နေပြ ည်တော်၊ မတ်လ (၃၁)

တ ပ်မတော်အရာရှိ ၂၉ ဦး အပါအဝင် စစ်သည်နှင့်မိသားစုဝင်စုစုပေါင်း ၆၇ ဦးကို ကိုရိုနာဗိုင်းရပ်စ် Covid-19 သံသယဖြင့် ကန့်သတ်စောင့်ကြည့်ထားကြောင်း တပ်မတော်ကာကွယ်ရေးဦးစီးချုပ်ရုံးမှ သိရသည်။

မတ် ၃၀ ရက်နေ့အထိ Hospital Quarantine စောင့်ကြည့်သူ စစ်သည် ၆ ဦး၊ မိသားစုဝင် ၁၈ ဦး၊ စုစုပေါင်း ၂၄ ဦးရှိကြောင်း ၊ Home or Facility Quarantine စောင့်ကြည့်သူ အရာရှိ ၂၉ ဦး၊ စစ်သည် ၁၁ ဦး၊ မှီခို ၃ ဦး၊ စုစုပေါင်း ၄၃ ဦး ရှိကြောင်း တပ်မတော်ကာကွယ်ရေးဦးစီးချုပ်ရုံးက ထုတ်ပြန်ထားသည်။

၎င်းကန့်သတ်စောင့်ကြည့်ထားသူများထဲတွင် ပြည်ပမှပြန်လည်ရောက်ရှိလာသူများပါဝင်ပြီး ပြည်ပမှ ပြန်လည်ရောက်ရှိလာသူများနှင့် တွေ့ဆုံမှုရှိကြသူများလည်းပါဝင်ကြောင်း၊ ယင်းကြောင့် ၎င်းတို့ကို သံသယဖြင့် ကန့်သတ်စောင့်ကြည့် ထားခြင်းဖြစ်ကြောင်း တပ်ချုပ်ရုံးထုတ်ပြန်ချက်အရ သိရသည်။

ယနေ့အထိ တပ်မတော်အတွင်း COVID-19 ရောဂါကူးစက်ခံရသူ၊ ရောဂါပိုးတွေ့ရှိသူ မရှိသေးကြောင်း မတ် ၃၀ ရက်နေ့ ညတွင် တပ်မတော်ကာကွယ်ရေးဦးစီးချုပ်ရုံးက ထုတ်ပြန်ထားသည်။

COVID-19 နှင့်ပတ်သက်၍ မတ် ၃၀ ရက်နေ့မနက်ပိုင်းက တပ်မတော်ကာကွယ်ရေးဦးစီးချုပ် ဦးဆောင်ကာ အစည်းအဝေးပြုလုပ်ခဲ့ကြောင်း ၊ အစည်းအဝေးတွင် တပ်မတော်ကာကွယ်ရေးဦးစီးချုပ်က ရန်ကုန်မြို့ရှိ စစ်ကြောရေးနှင့်တည်းခိုရေးစခန်းတွင် သီးသန့်စောင့်ကြပ်ကြည့်ရှုရမည့်သူ၊ ကုသရ မည့်သူများအတွက် ခုတင်(၂၀၀၀)ထားရှိနိုင်ရေး၊ နေပြည်တော်ရှိ စစ်ကြောရေးနှင့် တည်းခိုရေးစခန်းတွင် ခုတင်(၁၅၀၀၀)ထားရှိနိုင်ရေး ဆောင်ရွက်ထားရန်၊ ထို့အပြင် တပ်မတော်အတွင်းရှိ တပ်၊ ဋ္ဌာနအဆောက်အဦများတွင် လူနာများလက်ခံ ကုသပေးနိုင်မည့် နေရာများအား ထပ်မံတိုးချဲ့စီစဉ်ထားရန် ဆွေးနွေးမှာကြားခဲ့ကြောင်း သိရသည်။

ထို့ပြင် မုတ္တမ ရေယာဉ်များအား ဆေးရုံအဖြစ် အသုံးပြုနိုင်ရေး ပြင်ဆင်ဆောင်ရွက်ထားရန်လည်း ဆွေးနွေးမှာကြားခဲ့သည်ဟု သိရသည်။

သတင်းတမန်