ကို ရိုနာဗိုင်းရပ်စ်ကြောင့် က.ည.န ရုံးများတွင် ယာဉ်မောင်းလိုင်စင်ဖြေဆိုခြင်းအား မတ်လ ၂၃ ရက်မှ စတင်ကာ ယာယီရပ်နား သွားမည်ဖြစ်ကြောင်း ကုန်းလမ်းပို့ဆောင်ရေးညွှန်ကြားမှု ဦးစီးဌာနထံမှ သိရသည်။

လူစုလူဝေး နည်းပါးရန်အတွက် က.ည.န တွင် ယာဉ်မောင်းလိုင်စင် ဖြေဆိုသည့် ဦးရေအား လျှော့ချဆောင်ရွက်ရန် လျာထား သော်လည်း ဝန်ကြီးရုံး၏ ဆုံးဖြတ်ချက်အရ တစ်နိုင်ငံလုံးရှိ က.ည.န များတွင် ဖွင့်သည့် ယာဉ်မောင်လိုင်စင် လိုင်စင်ဖြေဆိုခြင်း နှင့် ယာဉ်စည်းကမ်း၊ လမ်းစည်းကမ်း အသိပညာပေး သင်တန်းများအား ရပ်နားရန် ညွန်ကြားလာခြင်းကြောင့် ယာယီ ရပ်ဆိုင်း သွား မည်ဖြစ်ကြောင်း သိရသည်။

“ ဒီလုပ်ငန်းတွေက လူစုလူဝေးနဲ့ ဆောင်ရွက်ရတာဆိုတော့ ကူးစက်ခံရမယ်ဆိုလို့ တစ်နိုင်ငံလုံးက က.ည.န တွေမှာ ပိတ်လိုက် တာပါ။ ရန်ကုန်မှာ ပထမက လူဦးရေလျှော့ချဖို့ လုပ်ထားတာ။ ညွှန်ကြားစာက ထွက်လာတာကြောင့် ရွှေ့ဆိုင်းလိုက်ရတာပါ။ ရောဂါကြီး ကင်းစင်သွားမှ ပြန်လုပ်ပေးမယ်”ဟု ကုန်းလမ်းပို့ဆောင်ရေးညွှန်ကြားမှုဦးစီးဌာန(မြင်သာ) ရန်ကုန်တိုင်းဦးစီးမှူး ဦး သိန်းထွဋ်က ပြောသည်။

သို့သော် ယာဉ်မောင်းလိုင်စင် သက်တမ်းတိုးခြင်း၊ ယာဉ်သက်တမ်းတိုးလာရောက် ဆောင်ရွက်နေသောသူများကို ဆက်လက် ဆောင်ရွက်ပေးသွားမည်ဖြစ်ကြောင်း သိရသည်။

ယာဉ်မောင်းလိုင်စင် စာတွေ့ ဖြေဆိုခြင်းအား မြင်သာ(က.ည.န)ရုံး တွင်ဖြေဆိုရပြီး အောင်မြင်ပါက ရွာသာကြီး(က.ည.န)ရုံးတွင် လက်တွေ့မောင်းနှင်မှုကို ဖြေဆိုရမည်ဖြစ်သည်။