် (မြောက်ပိုင်းနှင့် တောင်ပိုင်း)နှင့် ကရင်ပြည်နယ်တို့တွင် အများအားဖြင့် သာယာခဲ့ပြီး၊ ကျန်တိုင်းဒေသကြီးနှင့် ပြည်နယ်တို့တွင် တိမ်အသင့် အတင့် ဖြစ်ထွန်းခဲ့ကြောင်း သိရသည်။

ညအပူချိန်များအနေဖြင့် ဧရာဝတီတိုင်းဒေသကြီး၊ ရှမ်းပြည်နယ်(အရှေ့ပိုင်း)နှင့် ကယားပြည်နယ်တို့တွင် ဒီဇင်ဘာလ၏ ပျမ်းမျှအပူချိန်တို့အောက် ၃ ဒီဂရီစင်တီ ဂရိတ်မှ ၄ ဒီဂရီစင်တီဂရိတ်အထိနှင့် ပဲခူးတိုင်းဒေသကြီး၊ ရှမ်းပြည်နယ် (မြောက်ပိုင်း)နှင့် ရခိုင်ပြည်နယ်တို့တွင် ဒီဇင်ဘာလ၏ ပျမ်းမျှ အပူချိန်တို့အောက် ၂ ဒီဂရီစင်တီ ဂရိတ် လျော့နည်းခဲ့ပြီး၊ ကျန်တိုင်းဒေသကြီး နှင့် ပြည်နယ်တို့တွင် ဒီဇင်ဘာလ၏ ပျမ်းမျှ အပူချိန်ခန့်သာ ရှိခဲ့ကြောင်း၊ ထူးခြားသည့် ညအပူချိန်များအနေဖြင့် ဟဲဟိုးမြို့နှင့် ဟား ခါးမြို့တွင် ၂ ဒီဂရီစင်တီဂရိတ်စီ၊ နမ့်စန်မြို့၊ ပင်လောင်းမြို့နှင့် မိုင်းယန်းမြို့တို့တွင် ၃ ဒီ ဂရီစင်တီဂရိတ်စီ၊ မိုးကုတ်မြို့တွင် ၅ ဒီဂရီ စင်တီဂရိတ်နှင့် ပူတာအိုမြို့၊ သီပေါမြို့၊ လား ရှိုးမြို့၊ ကျောက်မဲမြို့၊ လွိုင်လင်မြို့၊ ကျိုင်းတုံ မြို့၊ ပြင်ဦးလွင်မြို့နှင့် လွိုင်ကော်မြို့တို့တွင် ၆ ဒီဂရီစင်တီဂရိတ်စီတို့ ဖြစ်ကြောင်း မိုးဇလ ထုတ်ပြန်ချက်တွင် ဖော်ပြထားသည်ဒီဇင်ဘာ ၂၄ ရက် မိုးလေဝသခန့်မှန်းချက်အနေဖြင့် စစ်ကိုင်းတိုင်းဒေသကြီးအထက်ပိုင်းနှင့် ကချင် ပြည်နယ်တို့တွင် နေရာ ကွက်ကျားမိုးအနည်းငယ်ရွာနိုင်ပြီးရွာရန် ရာနှုန်း ၆၀ ဖြစ်ကြောင်း၊ စစ်ကိုင်းတိုင်းဒေသကြီးအောက်ပိုင်း၊ တနင်္သာရီတိုင်းဒေသကြီး၊ ရှမ်းပြည်နယ်(မြောက်ပိုင်း)၊ ချင်းပြည်နယ်၊ ရခိုင်ပြည်နယ်နှင့် မွန်ပြည်နယ်တို့တွင် တိမ်အသင့်အတင့် ဖြစ်ထွန်းပြီး၊ ကျန်တိုင်းဒေသ ကြီးနှင့် ပြည်နယ်တို့တွင် အများအားဖြင့် သာယာမည်ဖြစ်ကြောင်း မိုးဇလက ထုတ်ပြန်ထားသည်။

နောက်နှစ်ရက်အတွက် ခန့်မှန်းချက် အနေဖြင့် ပဲခူးတိုင်းဒေသကြီး၊ ရန်ကုန်တိုင်း ဒေသကြီး၊ ဧရာဝတီတိုင်းဒေသကြီး၊ ရှမ်းပြည်နယ်နှင့် ကယားပြည်နယ်တို့တွင် ညအပူချိန် များ အနည်းငယ် လျော့နည်းနိုင်ကြောင်း မိုးဇလက ထုတ်ပြန်ထားသည်။

Source-EMG