ကိုရို နာဗိုင်းရပ်စ် ဖြစ်ပွါးနေသည့် နိုင်ငံများမှ ပြန်လာသူများ သတင်းမပို့လျှင် ထောင် (၆) လအထိ ချမှတ်နိုင်ကြောင်း ပြဋ္ဌာန်းထားကိုရိုနာ ဗိုင်းရပ်စ် (COVID-19) ကူးစက်ပျံ့နှံ့နေသည့် နိုင်ငံများမှ ပြန်လာသည့်သူများကို သံသယရှိပါက သက်ဆိုင်ရာ ကျန်းမာရေးဌာနသို့ သတင်းပို့ အကြောင်းကြားရန်နှင့် ပျက်ကွက်ပါက အရေးယူခံရနိုင်ကြောင်း ကျန်းမာရေးနှင့် အားကစား ဝန်ကြီးဌာန၊ ကူးစက်ရောဂါ တိုက်ဖျက်ရေး ဌာနခွဲမှ ဒု ညွှန်မှူး ဒေါက်တာ ခင်ခင်ကြီးက ပြောသည်။လက်ရှိ ကိုရိုနာဗိုင်းရပ်စ်မှာ တရုတ်နိုင်ငံတွင် သာမက ကမ္ဘာ့နိုင်ငံများတွင်ပါ ကူးစက်ဖြစ်ပွားနေသည့်အတွက် နိုင်ငံခြားမှ ပြန်လာသူများအားလုံး ရောဂါ ဖြစ်နေသည်ဟု မဆိုနိုင်သော်လည်း၊ ကိုရိုနာဗိုင်းရပ်စ် သံသယရှိသူများ၊ ဖြစ်ပွားသည့် နိုင်ငံများမှ ပြန်လာသူများကို အသွားအလာ တားမြစ် ပိတ်ပင်သော ကန့်သတ်ချက်မျိုး ပြုလုပ်နိုင်ရန်အတွက်ဟု ၎င်းက ဆိုသည်။

ဒေါ က်တာ ခင်ခင်ကြီး က “ လိုက်ပြီး စုံစမ်း ထောက်လှမ်းနေရမယ် မျိုးတော့ မဟုတ်ပါဘူး။ အခုဆို စက်ရုံ အလုပ်ရုံတွေ ရှိမယ်။ တရုတ်နိုင်ငံသားတွေလည်း ရှိမယ်ပေါ့။ အဲဒီမှာ သံသယလူနာမျိုး ရှိလာရင် မလွတ်သွားအောင်လို့ ရောဂါရှိတဲ့သူကို စောစောစီးစီး ရှာဖွေချင်တဲ့အတွက် တင်းတင်း ကျပ်ကျပ် ကိုင်တွယ်ရတာ ဖြစ်ပါတယ် ” ဟု ဆိုသည်။

ထိုသို့ နိုင်ငံများမှ ပြန်လာသူများ အနေဖြင့် ဖျားနာခြင်း၊ နှာစေး၊ ချောင်းဆိုးခြင်းများ ဖြစ်ပွားသည်ကို တွေ့ရှိပါက အနီးစပ်ဆုံး ကျန်းမာရေး ဦးစီးဌာနသို့ သတင်းပို့ အကြောင်းကြားရန် သတ်မှတ်လိုက်ကာ၊ ထိုသူများကို နေအိမ်များတွင် သီးသန့်ခွဲ ၍ နေထိုင်စေခြင်း၊ ဆေးရုံများတွင် သီးခြား ခွဲခြား စောင့်ကြည့် ခြင်းများ ပြုလုပ်လာနိုင်ပြီး ယခုလို ပြုလုပ်ခြင်းများကို ဖောက် ဖျက်လျှင် ဥပဒေနှင့် အမိန့်များအရ အရေးယူမှုများပါ ရှိလာနိုင်မည် ဖြစ်ကြောင်း ၎င်းက ဆက်လက် ပြောသည်