ထို င်းနိုင်ငံမှာ လူသတ်မှုကျူးလွန်ပြီး ထွက်ပြေးတိမ်းရှောင်လာတဲ့ တရုတ်နိုင်ငံသား ၄ ဦးအနက် ၂ ဦးကို ငွေဆောင်ကမ်းခြေမှာ မတ်လ ၂ ရက် ညပိုင်းက ငွေဆောင်ကမ်းခြေမှာ ဖမ်းမိခဲ့တယ်လို့ မြို့အုပ်ချုပ်ရေးမှူးက ဒီဗွီဘီကိုပြောပါတယ်။ “သူတို့ နှစ်ယောက်ကို ကမ်းခြေမှာတွေ့တယ်လို့ ဒေသခံတွေက သတင်းပေးတယ်။ အဲ့တာနဲ့ ကျနော်တို့လည်း သူတို့တည်းခိုတဲ့နေရာကိုစုံစမ်းပြီး လိုက်ရှာတယ်။ သူတို့က ထိုင်းဘတ်ငွေတွေကို အောက်ဈေးနဲ့ ရောင်းပြီး မောင်တောဘက်ကို စက်လှေနဲ့ ထွက်သွားချိန်မှာ ဖမ်းမိခဲ့တာပါ”လို့ ငွေဆောင်မြို့အုပ်ချုပ်ရေးမှူး ကိုဝဏ္ဏဝင်းက ပြောပါတယ်။

ထိုင်းနိုင်ငံမှာ လူသတ်မှုကျူးလွန်ခဲ့ပြီး ထွက်ပြေးတိမ်းရှောင်လာတဲ့ တရုတ်နိုင်ငံသား ၄ ဦး မဲဆောက်မြို့မှတဆင့် မြန်မာနိုင်ငံဘက်သို့ ဝင်ရောက်သွားတဲ့အတွက် ဖမ်းဆီးပေးဖို့အတွက် မြဝတီခရိုင်ရဲတပ်ဖွဲ့ကို ဖေဖော်ဝါရီလ ၂၈ ရက်နေ့က အကူညီတောင်းခံခဲ့တာပါ။ လွန်ခဲ့တဲ့ ၂ ရက်လောက်ကတည်းက ကမ်းခြေရှိသမျှဟိုတယ်တွေနဲ့ တည်းခိုခန်းတွေ ရှာဖွေနေခဲ့တာလို့လည်း ငွေဆောင်မြို့အုပ်ချုပ်ရေးမှူး ကိုဝဏ္ဏဝင်းကပြောပါတယ်။

“တရုတ်နိုင်ငံသား ၂ ဦးရောက်နေတယ်ဆိုတာတော့ သတင်းရတယ်၊ လွန်ခဲ့တဲ့ ၂ ရက်လောက် က မနေ့က နေ့လယ်က ရှိသမျှဟိုတယ်တွေနဲ့ တည်းခိုခန်းတွေမှာ ရဲတပ်ဖွဲ့နဲ့ လဝက တာဝန်ရှိသူတွေ ပူးပေါင်းလိုက်ရှာတယ်၊ မတွေ့တော့ဘူး။ သူတို့က မောင်တောဘက်ကို စက်လှေငှားပြီး ထွက်ပြေးသွားတာ၊ အဲ့တာနဲ့ စက်လှေသမားကို ဖုန်းဆက်ပြန်မောင်းလာခိုင်းပြီး စစ်ဆေးလိုက် တဲ့အချိန်မှာ အဲ့ ၂ ယောက်ကို ဖမ်းမိခဲ့တာပါ”

ဖမ်းဆီးရမိတဲ့သူ ၂ ဦးကို တရားဥပဒေနဲ့အညီ စစ်ဆေးမေးမြန်းတာတွေပြုလုပ်ပြီး ထိုင်းနိုင်ငံ ကို ပြန်လည်လွှဲပြောင်းပေးအပ်သွားမှာဖြစ်တယ်လို့ တိုင်းရဲတပ်ဖွဲ့မှူးရုံးက ပြောရေးဆိုခွင့်ရှိသူ ဒုရဲမှူးကြီး ထွန်းရွှေက ပြောပါတယ်။လူသတ်မှုကျူးလွန်ပြီး ထွက်ပြေးလာတဲ့ တရုတ်နိုင်ငံသား ၄ ဦးအနက် အခု ဖမ်းမိထားတဲ့ အသက် ၃၁ အရွယ်ရှိ Mr. Qinmiao နဲ့ အသက် ၂၄ နှစ်အရွယ်ရှိ Mr. Gang Gang တို့ နှစ်ဦးကို စစ်ဆေးမေးမြန်းဖို့ ပုသိမ်မြို့ကို ခေါ်ဆောင်လာပြီလို့ တိုင်းရဲတပ်ဖွဲ့မှူးရုံးက သိရပါတယ်။

ဒီဗွီဘီ