တခေတ်တခါ က မကွေးမြို့မှာရှိ ခဲ့ တဲ့ သရဲအရမ်းခြောက်တဲ့ နေရာ (၉) ခု

သရဲဆိုတာ သေဆုံးသွားတဲ့ လူတွေ၊ တိရိစ္ဆာန်တွေ ရုပ်အားဖြင့် ပုံသဏ္ဍာန်အမျိုးမျိုးနဲ့ တည်ရှိနေတာမျိုး။ သူတို့ ရှိနေ ကြောင်းကို ရုပ်ပိုင်းနဲ့ ပြကြသလို မမြင်ရဘဲလည်း ပြသလေ့ ရှိပါတယ်။ သေဆုံးသွားတဲ့သူတွေဟာ ပုံစံအမျိုးမျိုးနဲ့ ရှိနေတာကို စာပေ မပေါ်ပေါက်ခင်ကတည်းက အယူ၊ အစွဲ ရှိခဲ့ကြပါတယ်။

ဘုရားရှင် လက်ထက် မတိုင်မီကတည်းက နာနာဘာဝ တွေဟာ နာမည်မျိုးစုံ ပုံစံမျိုးစုံနဲ့ ရှိကြပါတယ်။ သရဲ၊ တစ္ဆေ၊ ပြိတ္တာ၊ ဘီလူး၊ သဘက် စသဖြင့် မသေခင်က လုပ်ဆောင်ခဲ့တဲ့ ကုသိုလ်ကောင်းမှု အမျိုးမျိုးကို အကြောင်းပြုပြီး ဘဝကူးတဲ့အခါ မကျွတ်မလွတ် ရှိနေကြတာ။ အရှေ့တိုင်းသာမက အနောက်နိုင်ငံကြီးတွေမှာပါ သရဲ ဆိုတာကို ယုံကြည်ကြပါတယ်။

Ghost ဇာတ်ကားဆိုရင် ဟောလိဝုဒ်က ဆုရကား၊ သရဲကားတွေမှ မျိုးစုံ၊ သရဲဝတ္ထုတွေလည်း အများကြီး။ သေလွန်သူ ဘိုးဘွားတွေရဲ့ ဝိဥာဉ်တွေကို ကိုးကွယ် ပူဇော်တဲ့ ဓလေ့ဟောင်းတွေလည်း ရှိကြပါတယ်။ အဲ့ဒီအချိန် သေသူတွေနဲ့ ဆက်သွယ်ပေးတဲ့သူတွေကို နီခရိုမန်စီ necromancy လို့တောင် ခေါ်ဆိုကြပါတယ်။ နတ်ဆရာလိုလို၊ သိုက်ဆရာလိုလို လူတွေပေါ့။ လူမဟုတ်တဲ့သူတွေကို ကိုးကွယ်တာကို အန်နီမစ်ဇင် animism လို့ ခေါ်ပါတယ်။ တိရိစ္ဆာန်ရုပ်ကြီးတွေ ကိုးကွယ်ကြတာ။ ဒါက သရဲ ဆိုတာ တစ်ကယ် ရှိသလား အချီးပဏာမ နိဒါန်းပျိုးရခြင်း ဖြစ်ပါတယ်။

ညအချိန် မည်းမည်းမှောင်နေတဲ့အချိန်။ လမ်းမီးတိုင်တွေက ကျိုးတိုးကျဲတဲ မီးကလည်း ပုံမှန်မလာ။ တစ်ယောက်တည်း သွားနေချိန် နောက်ကျောက စိမ့်အေးလာတာမျိုး၊ ကြက်သီးမွေးညှင်းတွေ ထလာတာမျိုး ကြုံဖူးကြပါလိမ့်မယ်။ ပြီးတော့ ညနက်သန်းခေါင် မအိပ်သေးဘဲ စာကျက်နေတဲ့အချိန်၊ စာအုပ်ဖတ်နေတဲ့အချိန်၊ တစ်ခုခု လုပ်နေတဲ့အချိန်မှာ တစ်ယောက် ယောက်က စိုက်ကြည့်နေတယ် ဆိုတဲ့ ခံစားမှုမျိုး ဖြစ်ဖူးကြပါလိမ့်မယ်။ နောက်တစ်ခါ ညအချိန်မတော် အိပ်နေချိန် ဘယ်သူမှလဲ မရှိဘဲ တံခါးခေါက်သံလိုလို၊ လမ်းလျှောက်သံလိုလို၊ ပစ္စည်းကျကွဲသံလိုလို နိုးလာပြီး စိမ်းရွှေရွှေ အနံ့ကြီး ရလာဘူးလား။

ညသန်းခေါင်ယံအချိန်၊ လမ်းထဲက ခွေးတွေ ဟိုးအဝေးကနေ ဆွဲဆွဲငင်ငင် အုပ်စုလိုက် အူနေတာ၊ ကိုယ့်အိမ်နားကခွေးတွေ အူတယ်၊ ပြီးရင် ဘေးနားက ခွေးတွေ ထပ်အူတယ်။ အဲဒီလိုမျိုး ခွေးအူသံတွေ တဖြည်းဖြည်း နီးလာပြီး ပြန်ဝေးသွားတာမျိုး ကြုံဖူးကြလား။ ဟောင်တာ မဟုတ်ဘူးနော်။ မကျွတ်လွတ်သေးတဲ့ ဝိဥာဉ်တွေ တွေ့ရလို့ ခွေးတွေ အူကြတာ။

သူတို့ ရွေ့နေရာ တစ်လျှောက်မှာ ရှိတဲ့ ခွေးတွေ အူကြတာ။ ခွေးတွေက နာနာဘာဝ၊ ဝိနာဘာဝ ဝိဥာဉ်တွေကို မြင်နိုင်ကြတယ် လေ။ တစ်ချို့ဆိုရင် သရဲကို မြင်ချင်လွန်းလို့ ခွေးမျက်ချေးယူပြီး ကိုယ့်မျက်စေ့ကို ပွတ်ကြသေးတယ်။ လူတွေက ဘုန်းကံ မြင့်တော့ တော်တန်ရုံ မမြင်ရဘူး။ ခွေးမျက်ချေး ယူပြီး ပွတ်လိုက်တော့ ဘုန်းနိမ့်သွားပြီး သရဲ၊ တစ္ဆေတွေကို မြင်နိုင်သွားကြ တာ။

အခု ဆက်ပြီးတော့ ငယ်ငယ်တုန်းက သရဲခြောက်တယ် လို့ နာမည်ကြီးခဲ့တဲ့ နေရာတွေအကြောင်း ပြောပြပါမယ်။

နေရာ (၁) သိင်္ဂါထိပ်က ကုက္ကိုပင်ကြီး

အခုသိင်္ဂါဂီရိရပ်ကွက် ဆိုတာ အရင်တုန်းက အလောင်းတွေ မြုပ်တဲ့ သင်္ချိုင်းကုန်းကြီး။ ပါလီမန်ခေတ်မှာ မြို့ကွက် တိုးချဲ့ တော့ သင်္ချိုင်းကုန်းကြီးကို ရွှေ့ပစ်ခဲ့တာ။ သိင်္ဂါထဲက အိမ်တွေ အိမ်ဆောက်တာပဲ ဖြစ်ဖြစ်၊ ရေတွင်းတူးတာပဲ ဖြစ်ဖြစ် မြေကြီးအောက်မှာ အရင်ခေတ်က အုတ်ပြားအကြီးကြီးတွေ တွေ့ကြလိမ့်မယ်။ အဲ့ဒါ အရင်တုန်းက သင်္ချိုင်းကုန်း အုတ်ဂူတွေက အုတ်တွေပေါ့။ သင်္ချိုင်းကုန်း ရွှေ့တာ ကြားဘူးကြလား။ အဲ့ဒီခေတ်က ကားတွေ ရှားလို့ နွားလှည်း အလွတ်တွေနဲ့ ညကြီးမင်းကြီး ရွှေ့ခဲ့ရတာ။ တစ်ချို့လည်း မလိုက်ချင်လို့ ကျန်ခဲ့သေးတယ် လို့တောင် ပြောကြတာ။ လူနေရပ်ကွက် အဖြစ် ဖော်တော့ ရေမြောင်းမပါ၊ အကွက်ရိုက်ပြီး အိမ်ခြံကွက်တွေ သတ်မှတ်ပေးခဲ့တာ။ သစ်ပင် ကြီးကြီးတွေ အခုထိ ရှိသေးတယ် ဆိုရင် သတိသာထားပေတော့။

မင်္ဂလာဈေးထိပ်၊ အရင် သမဝါယမဆိုင်ဘေးမှာ ကုက္ကိုပင် အကြီးကြီးရှိတယ်။ အပင်ကြီးအောက်မှာ အုတ်ပုံတွေ ထိုးထိုး ထောင်ထောင် ရှိသေးတယ်။ (အခု ရှိသေးလား မသိ) အဲ့ကုက္ကိုပင်ကြီးအောက် ညဘက် ၁၂ နာရီ ကျော်ရင် တစ်ကိုယ်လုံး အဝတ်ဖြူ၊ ဆံပင်ရှည်ဖားလျားကြီးနဲ့ မိန်းမသရဲတစ်ကောင် ရှိတယ်။ မယုံတဲ့သူတွေ အပင်အောက် ညဘက်သွား၊ ဟိုခေါ် ဒီခေါ် လုပ်။ သစ်ပင်ပေါ်က ဆင်းချလာတာ တဲ့။ အဲ့နားမှာ အမူးသမားတွေ အမူးလွန်ပြီး အိပ်ကြတဲ့အခါ ကြုံရတာပေါ့။ အမူးသမားတွေ အမူးပြေတဲ့အထိ သရဲမကြီးက ခြောက်ခဲ့တာ။ သစ်ပင်ခုတ်ရင် ပိုဆိုးမှာ စိုးလို့ ဘယ်သူမှ မခုတ်ရဲ ခဲ့ပါဘူး။ (အခုတော့ မရှိလောက်တော့ပါဘူး )

နေရာ (၂) စံပယ်လမ်းက ဒန်းလေးနဲ့ သရဲသားအမိ

မြို့ဟောင်းရပ်ကွက်၊ စံပယ်လမ်းထဲက အိမ်။ အိမ်ရှင် မနေဘူး။ အိမ်ငှားတွေ ခဏခဏ ပြောင်းတယ်။ နယ်ကလာတဲ့သူတွေ မသိတော့ ငှားခ ဈေးသက်သာတယ် ဆိုပြီး ငှားနေကြတယ်။ (အိမ်နံပတ်က – – – – – ) အဲ့တုန်းကလူတွေ သိတယ်။ အိမ်ရှေ့ မှာ ဒန်းလေးတစ်ခု ရှိတယ်။ ညမွှေးပန်းပင်တွေလည်း ရှိတယ်။ ညဆိုရင် ပန်းတွေက စူးရှရှ မွှေးနေတာ။ အဲ့အိမ် ရှေ့က ဖြတ်လျှောက်ရဲလား၊ မရဲဘူးလား ဆိုတာ ငယ်ငယ်က လောင်းကြေးစားကြေး ချခဲ့ကြသေးတာပ။ ဒန်းလေးက လူမရှိဘဲ လွှဲနေတတ်တယ်။ တစ်ခါတစ်ခါ ကံနိမ့်လွန်းရင် ဒန်းလေးပေါ်မှာ အမျိုးသမီး တစ်ဦး၊ အပေါ်အဖြူ အောက်အဖြူ နဲ့။ ကလေးပေါက်စနလေး ပွေ့ချီလို့ ဒန်းလွှဲနေတာကို မြင်ရတတ်တယ်။

အဲ့အိမ်ရှေ့က ဖြတ်လျှောက်ရင် အလိုလို ကြက်သီးတွေ ထလာတယ်။ တစ်ခါကဆို လူတစ်ယောက် လောင်းကြေးစားကြေး သွားပြီး လျှောက်တာ။ ည ၁၂ နာရီ တိတိ။ ဒန်းလေး လွှဲနေတာ မြင်တယ်။ သားအမိနှစ်ယောက်ကို မြင်တယ်။ သူ့ကို အမေလုပ်သူက စိုက်ကြည့်နေတာ မျက်လုံးချင်းဆုံတော့ အရမ်းလန့်သွားတယ်။ သရဲမက ဒန်းလေးပေါ်ကနေ ကလေးချီရင်း မတ်တပ်ထရပ်တော့ အသားကုန် ပြေးတာ။ စံပယ်လမ်းက ကမူတစ်ခုနဲ့ ခြေခေါက်လဲပြီး မှောက်လျက် လဲ၊ ပြီးတော့ ပြန်ထပြေး၊ ဖိနပ်တောင် မပါတော့ဘူး။

နေရာ (၃) ဆားစည့်ကျောင်း တိုက်ပျက်ကြီးကြားက ပသျှူးခေါင်းပြတ်

ဆားစည့်ကျောင်းကို ရောက်ဖူးတဲ့သူတွေ သိပါလိမ့်မယ်။ ရှေးဘုရားပျက်တွေ၊ ကျောက်းတိုက်ပျက်ကြီးတွေ ပြိုကျလုဆဲဆဲ ရှိခဲ့ပါတယ်။ (ခုရော ရှိလား မသိ) အဲ့ဒီ တိုက်ပျက်ကြီးတွေ ရောက်ဖို့ စိန်နားပန် ခြုံတွေ ဖြတ်ပြီးမှ သွားရတာလေ။ နေ့ခင်း ကြောင်တောင် တွေ့ရတာ နည်းတယ်။ ကျောင်းသူ ကျောင်းသားတွေ မသွားရဲကြဘူး။ ပသျှူးခေါင်းပြတ်ဆိုပြီး စနာမည် ပေးခဲ့တာက ဆားစည့်ထဲက လူတွေ။ ညနေစောင်းရင် တိုက်ပျက်ကြီးတွေဘက် မသွားလေနဲ့။ ပသျှူးခေါင်းပြတ်ဆိုတာက မလေးရှားစုန်းကားတွေထဲကလိုမျိုး။ တိုက်ပျက်ကြီးနား ရောက်လို့ နှာခေါင်းက စိမ်းရွှေရွှေ အနံ့ကြီး ရပြီ ဆိုရင် လှည့်မကြည့်နဲ့။ ပြေးသာပြေး။ လှည့်ကြည့်ရင် လိပ်ပြာလွင့်သွားနိုင်တယ် လို့ ပြောကြတယ်။

နေရာ (၄) ဆုံရပ်ထဲက နှစ်ဆောင်ပြိုင်အိမ်အိုကြီး

ကြားဖူးကြလိမ့်မယ်. နှစ်ဆောင်ပြိုင်အိမ်ဆိုတာ။ အဲ့ဒီအိမ်ကြီးကို သွားကြည့်။ ဆုံရပ် ( – -) လမ်းနဲ့ (- -) လမ်းဆုံနားမှာ ရှိတယ်။ အိမ်ကြီးကကို သေချာကြည့်ရင်ကို ကြောက်စရာ။ နှစ်ထပ်အိမ်ကြီး။ ရေနံချေးတွေ ဝအောင် သုတ်ထားလို့ မည်းညို့နေတာ။ ပုံမှန်အိမ်တွေက လှေကားဆို တစ်ခုပဲ။ အဲ့အိမ်မှာ လှေကား ၂ ခုရှိတယ်။ တည့်တည့်ကြည့်ရင် အိမ် ၂ လုံး ပူးထားသလိုပဲ။ ညဆိုရင် အောက်ထပ်က ရှင်းလင်းပြီး လှေကား ၂ ခုပဲ မြင်ရတယ်။ အပေါ်ထပ်က အကာတွေနဲ့ သေချာ မမြင်ရဘူး။ အဲ့အိမ်မှာ အိမ်ငှားတွေ လာနေပြီး တစ်ရက်၊ နှစ်ရက်တဲ့ ပြောင်းပြေးသွားကြတာ။

ဆရာဝန်တစ်ယောက် ငှားပြီး ဆေးခန်းဖွင့်သေးတယ်။ ချက်ချင်း ထွက်ပြေးရတယ်။ မာမူမိသားစု လာနေသေးတယ်။ နောက်တော့ ပြောင်းပြေးရတာပဲ ။ အရင်တုန်းက ည ၁၀ နာရီကျော်လောက်ကြီးမှာ လောင်းကြေးစားကြေးနဲ့ အဲ့အိမ်ကြီး ဝန်းထရံကို သွားပြီး သေး ပြီးအောင် ပေါက်။ အိမ်ထဲကို ကြည့်။ ကြာကြာနေနိုင်တဲ့ကောင် အနိုင်ပဲ ဆိုပြီး လောင်းကြတာ။ ပါးစပ်ကလည်း အော်ရသေးတယ်။ “ဤအိမ်မှာ ရှိသမျှသော နာနာဘာဝ၊ ဝိနာဘာဝတို့ ဖိတ်ခေါ်ပါတယ်။ သင်တို့ ရှိတယ် ဆိုရင် ကိုယ်ထင်ပြပါ” စသဖြင့်။ အခု ပြန်ပြီး ပြောရင်းနဲ့ ကြက်သီးတွေတောင် ထလာတယ်။ လှေကားပေါ်ကနေ အမွှေးတွေ အရှည်ကြီးနဲ့ ခြေထောက်ရှည်ကြီး ၂ ချောင်း ဆင်းလာတာ။ ပြေးကြတာ တန်းနေတာပဲ။ အိမ်ပေါ် တက်လိုက် ဆင်းလိုက် လုပ်နေတာတွေ၊ အိမ်ပေါ်မှာ ပြေးလွှားနေတဲ့အသံ တဒုန်းဒုန်းနဲ့ ကြားနေရတာတွေ ဆုံရပ်ထဲက လူတွေ အသိပေါ့။

နေရာ (၅) ကျောက်တိုင်ကွင်းနောက်လမ်းကြားက သရဲဗိုလ်တဲကြီး

ကျောက်တိုင်ပန်းခြံ နောက်ဘက်က အရင်အင်္ဂလိပ်တွေခေတ်က မျက်နှာဖြူ ဗိုလ်တွေ နေခဲ့ကြလို့ ဗိုလ်တဲတွေ လို့ ခေါ်ကြတာ။ ရှေးဟောင်း တိုက်အိမ်အိုကြီး။ ဘယ်သူ့အိမ်တော့ မပြောတော့ဘူး။ နှစ်ထပ် အိမ်ကြီးထဲမှာ အခန်းတွေ ကလည်း အများကြီး။ လှေကားလက်ရမ်းမှာ ပန်းပွတ် ပွတ်ထားပြီး ကနုက်ကမာတွေနဲ့ ။ ညညဆိုရင် ခြံထဲမှာ လမ်းဆင်း လျှောက် တဲ့ သရဲ မိန်းမကြီးတစ်ယောက် ရှိတယ်။ ပုပုနဲ့ ဂါဝန်ရှည်ကြီး ဝတ်ထားတာ။ လမ်းပေါ်က ညနက်သန်းခေါင်း ဖြတ်သွားဖြတ်လာတွေက မြင်ကြတော့ အဲ့အရာရှိကြီးကို ပြန်ပြောပြ၊ ဘယ်သူမှ အဲ့အချိန် ခြံထဲ ဆင်းမလျှောက်ပါဘူး ပေါ့။ နောက်မှ ဘယ်ဟုတ်မလဲ သရဲမကြီး လမ်းဆင်းလျှောက်တာ။

အရာရှိကြီးက ခရစ်ယာန်ဆိုတော့ ဖာသာတွေနဲ့ ရွတ်ကြဖတ်ကြပေါ့။ အဲ့ဒီမှာ ကြမ်းတော့တာပဲ။ နောက်နေ့ အိမ်ရှေ့က ဖြတ်သွားတဲ့လူတွေကို လမ်းပေါ် အထိ တက်ခြောက်တယ်။ မကြောက်တဲ့ သူတွေက ခဲနဲ့ ပြန်ပစ်။ နောက်ကျတော့ ဒီအတိုင်းတော့ မရတော့ဘူး ဆိုပြီး ဘုန်းကြီးတွေ ပင့်၊ ကမ္မဝါတွေဖတ်၊ ပဌာန်းတွေရွတ်၊ သူ့ကို ရွှေရင်ကျော် ဆရာ တစ်ယောက်နဲ့ ပြန်နှင်လွှတ်ရတယ်။ နေစရာ ပေးလိုက်တာက ကင်းဘက် သွားတဲ့ လမ်းပေါ်က သစ်ပင်ကြီးတစ်ပင်။ (အဲ့တုန်းက လူတွေ၊ အဲ့နားက လူတွေ သိတယ်) ခုတော့ အဲ့သစ်ပင်မှာ သရဲမပုပုကြီး ရှိသေးလား မသိ။

နေရာ (၆) စသုံးလုံး ရုံးနဲ့ ဗိုလ်မ သရဲ

ဒီနေရာကတော့ အထက(၁) တက်ခဲ့တဲ့သူတွေ အတော်များများ သိကြလိမ့်မယ်။ အထက(၁) အရှေံဘက်က စသုံးလုံးရုံး၊ အဲ့ရှေ့မှာ တမာပင် အကြီးကြီး ရှိတယ်။ အဲ့ဒီသရဲကတော့ ဗိုလ်မ သရဲ။ နာမည်ကြီး၊ ကြမ်းကြမ်းရမ်းရမ်း။ ဒါပေမယ့် ဒီသရဲမက ဗိုလ်မပီပီ ဂါဝန်ရှည်အဖြူကြီးနဲ့ ။ စသုံးလုံးရုံး ဆိုတာက အရင်တုန်းက မျက်နှာဖြူ ဗိုလ်တွေနေတဲ့ အိမ်။ အဲ့ဒီအိမ်မှာ အင်္ဂလိပ်ခေတ်က ၃ လောင်းပြိုင် သေထားတာ လို့ လူကြီးသူမတွေ ပြောဖူးတယ်။

ဒီအမျိုးသမီးက ရုပ်ပျက်ဆင်းပျက် ခေါင်းတစ်ခြား ကိုယ်တစ်ခြား ခုတ်ထစ်ခံရပြီး အစိမ်းသေ သေခဲ့တာ။ ကျန်တဲ့ သေတဲ့သူတွေက သရဲ မဖြစ်ဘဲ သူတစ်ယောက်ပဲ ဗိုလ်မ သရဲ ဖြစ်နေတာ။ အိပ်နေတဲ့သူတွေကို ခြေထောက်တွေ ဆွဲတယ်။ တဒုန်းဒုန်း ခြေသံကြားအောင် လျှောက်တယ်။ ပစ္စည်းတွေ ဆွဲချတယ်။ နောက် ညပိုင်း စောင့်အိပ်ရဲတဲ့သူတောင် မရှိတော့ဘူး။ အဲ့အချိန် ရှေ့က တမာပင်ကြီးဘက် ကူးလာပြီး လမ်းသွားလမ်းလာတွေကို ခြောက်တယ်။ နာမည်ကြီး ဗိုလ်မ သရဲပေါ့။

နေရာ (၇) ဆေးရုံလမ်းကြားက ကုက္ကိုပင်နဲ့ ဆံရှည် သရဲမ

ဆေးရုံလမ်းကြားဆိုရင် မော်ကျူရီ ရင်ခွဲရုံ ရှိတယ်။ ပြောရရင် လူသေအလောင်းတွေ အဲ့မှာ ထားကြတာပေါ့။ ဒီသရဲမက ထူးဆန်းတယ်။ ညနေပိုင်း၊ ညပိုင်း မခြောက်ဘူး။ မနက် ၂ နာရီနဲ့ ၃ နာရီကြား အဲ့အချိန်မှ ခြောက်တာ။ ရင်ခွဲရုံက တစ်ယောက်ယောက်လို့ ပြောကြတာပဲ။ ဆံပင်အရှည်ကြီးတွေကို မျက်နှာပေါ်အုပ်ပြီး ရင်ခွဲရုံဘက်က ထွက်ထွက်လာတာ။ ဝတ်စုံက အဖြူမဟုတ်ဘူး။ ညိုညိုမည်းမည်းကြီး။

တစ်ခါတစ်လေ လမ်းပေါ် သွားတဲ့ စက်ဘီးတွေနောက် တက်လိုက်သေး။ စက်ဘီးတစ်ယောက်တည်း နင်းသွားရင် နောက်က အိကနဲ ဖြစ်သွားပြီး လမ်းငါးသွယ်လောက်ရောက်မှ စက်ဘီးက ပေါ့သွားတာမျိုး။ အဲ့လို လမ်းကြုံလိုက်စီးရင် လူမမြင်ရဘူး။ လေးပဲ လေးသွားတာ။ ကြက်သီးတွေ ထပြီးစိမ့်ကနဲ ဖြစ်သွားတဲ့ သူတွေ၊ ဘယ်သွားမှာလဲ ဆိုပြီး နားဝ ကပ်ပြီး မေးလာတာမျိုးတွေ။ ပုပ်အဲ့အဲ့ အနံ့ကြီးရတယ်။ ကြက်သီးထတယ်။ လှည့်ကြည့်လိုက်ရင် ဆံပင်ရှည်ကြီး မျက်နှာဖုံးတဲ့ ဆံရှည်သရဲမကို တွေ့လိမ့်မယ်။ (အခု အဲ့ ဆံရှည် သရဲမ ရှိသေးလား မသိ။ မနက် ၂ နာရီကျော်လောက် တစ်ယောက်တည်း သွားကြည့်ကြည့်ကြဦးနော်)

နေရာ (၈) အလယ်ချောင်း ထနောင်းပင်တန်းက သဘက်ကြီး

ဒါတော့ မြို့ထဲနဲ့ ဝေးသွားပြီ။ မြသလွန်ဘုရား မြောက်ဘက်၊ အခု အောင်ဘုံကျောင်းရဲ့ မြောက်ဘက် ပိုကျသေးတယ်။ ဆင်တောင်လို့ ခေါ်ကြတဲ့ဘက်။ အလယ်ချောင်းဘက်မှာ ထနောင်းပင်တောအုပ်ကြီး ရှိတယ်။ အဲ့တောအုပ်ကြီးမှာ သဘက်ကြီး ရှိတယ်။ ကြားဖူးတယ်မဟုတ်လား။ သရဲ သဘက်ဆိုတာ။ သဘက်ဆိုတာက နားရွက်တွေက အကြီးကြီးတွေ။ အဲ့တုန်းက အဲ့ဘက်ကဆို လှည်းလမ်း အကြမ်းပဲ ရှိတာ။ တောလမ်းလို့ ပြောရမှာပေါ့။ အဲ့ဘက်ကလူတွေ မြို့ပေါ်တက်လာ ရင် လှည်းနဲ့ လာကြရတာ။ ညဘက်ကနေ မနက် ဝေလီဝေလင်းအထိ။

လှည်းလမ်းပေါ်မှာ သဘက်ကြီး အိပ်နေတာ။ နားရွက်တစ်ဘက်ကို ခင်း၊ အဲ့ပေါ်လှဲအိပ်၊ နားရွက်တစ်ဘက်ကို ကိုယ်ပေါ်မှာ ခြုံပြီး နေတာ။ အမွေးတွေက ကြဲကြဲ၊ မည်းမည်း ညစ်ညစ်ကြီး။ မျက်နှာက ဝက်လိုလို၊ လင်းနို့လိုလို မျိုးပေါ့။ တစ်ခါတစ်လေ မီးလုံးတွေ ထနောင်းပင်ထဲ က ထွက်လာ၊ ထန်းပင်တွေ နဲ့ အနားမှာ ရှိတဲ့ အပင်တွေဆီ ကူး။ မီးစုံးတောက်တာမျိုးလည်း ရှိ။ အရင်က တစ်ကယ့် တောတန်းကြီး ဆိုတော့ နာနာဘာဝတွေ ကျက်စားကြတာပေါ့။ အခုတော့ နေရာ ရွှေ့ရင်လည်း ရွှေ့ကုန်ရောပေါ့။

နေရာ (၉) ဆုံမန်ကျည်းပင်ပေါ်က ခေါင်းပြတ်သရဲနဲ့ ခွေးတန်ရိုးဘက် မပြန်လမ်း

ဒီနှစ်ခုတော့ ပေါင်းပြီးပဲ ပြောလိုက်ပါမယ်။ မြို့ပြင်တွေ ဆိုတော့လေ။ ဆုံမန်ကျည်းပင်ဆိုတာက မြို့အထွက် တော်ငတွင်းလမ်းပေါ်မှာ။ ခွေးတန်ရိုး ဆိုတာက မြို့အထွက် ကန်ပြားလမ်းပေါ်မှာ။ နှစ်ခုစလုံးက ကားသမားတွေ၊ မြင်းလှည်းသမားတွေကို ခြောက်ကြတာ။ ကားတွေကို တားတယ်၊ မိန်းကလေးမှတ်လို့ တင်ခေါ် ပြီးတော့မှာ ခေါင်းပြတ်ကြီး ဖြစ်နေတာ။ ကားကို မတားဘဲ သူ့ဘာသာ လိုက်တက်လာတာမျိုး လှည့်ကြည့်မှ ဘေးနားရောက်လာ တာတွေ၊ အဲ့တုန်းက မြင်းလှည်းသမားတွေ ပိုကြုံရတယ်။

အဲ့ခေတ်က မြင်းလှည်း ခေတ်လေ။ ခွေးတန်ရိုးဘက်ကတော့ ပွဲကြိုထဲက လူတစ်ယောက်၊ မနက်ပိုင်း လမ်းလျှောက်ဆိုပြီး အရှေ့ဘက် တက်သွားတာ။ ခွေးတန်ရိုးဘက်မှ သရဲမနဲ့ တွေ့လို့။ (တစ်ချို့ကလည်း ဥစ္စာစောင့်မ လို့ ပြောကြပြန်ရော) သိုက်ကို ခေါ်သွားတာ ပဟေဠိဆန်ဆန် ပျောက်ဆုံးသွားခဲ့တာ အဲ့တုန်းက နာမည်ကြီးပေါ့။ သူ ပျောက်သွားတဲ့ နေရာ ရောက်ရင် စိမ်းရွှေရွှေ၊ ပုပ်အဲ့အဲ့ အနံ့ကြီး နံတယ်။သက်ပြင်းချသံ အကျယ်ကြီး ကြားရတယ်။ တစ်ခါတစ်လေ ခေါင်းပြတ်ကြီး မြင်ရတယ်။ တစ်ခါတစ်လေကျတော့ လူတစ်ယောက် ကိုယ့်နောက်က လမ်းလျှောက်ပြီး လိုက်လာသလိုမျိုး ခံစားရတယ်။ (မယုံရင် သွားစမ်းကြည့်ကြဦး)

မြို့ဟောင်း မြစ်ကမ်းပါးက သဖန်းပင်ကြီး တစ်ပင်ရယ်၊ အခု တောင်တွင်းလမ်းပေါ်က အိမ်တစ်အိမ်ရယ်၊ ကန်သာ ကန်ကြီး ဘေးနားက သစ်သားအိမ် တစ်အိမ်ရယ်၊ ကောလိပ်နားက အဆောင်တစ်ဆောင်ရယ်၊ အဲ့ဒါတွေကတော့ အစိမ်းသေ သေပြီး သရဲ ခြောက်တယ် ဆိုပြီး နာမည်ကြီးကြသေးတယ်။ အဲ့ဒီ သရဲအကြောင်း အသေးစိတ် မသိတော့ ဒီထဲမှာ အကျယ် မရေးတော့ပါဘူး။ (သိတဲ့လူတွေ ကွန်မန့်မှာ ရေးပေါးကြပါဦး၊ သရဲ မှတ်တမ်းစာအုပ်ပေါ့)

ဈေးနား အိုးဘိုထဲက အိမ်တစ်အိမ်၊ ဗိုလ်ချုပ်လမ်းက အိမ်တစ်အိမ်၊ ဆားစည့်ထဲက အိမ်တစ်အိမ်၊ ပွဲကြိုထဲက အိမ်တစ်အိမ် ပုဏ္ဏက တိုက်လို့ ဘယ်သူမှမရှိဘဲ ပစ္စည်းတွေ လေထဲဝဲပျံနေတာ သွားကြည့်ဘူးတယ်။ ရွာသစ်ထဲက အိမ်တစ်အိမ် ဆွဲကြိုးချပြီး အစိမ်းသေသေပြီး သရဲခြောက်တယ်လို့ သတင်းတွေ ထွက်ခဲ့ဘူးတယ်။ ပွဲကြိုထဲက တစ်အိမ်၊ ပြည်တော်သာ ထဲက တစ်အိမ် အစိမ်းသေသေလို့ သရဲခြောက်တယ် နာမည်ကြီးလို့ ဘော်ဒါတွေနဲ့ သရဲသွားခေါ်ဘူးတယ်။ ည ၁၂ နာရီ၊ သန်းခေါင်အချိန်၊ လမ်းလေးခွ ဆုံတဲ့နေရာမှာ ခုံတစ်လုံး၊ အမဲသားတစ်တွဲနဲ့ သရဲခေါ်မေးဘူးတယ်။

အဲ့တုန်းက ကောင်မလေးတွေ စုပြီး ဖျာလိပ်နတ် မေးကြသလို ကောင်လေးတွေ စုပြီး သရဲခေါ်မေးကြတဲ့ ခေတ်။ ဖျာလိပ်နတ်က ယောင်္ကျားလေး ချောင်းကြည့်ရင် မဝင်ဘူး ပြောတာရယ်၊ ဖျာလိပ်ကို သနပ်ခါးလိမ်း၊ နှုတ်ခမ်းနီဆိုးပေးတဲ့ အထိ အရူးထတဲ့ ကောင်မလေးတွေရယ်။ ပြောရရင်တော့ ဒီည ပြောလို့ ကုန်မှာ မဟုတ်သေးဘူး။

ဘုရားသုံးဆူ အလယ်ဘုရားနဲ့ ပန်းရစ်တောင်ပေါ်က ဥစ္စာစောင့်တွေအကြောင်း၊ ရပ်ကွက်အတော်များများက သရဲပူးတဲ့အကြောင်း အဲ့ဒါတွေ ရှိပါသေးတယ်။ အခုတော့ သရဲအကြောင်း Only ပဲ ဆိုတော့ အဲ့ဒါတွေ မပြောတော့ပါဘူး။ (နောက်တော့မှပဲ ဝေမျှပေးပါဦးမယ်)

ကဲ အပေါ်က ပြောတဲ့ နေရာတွေက အရင်တုန်းက နေရာတွေနော်။ ခုခေတ် မရှိလောက်တော့ပါဘူး ။ အိမ်နံပတ်တွေ မထည့်တာလည်း အဲ့ဒါကြောင့်ပါ။ အခုတော့ မရှိတော့ဘူးလို့ ထင်ပါတယ်နော်။ အခုခေတ် မကွေးမြို့မှာ ဘယ်နေရာတွေ သရဲ ခြောက်တယ် လို့ နာမည်ကြီးနေကြသလဲ။ ကွန်မန့်ထဲမှာ ပြောသွားပေးကြပါဦး။ သရဲ ခြောက်တဲ့နေရာတွေ မှတ်တမ်းတင်ပြီး သွားကြည့်ရအောင်လို့။

အမှတ်တရ ရင်ထဲကမကွေး