ဖား ကန့် -မတ်-၈-၂၀၂၀

ဇော် မိုးထက် (VOM )

ရွှေလီမြို့ကပြန်လာတဲ့ အမျိုးသမီးလူနာတဦးကို ဖားကန့်မြို့ ပြည်သူ့ဆေးရုံကြီးမှာ စောင့်ကြည့်လူနာအဖြစ်ကုသပေးဖို့ ပြင်ဆင်နေချိန် လူနာအမျိုးသမီးဟာ မတ်လ ၇ ရက်မနေ့ညနေပိုင်းက ထွက်ပြေးသွားခဲ့ပါတယ်။

လူနာမှာ ကိုရိုနာ ဗိုင်းရပ်စ် လက္ခဏာမတွေ့ရပေမယ့် စောင့်ကြည့်လူနာအဖြစ် ထားရှိရန် ပြင်ဆင်နေတုန်း လူနာဟာ ထွက်ပြေးသွားခဲ့တယ်လို့ ဖားကန့်မြို့နယ် အထွေထွေအုပ်ချုပ်ရေးမှူး ဦးဥာဏ်လင်းအောင်က ပြောပါတယ် ။

” ဆေးရုံမှာ ဆရာဝန်ကြီးက အားလုံးစစ်ဆေးပြီးပြီ ။ဘာရောဂါလက္ခဏာမှ မရှိဘူး ။ ဒါပေမယ့် ရွှေလီက ပြန်လာတဲ့သူဆိုတော့ စောင့်တော့ကြည့်ရမယ်ဆိုပြီး သီးသန့်ခန်း ပြင်ဆင်နေချိန်မှာ ထွက်ပြေးသွားတယ် လို့ ပြောတာပဲဗျ ” လို့ဆိုပါတယ်။

ထွက်ပြေးသွားသူဟာ ဖားကန့်မြို့နယ် လုံးခင်းကျေးရွာအုပ်စု အပိုင်း(၃)မှာ နေတဲ့ အသက် (၂၅) နှစ်အရွယ် အမျိုးသမီး ဖြစ်တယ်လို့ အထွေထွေအုပ်ချုပ်ရေးရုံးရဲ့ မှတ်တမ်းများအရ သိရပါတယ်။ အဲဒီအမျိုးသမီးဟာ တရုတ်နိုင်ငံရွှေလီမြို့ကနေ ဖားကန့်ကို ပြန်လည်ရောက်ရှိလာတာ ဖြစ်ပြီ

း မတ်လ ၇ရက်နေ့က ညာဘက်နံရိုးအောက်နာတာကြောင့် ဖားကန့်မြို့ မရှီကထောင်ရပ်ကွက်မှာ ရှိတဲ့ မြဝတ်ရည် ပုဂ္ဂလိက ဆေးရုံမှာ သွားရောက်ကုသခဲ့တယ်လို့ ဆိုပါတယ် ။မြဝတ်ရည်ဆေးရံကနေ ဖားကန့်မြို့ ပြည်သူ့ဆေးရုံကြီးကို လွှဲပြောင်းပေးခဲ့တယ် လို့ ဖားကန့်မြို့ ထွေအုပ်ရုံး က ဆိုပါတယ် ။

ဖားကန့်မြို့ ပြည်သူ့ဆေးရုံတာဝန်ရှိသူတွေက စစ်ဆေးတာမှာ ကိုရိုနာဗိုင်းရပ်နှင့်ဆက်စပ်သော ရောဂါလက္ခဏာ မတွေ့ရှိရဘူးလို့ ဖားကန့်မြို့နယ် အထွေထွေအုပ်ချုပ်ရေးရုံးကို အကြောင်းကြားခဲ့တယ်လို့လည်း ထွေအုပ်ရုံးက ဆိုပါတယ် ။

ထွက်ပြေးသွားတဲ့ အမျိုးသမီးကိုတွေ့ရှိဖို့ ဖားကန့်မြို့နယ်အတွင်းက သက်ဆိုင်ရာဌာနတွေနဲ့ အုပ်ချုပ်ရေးအဖွဲ့တွေကို အကြောင်းကြားထားတယ်လို့ဆိုသလို လူမှုကွန်ယက် ဖေ့ဘုတ်ပေါ်မှာ ပျံ့နှံ့နေတဲ့ “ ဖားကန့်မှာ ကိုရိုနာဗိုင်းရပ်စ် ရောက်ရှိနေပြီ” ဆိုတဲ့ သတင်းတွေ မဟုတ်မမှန်ရေးသားဖြန့်ဝေနေတာတဲ့ ၊ကောလဟလတွေကို အယုံကြည်မလွယ်ကြဘို့ကိုလည်း အုပ်ချုပ်ရေးမှူး ဦးဥာဏ်လင်းအောင်က ဆိုပါတယ် ။

ဒီလိုအလားတူ ဖြစ်စဉ်မျိုး ဖေဖေါ်ဝါရီလက မိတ္ထိလာမြို့နယ်ဆေးရုံမှာ တရုတ်နိုင်ငံကပြန်လာတဲ့ လူနာအမျိုးသားထွက်ပြေးတဲ့ ဖြစ်ရပ်ပေါ်ပေါက်ခဲ့ပါသေးတယ်။

voiceofmyanmar

Photo-ကွန်းဖောင်ဒေရှင်း