ရှ မ်းပြည်နယ်မြောက်ပိုင်း၊ကွတ်ခိုင်မြို့နယ်၊ဒွန်လုံးကျေးရွာတွင် လူသုံးဦး ရုတ်တရက်လဲကျသေဆုံးသွားသည့် သတင်းနှင့် ပတ်သက်ပြီး တပ်မတော်အပါအဝင် ကျန်းမာရေးဝန်ထမ်းများ၊ အထွေထွေ အုပ်ချုပ်ရေးဦးစီးဌာနမှ တာဝန်ရှိသူ များနှင့် လူမှုကူညီရေးအသင်းတို့မှ အဆိုပါကျေးရွာသို့ သွားရောက်စစ်ဆေးနေကြောင်း ရှမ်းပြည်နယ် မြောက် ပိုင်း၊ပြည်နယ်ကျန်းမာရေးဦးစီးဌာန သိရသည်။

မတ်လ ၂၀ရက် နံနက်ပိုင်းက ဒွန်လုံးကျေးရွာတွင် လူသုံးဦး ရုတ်တရက်လဲကျသေဆုံးခဲ့ကြောင်း အနီးအနား ရွာမှ အကြောင်းကြားသည့်အတွက် သက်ဆိုင်ရာတာဝန်ရှိသူများက ညတွင်းချင်း သွားရောက်စစ်ဆေးနေ ခြင်းဖြစ်ကြောင်း သိရသည်။

“ ကျန်းမာရေးကအဖွဲ့တွေရော၊ တပ်မတော်ကအဖွဲ့တွေရော၊ ထွေအုပ်အဖွဲ့တွေရော မနေ့ကတည်းက သွား တာ။အဲဒီဖြစ်တယ်ဆိုတဲ့ရွာကိုတောင် မရောက်သေးပါဘူး။ ရွာကအဝေးကြီးသွားရမှာ။ မုံးဆင်း၊မာန်တပ် ကနေ လမ်းလျှောက်ပြီးတော့ သွားရမှာ။ ငါးနာရီလမ်းလျှောက်ရမှာဆိုတော့ ညနေလောက်မှပဲ အဲဒီရွာကို ရောက် မယ်။ ဖုန်းလည်းဆက်လို့မရဘူးဆိုတော့ အခြေအနေအမှန်ကို မသိရသေးဘူး။” ဟု ရှမ်းပြည်နယ်မြောက်ပိုင်း ပြည်နယ်ကျန်းမာရေးဦးစီးဌာနမှူး ဒေါက်တာတင်မောင်ညွှန့်က သို့ပြောသည်။