အား လုံး ထင်သ လို မဟုတ် ဘဲ အ မှန်တရားတွေ ပေါ်လာပြီး အမြန်ဆုံး လွတ်မြောက်တော့မှာ ပါလို့ ပြောပြ လာတဲ့ “မင်းရာဇာ”

အား လုံး ထင်နေသလို မဟုတ်ပါဘူး´ လို့ပြောသွားခဲ့တဲ့ အိမ်အကူအမျိုးသမီးကို ညှဉ်းပမ်းနှိပ်စက်မှုဖြင့်တရားစွဲခံရတဲ့ သရုပ်ဆောင်မင်းရာဇာ ရဲ့ ယနေ့ရုံးထုတ်မြင်ကွင်းများ …

ကျွှန်တော်အတွက် အမှန်တရားတွေ ပေါ်လာ့ပီး အမြန်ဆွုံးလွတ်မြောက်တော့ မှာပါလို့ ပြောပြလာတဲ့ မင်းရာဇာ

အိမ်အကူမိန်းကလေးအား အဓမ္မကျင့်မှု၊ မိန်းမကိုယ်အား အက်စစ်ဖြင့် ပက်မှု များဖြင့် အမှုဖွင့်ခံရထားရသည့် သရုပ်ဆောင် မင်းရာဇာ (ခ) မင်းကိုကို အပါအဝင် လေးဦးအား စတင်ပြီး ရုံးတင်တရားစွဲရာတွင် ဥပဒေနှင့် မညီညွတ်မှုများ ရှိနေကြောင်း တရားလိုဘက်က လိုက်ပါဆောင်ရွက်မည့်ရှေ့နေများက ပြောသည်။

မြောက်ဥက္ကလာပမြို့နယ် တရားရုံး၌ ယနေ့ မေ ၇ ရက်နေ့တွင် သရုပ်ဆောင် မင်းရာဇာ (ခ) မင်းကိုကို၊ ဇနီးဖြစ်သူ မဖူးငုံပွင့်၊ မန်နေဂျာဟုဆိုသူ အောင်လွင်စိုး (ခ) ရခိုင်လေးတို့အား ပုဒ်မ ၃၂၆/၃၄ ဖြင့်လည်းကောင်း၊ ယောက္ခမဖြစ်သူ ဦးမောင်မောင်လေးအား ပုဒ်မ ၃၂၅ ဖြင့်လည်းကောင်း တရားစွဲတင်ရာတွင် ကနဦး အမှုဖွင့်တိုင်ချက် (FIR) မိတ္တူဖြစ် နေခြင်း၊ ဦးမောင်မောင်အေး အား အာမခံပေးရန်ဆုံးဖြတ်ရာတွင် ဥပဒေအရာရှိက တရားခွင်တွင် ရှိမနေ ခြင်းတို့ကို ထောက်ပြခဲ့ခြင်းဖြစ်သည်။

တရားလွှတ်တော်ရှေ့နေ ဦးထွန်းအောင် က “အမှု ၂ ခု ဖွင့်ရင် FIR ဆိုတဲ့ ကနဦး အမှု ဖွင့်တိုင်ချက်က နှစ်စောင် ဖြစ်ရမယ်။ သီးသန့်ဖြစ်ရမယ်၊ အကြောင်းအရာ တူချင်မှလည်းတူမယ်၊ တူရင်လဲတူနေမယ်၊ သို့သော် တိုင်စာပေါ် မှာရှိတဲ့ လက်မှတ်သည် မူရင်းဖြစ်ရမယ်၊ အခုက မိတ္တူ ဖြစ်သွားပြီ၊ ဒါက ဥပဒေနဲ့ မညီတဲ့ကိစ္စ၊ ဥပဒေနဲ့ရဲမှာ တာ ဝန်ရှိတယ်၊ ရဲက တင် လာရင်လည်း ဥပဒေက လက်မခံရဘူး” ဟု ပြောသည်။

ယနေ့တရားခွင်တွင် ဦးမောင်မောင်အေးမှ ပုဒ်မ ၃၂၅ ဖြင့် တရားစွဲခံရမှုအား အာမခံပေးရန် လျှောက်ထားခဲ့ရာ တွင် ကျပ် ၁၀ သိန်းတန် အာမခံသူနှစ်ဦးဖြင့် အားမခံပေးကြောင်း တရားသူကြီးက ဆုံးဖြတ်ချက် အမိန့်ချချိန်တွင် ဥပဒေအရာရှိအနေဖြင့် တရားခွင်အတွင်းရှိမနေခြင်းအပေါ်လည်း ရှေ့နေများက ထောက်ပြခဲ့သည်။

ဦးမောင်မောင်အေးအား အာမခံပေးခဲ့သူ နှစ်ဦးသည် ရွှေပေါက်ကံတွင် နေထိုင်သည့် ဦးသိန်း မြင့်နှင့် ဦးဝင်းထွန်းနောင် တို့ ဖြစ်ကြောင်း သိရသည်။

တရားလွှတ်တော်ရှေ့နေ ဦးထွန်းအောင် က “ရုံးက သူ့ကို (ဦးမောင်မောင်အေး) အာမခံပေးတာကို မပြောလိုဘူး၊ ဒါပေမယ့် ရုံးကခေါ်တဲ့အချိန်မှာ ဥပဒေအရာရှိသည် ဘာကြောင့် ရုံးမှာမရှိရတာလဲ၊ သူရောက်နေရမယ်၊ တရား ခွင်မှာရှိနေရမယ်။ အခုတော့ သူ ဘာမှမပြောလိုက်ဘူး၊ ရုံးက အာမခံပေးလိုက်တယ်” ဟု တရားခွင်အခြေအနေကို ပြောသည်။

ယနေ့တရားခွင် စတင်ချိန်တွင် ဥပဒေအရာရှိအနေဖြင့် တရားခွင်တွင်ရှိ မနေခဲ့သည့်အတွက် တရားလိုဘက်မှ လိုက်ပါဆောင်ရွက်မည့် ရှေ့နေအဖွဲ့က သွားရောက်ခေါ်ဆောင်ခဲ့ရပြီးမှသာ တရားခွင်သို့ရောက်ရှိလာခဲ့ တရားလိုရှေ့နေဘက်က ပြောသည်။

ကနဦးအမှုဖွင့် တိုင်ကြားချက် (FIR) အား မိတ္တူဖြင့် အမှုခွဲကာ စွဲတင်လာခြင်းနှင့် ပတ်သက်ပြီး “တရားစွဲတင်တဲ့ အဖွဲ့အစည်းတွေရဲ့ အပိုင်းပဲဖြစ်ပါတယ်၊ တရားရုံးက ဆောင်ရွက်ချက်မဟုတ်ပါဘူး” ဟု မြောက်ဥက္ကလာပမြို့နယ် တရားရုံး၊ သတင်းပြန်ကြားရေးအရာရှိ၊ တွဲဖက်မြို့နယ်တရားသူကြီး ဦးဇေယျာဦးက ပြောသည်။

ယနေ့တရားခွင်အတွင်း ဖြစ်ရပ်များနှင့်ပတ်သက်ပြီး အမှုတွင် ပါဝင်ခြင်းမရှိသည့် ဥပဒေအကြံပေး တဦးဖြစ်သူ ဦးခင်မောင်မြင့် က “အမှုစွဲတင်တာက ဥပဒေအရာရှိရဲ့ တာဝန်ပဲ၊ ဒီလိုအမှုကြီးတွေဆို ပိုတောင် ရှိနေသင့် ပါတယ်၊ FIR ကို မိတ္တူဆွဲပြီး တင်မတင်ဆိုတာထက် FIR မှာ ကျူးလွန်တဲ့ဖြစ်ရပ်တိုင်းအတွက် သက်ဆိုင်တဲ့ အမှုတွေ ပါမပါ ပိုပြီး အရေးကြီးပါတယ်၊ အမှုစစ်ဆေးပေါ်ပေါက်ချက်တွေအရ နောက်တိုးစွဲရမယ့် သူတွေရှိလာရင်လဲ မိတ္တူနဲ့ပဲ လုပ်လေ့ရှိကြပါတယ်၊ ဒီလို ရဲဘက်က တင်လာတာတွေကိုလည်း ဥပဒေရုံးနဲ့ တရားရုံးတွေက သေချာစိစစ်ပြီးမှ လက်ခံရတာပါ” ဟု ရှင်းပြသည်။

အမှုတွင် ကာယကံရှင် အိမ်အကူမိန်းကလေသည် မိန်း မကိုယ်တွင် အက်စစ်ဖြင့်အပက်ခံရသည့်ဒဏ်ရာနှင့် အခြား ဒဏ်ရာများကြောင့် မြောက်ဥက္ကလာပဆေးရုံကြီးတွင် တက်ရောက်ကုသခဲ့ရပြီး ယခုအခါ ဆေးရုံမှ ဆင်းခဲ့ပြီဖြစ်ကြောင်း ဦးလေးတော်စပ်သူ ဦးအောင်က ပြောသည်။

ဦးအောင်က “ကလေးမလေးက ဆေးရုံက ဆင်းတာတော့ တပတ်ကျော်လောက် ရှိပြီ၊ ကျန်းမာရေးက သက်သာ လာပါပြီ၊ အနာတော့ မကျက်သေးဘူး၊ ဆေးတော့ ထည့်ထည့်ပေးနေရတယ်လို့ သိရတယ်” ဟု ပြောသည်။

မြောက်ဥက္ကလာပမြို့နယ်တရားရုံးတွင် မင်းရာဇာ အပါအဝင် ၃ ဦးအား စွဲတင် ခဲ့သည့် ပုဒ်မ ၃၂၆/၃၄ (ဘေးဖြစ်စေ တတ်သော လက်နက်ဖြင့် (သို့)နည်းဖြင့် မိမိအလိုအလျောက် အပြင်းအထန်နာကျင်စေမှုကို ပူးပေါင်းကြံစည်ခြင်း) သည် ထောင်ဒဏ် ၂၀ နှစ်ဖြစ်စေ၊ ၁၀ နှစ်အထိ ထောင်ဒဏ်တမျိုးမျိုးဖြစ်စေ ချမှတ်ရမည့်အပြင် ငွေဒဏ်လည်း ချမှတ် နိုင်သည့် ပုဒ်မဖြစ်သည်။

အိမ်အကူမိန်းကလေး ဦးခေါင်းအား တုနှင့်ထုသည့်ဟုဆိုကာ ဦးမောင်မောင်အေး တရားစွဲတင် ခဲ့သည့် ပုဒ်မ ၃၂၅ (မိမိအလိုအလျောက် အပြင်းအထန်နာကျင်စေမှု) သည် ၇ နှစ်အထိ ထောင်ဒဏ် တမျိုးမျိုးချမှတ်ရမည့်အပြင် ငွေဒဏ်လည်းချမှတ်သည့် ပုဒ်မဖြစ်သည်။

သီးခြားအနေဖြင့်လည်း အိမ်အကူမိန်းကလေးအား အဓမ္မပြုကျင့် မှုဖြင့် သရုပ်ဆောင် မင်းရာဇာအား ၎င်းနေထိုင် ရာ တာမွေမြို့နယ် ရဲစခန်းတွင် ပုဒ်မ ၃၇၆ ဖြင့် အမှုဖွင့်ထားကြောင်း သိရပြီး မနက်ဖြန် မေလ ၈ ရက်နေ့တွင် အရှေ့ပိုင်းခရိုင် တရားရုံးသို့ တရားစွဲ တင်ဖွယ်ရှိကြောင်း ရှေ့နေများက ပြောသည်။