ကျိုက် ထီးရိုး ဘုရားဖူးမြှော်ခွင့်ကို ပိတ်ပင်လိုက်ပါက နောက်ဆက်တွဲ ပြဿနာများ ကြီးထွားလာနိုင်သောကြောင့် ပိတ်ပင်မည်မ ဟုတ်ဘဲ ကျန်းမာရေးစစ်ဆေးမှုများ ပြုလုပ်ကာ ဆက်လက်ခွင့်ပြုသွားမည်ဖြစ်ကြောင်း ကျိုက်ထီးရိုးစေတီတော် ဂေါပကအဖွဲ့မှ အဖွဲ့ဝင် ဦးစိုးလှိုင်က ပြောသည်။

မတ်လ ၁၆ ရက်က ဘုရားဖူးများ များပြားလွန်းသည့်အတွက် တိုးဝှေ့နေသည့် ပုံများ ပျံ့နှံ့လာသည့်အပေါ် အကုန်သိ သတင်း ဌာနမှ ဆက်သွယ်မေးမြန်းစဉ် ၎င်းက ပြန်လည် ဖြေကြားခဲ့ခြင်း ဖြစ်သည်။

“မတ်လ ၁၅ ရက်က သြ၀ါဒ ဆရာတော်ကြီးတွေရော၊ ပြည်နယ်အစိုးရအဖွဲ့က ၀န်ကြီးချုပ်လည်းပါတယ်။ အစည်းအဝေးလုပ် ကြ တယ်။ သေသေချာချာ ဆွေးနွေးလိုက်တော့ ပိတ်ပစ်ဖို့က အခက်အခဲ တော်တော်ရှိတယ်။ နောက်ဆက်တွဲ အကျိုးဆက်တွေ ပြ ဿနာတွေက ကြီးမားတယ်။ ဗုဒ္ဓဘာသာဖြစ်ပြီး ဘုရားမဖူးရဘူးလားဆိုပြီး ဖြစ်ကုန်မယ်။ နောက်ပြီး ရွှေတိဂုံတို့၊ ရွှေမော်ဓောတို့ ၊မဟာမြတ်မုနိတို့ ဘုရားကြီးတွေလည်း ဒီလိုပဲ ဘုရားဖူးဆက်ထားတယ်ဆိုတော့ ကျိုက်ထီးရိုးစေတီတော်လည်း မပိတ်ဖို့ ဆုံး ဖြတ်လိုက်တယ်။ ဒါပေမဲ့ တောင်ပေါ်မတက်ခင် ကားဂိတ်မှာ ကိုယ်အပူချိန်တိုင်းမယ်။ လက်ဆေးမယ်။ ဒါတွေ မလုပ်ရင်တော့ ပေးမတက်ဘူး။ အဲဒီအစီအစဉ်က မတ်လ ၁၆ ရက်က စတယ်” ဟု ၄င်းကပြောသည်။

မွန်ပြည်နယ် ကျိူက်ထိုမြိုတွင် တည်ရှိသော ကျိုက်ထီးရိုးစေတီတော်သို့ နေ့စဉ် ဘုရားဖူး လူဦးရေ နှစ်ထောင်မှ ငါးထောင်ကြားရှိ ကြောင်း သိရသည်။

“အခုက ကျန်းမာရေးအရ တစ်ခုခုဖြစ်တာ မရှိသေးဘူးလေ။ နောက်ပြီး မြန်မာနိုင်ငံမှာလည်းဖြစ်တဲ့သူ မရှိသေးဘူး။ အဲဒီတော့ ကျန်းမာရေးအရ တစ်ခုခုဖြစ်ရင်တော့ ပိတ်မှာပါ”ဟု ဘုရားဂေါပကမှ ဦးစိုးလှိုင်က ပြောသည်။

လတ်တလောတွင် လူစုလူဝေးဖြစ်စေနိုင်သည့် ပွဲလမ်းသဘင်နှင့် အခမ်းအနားများကို လျှော့ချရ နိုင်ငံတော်အစိုးရက လမ်းညွှန် ထားပြီး ပြီးခဲ့သည့် မတ်လ ၁၃ ရက်တွင်လည်း မကွေးတိုင်းဒေသကြီး မင်းဘူး(စကု)မြို့နယ်အတွင်းမှ မန်းရွှေစက်တော် ဘုရားပွဲ တော်ကို ပိတ်သိမ်းရန် တိုင်းဒေသကြီးအစိုးရအဖွဲ့က အမိန့်ထုတ်ပြန်ခဲ့ပြီး လက်ရှိတွင် ဘုရားပွဲအတွင်းရှိ တည်းခိုဆောင်များ၊ ဈေး ဆိုင်းခန်းများကို ဖျက်သိမ်းနေကြပြီဖြစ်သည်။

“ဘုရားကိစ္စက မွန်ပြည်နယ်အစိုးရ အဖွဲ့နဲ့ ဂေါပကနဲ့ သြ၀ါဒ ဆရာတော်ကြီးဆီ လျှောက်တင်တယ်လို့တော့ သိရတယ်။ ကျွန် တော့် အမြင်ကတော့ ဘုရားပေါ်တက်တဲ့ လူဦးရေနဲ့ ကျန်းမာရေးအရ ထိန်းထားနိုင်တယ်ဆိုရင်တော့ ကောင်းပါတယ်” ဟု ကျိုက်ထိုမြို့နယ် ပြည်သူ့လွှတ်တော် ကိုယ်စားလှယ် ဒေါက်တာခင်ဆောင်က ပြောသည်။

အကုန်သိ