လူ တစ်ယောက်နဲ့တစ်ယောက်လက်ထပ်ပြီး ဘဝတစ်ခုထူထောင်ကြတယ်ဆိုတာကောင်းပါတယ်။ ဒါပေမယ့် ကိုယ်လက်ထပ်မယ့်သူကို သေချာရွေးချယ်သင့်ပါတယ်။ ဒါကြောင့် ကိုယ့်ကိုယ်ကိုယ်ရော သူ့ကိုပါ မေးသင့်တဲ့ မေးခွန်း ၈ ခုကို Trend ပရိသတ်ကြီးအတွက် ဝေမျှပေးလိုက်ပါတယ်။ သာယာပျော်ရွှင်တဲ့ အိမ်ထောင်ရေးကို ပိုင်ဆိုင်နိုင်ကြပါစေ။

၁။ ဘာ လို့ ချစ်တာလဲ

မေးသင့်မေးထိုက်တဲ့မေးခွန်းတစ်ခုဖြစ်သလို ချစ်သူကိုရော ကိုယ့်ကိုကိုယ်ပါမေးသင့်ပါတယ်။ ဘာလို့သူ့ကိုချစ်တာလဲ။

၂။ ကလေးယူမှာလား

အိမ်ထောင်တစ်ခုမှာ ကလေးရှိခြင်း၊ မရှိခြင်းက အပြောင်းအလဲတွေ အများကြီး ဖြစ်စေပါတယ်။ ဒါ့ကြောင့် ကလေးယူဖို့ အစီအစဉ်နဲ့ပတ်သက်ပြီး ဘယ်အချိန်ယူမယ်၊ ဘယ်နှစ်ယောက်ယူမယ် စသဖြင့် ကြိုတင်ဆွေးနွေးထားသင့်ပါတယ်။

၃။ နှစ်ဖက်မိသားစုအသိုက်အဝန်းတွေကို အပြန်အလှန် လက်ခံနိုင်ပြီလား

နှစ်ဖက်မိသားစုရဲ့လက်ခံနိုင်မှုနဲ့ ချစ်ခင်မှုက အိမ်ထောင်တစ်ခု ခိုင်မြဲဖို့အတွက် အရေးကြီးပါတယ်။ တဖက်မိသားစုနဲ့ပတ်သက်ပြီး ပြဿနာတစ်ခုခု ရှိနေတယ်ဆိုရင်လည်း ဖြေရှင်းပြီး လက်ခံပေးနိုင်ဖို့ ကြိုးစားရမှာဖြစ်ပါတယ်။

၎။ ဝင်ငွေကို ဘယ်လိုစုမလဲ၊ ဘယ်လို သုံးမလဲ

ငွေရေးကြေးရေးကိစ္စနဲ့ပတ်သက်လာရင် အရမ်းချစ်ပါတယ်ဆိုတဲ့ စုံတွဲတွေမှာတောင် အချစ်လျော့သွားတတ်ပါတယ်။ ဒါ့ကြောင့် လက်မထပ်ခင်ကတည်းက ရှေ့လျှောက်ငွေကြေးကိစ္စတွေနဲ့ ပတ်သက်ပြီး ဘယ်လိုကိုင်တွယ်မလဲဆိုတာကို မေးမြန်းဆွေးနွေးထားပါ။

၅။ အခြေအနေကြောင့် တစ်နေရာစီ ခွဲနေနိုင်ရဲ့လား

တစ်ယောက် တစ်နေရာစီ ခွဲနေရမယ်ဆိုရင် အပြန်အလှန် ကူညီ အားပေးဖို့ လိုအပ်ပါတယ်။

၆။ နှစ်ဦးသားအတွင်းရေးကို ပွင့်ပွင့်လင်းလင်း ဆွေးနွေးမှာလား

ပွင့်ပွင့်လင်းလင်း တိုင်ပင်ဆွေးနွေးပါမှ နားလည်မှုလွဲမယ့် အကြောင်းအရာတွေ မဖြစ်စေမှာပါ။

၇။ မိတ်ဆွေ၊ အပေါင်းအသင်း၊ အလုပ်အကိုင်တွေကို လက်ခံနိုင်ပြီလား

အလုပ်အကိုင်နဲ့ မိတ်ဆွေအပေါင်းအသင်းဆိုတာ ဘဝရဲ့အရေးကြီးတဲ့အစိတ်အပိုင်းတစ်ခုဖြစ်တဲ့အတွက် လစ်လျူရှုထားလို့ မဖြစ်ပါဘူး။

၈။ အတ္တတွေထက် နားလည်မှုနဲ့ ဘဝကို တည်ဆောက်နိုင်ပြီလား

အချစ်ထက် နားလည်မှုနဲ့ တည်ဆောင်ထားတဲ့ အိမ်ထောင်ရေးက တစ်သက်တာ ခိုင်မြဲစေပါတယ်။