ရန်ကုန် က လူတွေ YBS မစီး ဘဲ ပိုက်ဆံ အကုန်ခံပြီး တက္က စီ စီးရတဲ့ အကြောင်းအရင်း

ပြည် သူ့ သွားလာရေး လမ်းကြောင်းတွေ (public Transports) တွေမှာ ရည်ရွယ်ချက် ၄ရပ် ရှိတတ်တယ်။

(၁) လုံခြုံဖို့၊ (၂) တွက်ချေကိုက်ဖို့၊ (၃) သဘာဝ ပတ်ဝန်းကျင် မထိခိုက်ဖို့၊ (၄) (ကျန်တဲ့ အရေးတွေနဲ့) သဟဇာတ ဖြစ်ဖို့

(၁) လုံခြုံဖို့ ဆိုရာမှာ မတော်တဆ ထိခိုက်မှုတွေ accidents လျော့ချဖို့နဲ့၊ ဘေးအန္တရာယ်ကင်းဖို့ ပါဝင်ပါတယ်။ (၂) တွက်ချေကိုက်ဖို့ ဆိုတာမှာ ပြည်သူ့ဘဏ္ဍာတွေ သက်သာဖို့၊ ယာဉ်ပိုင်ရှင် service provider ရော၊ စီးနင်းသူ ပြည်သူရော စီးပွားရေး တွက်ချေကိုက်ဖို့၊ ခရီးသွားလာမှု စွမ်းဆောင်ရည်အရတွက်ချေကိုက်ဖို့ ဆိုတာတွေ ပါဝင်ပါတယ်။

(၃) သဘာဝ ပတ်ဝန်းကျင် မထိခိုက်ဖို့ ဆိုတာက ဆူညံမှု လျော့ချတာ၊ လေထု ညစ်ညမ်းမှု လျော့ချတာ၊ ဖန်လုံအိမ် ဓာတ်ငွေ့လျော့ချတာ၊ စတာတွေ အများကြီးပါပါတယ်။ (၄) သဟဇာတ ဖြစ်ဖို့ ဆိုတာ တခြား လူထု သွားလာရေး လမ်းကြောင်းတွေအပြင် မူဝါဒတွေနဲ့ပါ သဟဇာတ ဖြစ်ဖို့ပါ။

ရန်ကုန် YBS ဟာ မထသရဲ့ ရိုင်းစိုင်းမှု၊ ပြည်သူအဆင်မပြေ ဖြစ်မှုတွေကို ပြောင်းလဲဖို့ လုပ်ခဲ့တာ ဆိုပေမယ့် အလောတကြီးပြောင်းခဲ့တာ၊ အဆင်သင့် မဖြစ်ခဲ့တာတွေ အပြင် လူဟောင်းတွေကနေ မခွာနိုင်တာ၊ ကိုယ်ရကိုယ်ယူ စနစ်ကို မတိုက်ဖျက်နိုင်တာကြောင့် ထင်သလောက် မအောင်မြင်ဘူးပြောရင် တချို့လော်ဘီတွေက လာဆဲကြပါတယ်။ မတတ်နိုင်ပါ။

YBS စပြောင်းတုန်းက ပြည်သူ ကူညီတဲ့အင်အားဟာ ကြောက်ဖို့ ကောင်းပါတယ်။ ဒါပေမယ့် သုံးလအတွင်းလို့ ပြောခဲ့တဲ့ ကတ်စနစ် ဖြစ်မဖြစ်၊ အခု ပြည်သူ ကတ်တွေနဲ့ စီးနေရ မနေရ၊ စီးရပြီဆိုရင် ကားစီးသူ ဆယ်ယောက်မှာ ဘယ်နှစ်ယောက် ကတ်သုံးနေပြီလဲ ဆိုတဲ့ အင်ဒီကေတာနဲ့ ချိန်ကြည့်ပါ။ YBS ကားကြီး အဲကွန်းအေးလိုက်တာ ဆိုတာ ပြောမယ့်အစား သွားလိုရာကို အချိန်ဘယ်လောက်အတွင်း ရောက်သလဲ၊ လူတယောက် ပျမ်းမျှ ကားစောင့်ချိန် ဘယ်လောက်လဲနဲ့ ချိန်ကြည့်ပါ။

ရန်ကုန်မှာ ကားနဲ့ ခရီးသွားသူ ပျမ်းမျှ ၄ သိန်း ၇ သောင်းရှိတယ်။ လေးသိန်းပဲထားပါ။ လူတယောက်ကို တနေ့ တနာရီ နောက်ကျရင် နာရီလေးသိန်း ရှိတယ်။ နှစ်ပေါင်း ၄၅ နှစ် ရှိတယ်။ တရက် ပျမ်းမျှ လုပ်ခ ၄၈၀၀ နဲ့ တွက်ရင် သိန်းပေါင်း ၇၉၀ ဆုံးရှုံးနေရတယ်။ ဒါ လူတယောက် တနာရီ နောက်ကျတာနဲ့ တွက်ကြည့်တာပါ။ အများပြည်သူ လုံခြုံမှု၊ စီးပွားရေး တွက်ချေကိုက်မှုတွေနဲ့ တွက်ကြည့်ပါ။

ဘတ်စကားမစီးပဲ ဘာလို့ တက်စ်စီ စီးကြသလဲ။ ငွေ ၂၀၀ နဲ့ သုံးလေးထောင် ဘာလို့ လဲကြသလဲ။ အဖြေက ဘာ့ကြောင့်လဲ?

သက္ကမိုးညို