လိ ပ်ရွှေရွှေ စားဖူးလား .. အုန်းမွှေးလုံး စုပ်ဖူးလား.. M ကွန်ပါဗူးတစ်ဗူးကိုရော မဲနှိုက်ယူရတဲ့ခေတ်ကို မင်း မကြုံဖူးခဲ့ရင် ဖတ်ကြည့်လိုက်ပါ…

လိပ်ရွှေရွှေ စားဖူးလား ။ အုန်းမွှေးလုံး စုပ်ဖူးလား ။ M ကွန်ပါဗူးတစ်ဗူးကိုရော ကျောင်းသား ၆၀ လောက် မဲနှိုက်ယူရတဲ့ခေတ်ကို မင်း ကြုံဖူးလိုက်သလား ။ အဲ့ဒီခေတ်က ဟောင်းပါတယ် ။

နိုင်ငံရေးလွတ်လပ်မှုဆိုတာလည်း ဇစ်အသေပိတ်ထားတဲ့ ပါးစပ်တွေလို တီးတိုးတီးတိုးတောင် သဖန်းပိုးလို့မရခဲ့ဘူး ။ ပညာရေးသိုး ၊ အိပ်မက်သိုး ၊ ကုန်ကုန်ပြောရရင် အနာဂါတ်တွေတောင် သွန်မပစ်ရရုံတမယ် သိုးလုသိုးခင် ဖြစ်ခဲ့တယ် ။

အဆိုးထဲက အကောင်းလေးရှာပြောပါ ဆိုရင်တော့ အဲဒီ့ခေတ် ကလေးတစ်ယောက်ရဲ့ အချိန်လက်တံဟာ အရွေ့နှေးခဲ့တာပဲ ။ အခုခေတ်အခုအခါလို မိုးစုံးစုံးချုပ်အောင်ထိ ဘယ်ကလေးမှ ကျူရှင်တွေ မတက်ရဘူး ။ အလွန်ဆုံးတက်ရ တစ်တန်းတစ်လေပေါ့ ။

နာရီဝက် ၊တစ်နာရီပေါ့ ။ ဒါပြီးရင် ဆော့ပါလေ့ ။ ယောက်ျားလေးလေး မိန်းကလေးလေး အရွယ်ငယ်သေးရင် စွပ်ကျယ် နဲ့ ဘောင်းဘီတိုဝတ် သွား တစ်ခုခုပူပူနွေးနွေးစားပြီး လူစုံရာ ဆော့ချေပဲ ။

လက်မှာလည်း သားရေကွင်းတွေဆိုတာ အထပ်လိုက် ။ ဘောင်းဘီအိပ်ထဲမှာလည်း ပိုလိုကားတွေဆိုတာ အထပ်လိုက်နဲ့ ကလေးတွေကျတဲ့ ချွေးဟာ ဆော့လွန်းလို့ ကျတဲ့ချွေးပဲ ဖြစ်တယ် ။

ကျူရှင်ကူးနေရလို့ ကျတဲ့ချွေး မဟုတ်ဘူး ။ ရာသီချိန်အလိုက် အဲဒီ့တုန်းက မိုးတွေလည်း ရွာတယ် ။ နေတွေလည်း သာတယ် ။ ကျယ်ပြောတဲ့ကောင်းကင်မှာ ရွယ်တူတွေ လွှတ်တင်ထားတဲ့ စွန်ရောင်စုံတွေရှိတယ် ။

မကျဉ်းသေးတဲ့ ရပ်ကွပ်ထိပ်တွေမှာ ဇွန်းတစ်ချောင်းနဲ့ တူးထားတဲ့ ပေသီးကြွင်းတွေရှိတယ် ။ “ဝမ်းဂျင်.. စွပ်” ဆိုတာ ညနေ ကျောင်းဆင်းပြီးရင် ကြားရတဲ့ အသံတွေပဲ ။

မနက်လင်းရင် လက်ဖက်ရည်သွားဝယ်မယ် ။ အီကြာကွေးနဲ့ တို့စားမယ် ။ တစ်ခါတစ်ခါ အဖေခေါ်သွားရင် လက်ဖက်ရည်ဆိုင်မှာ ပန်ကန်ပြားထဲ လက်ဖက်ရည်ထည့် သောက်ရမယ် ။

နေ့ခင်းနေ့လယ် အိမ်မပြန်ချင်တော့တဲ့နေ့တွေဆို အမေထည့်ပေးလိုက်တဲ့ လက်သုပ်ပုဝါစည်း ဒန်ထမင်းဘူးလေးကို ကျောင်းမှာ သူငယ်ချင်းတွေနဲ့ ဖွင့်စားဖြစ်မယ် ။ အဲ့တုန်းက သူရဲကောင်းဟာ ရပ်ကွက်ရုံက ပါဝါရိန်းဂျားအပြင် အပိုမရှိဘူး ။

အိမ်နှစ်ဆယ်လောက်မှ တစ်လုံးလောက်ရှိတဲ့ T.V ထဲက စွန်းဝူခုံးအပြင် အပိုမရှိဘူး ။ သင်္ကြန်မှာ စတီးရေပြွတ်ကိုင်နိုင်ရင် အကောင်ပဲ ။ သီတင်းကျွတ်မှာ ဗြောက်အိုး ခိုးဖောက်နိုင်ရင် အဂေါ်ပဲ ။

မိသားစုလက်စုံစားတဲ့ ထမင်းဝိုင်းလေးတွေဟာ အဲဒီ့ခေတ်ရဲ့ ကြည်နူးဖွယ်ပုံရိပ် ။ ဟင်းချက်လို့ ငရုတ်သီးပါရင် ‘ ညှော်ဗျို့’ ဆိုပြီး တလေးတစားပြုတတ်တာဟာ အဲဒီ့ခေတ်ရဲ့ နှစ်လိုဖွယ်နီတိ ။

လေးဆင့်ထိုး သစ်သားစင်တန်းလေးတွေနဲ့ စာအုပ်ဆိုင်လေးတွေရှိတယ် ။ နွေရာသီဆို လက်ညှပ်ကတ်ကြေးကြီး ‘တဂတ်ဂတ်’ နဲ့ ရှေ့ဆံပင် နောက်ဆံပင် ပြောင်နေအောင် ညှပ်ပေးတဲ့ ဆံသဆိုင်လေးတွေ ရှိတယ် ။

အခုတော့ ခေတ်ဟာ ပန်ကာတစ်လက်လို တရစပ် လည်သွားခဲ့ပြီ ။ ကလေးတွေရဲ့ ပခုံးနှစ်ဘက်ဟာ ကျောပိုးအိတ်အလေးချိန်ကို မိဘအတ္တတွေဆင့်ပြီး လွယ်ထားတတ်ကြပြီ ။

ရီထိုးတမ်း ၊ သိုင်းချတမ်း ၊ ထုတ်ဆီးထိုးတမ်း ၊ ကုက္ကုသီးနဲ့လှမ်းထုတဲ့ စစ်တိုက်တမ်းဆိုတာတွေကို သူတို့လေးတွေ သိမှာမဟုတ်တော့ ။ ‘ရတနာပန်းခင်း’တို့ ၊ ‘တွတ်ပီတို့ ဒီနေ့ကံမကောင်းပါလား’ တို့ ၊

စုံထောက်ကြီးဦးစံရှားရဲ့ ‘မှားတဲ့အခါလည်း မှားပေမပေါ့’ တွေကို သူတို့လေးတွေ မက်စက်တတ်မှာ မဟုတ်တော့ ။ ဒီခေတ်မှာ တိုးတက်ရာတွေရှိတာ ငြင်းမရပါဘူး ။

ကိုယ်တိုင် စီးမျောနေခဲ့လို့ လွယ်ကူချောမွေ့ရာ ရေလျဉ်တချို့ကိုလည်း မကွယ်မဝှက်ဘဲ လက်ခံကြိုဆိုပါတယ် ။ အခုက ပြောင်းလဲနေတဲ့ ခေတ်အသစ်ကို အပြစ်တင်နေတာမဟုတ်ဘဲ ပြောင်းလဲသွားတဲ့ ကလေးတွေရဲ့ တစ်စုံတစ်ရာလေးကို နှမျောမိရုံလေးပါ ။

ပြောင်းလဲခဲ့ပြီဖြစ်တဲ့ လူကြီးတွေရဲ့ အတိတ်အစအနတွေကို ခဏတဖြုတ်လေး ပြန်ကောက်ကြည့်ချင်ရုံပါ ။ ဆိုင်လား မဆိုင်လားတော့ မသိပေမယ့် ဒီစာလေးရေးနေရင်း ဦးထီးရဲ့ “ပျောက်ဆုံးသွားတဲ့ နိဗ္ဗာန်ဘုံ’ကို သတိရမိပါရဲ့ ။

သီချင်းစာသားလေးကို ဖွဖွကြားယောင်မိတော့ လွမ်းတဲ့စိတ်လေးတောင် “နင့်ခနဲ”လေး ဖြစ်မိရတယ် ။

“ငယ်စဉ်က ကလေးတို့ဘဝမှာ ပျော်ပါးဖို့ရာ လွယ်ပါတယ်…ကိုယ်ရတာနဲ့ တင်းတိမ်ရောင့်ရဲ…စားချိန်မှာ ဝင်စားမယ်…အိပ်ချိန်မှာ ဝင်အိပ်မယ်…အပူအပင်ကင်းတဲ့ ကလေးလေးဘဝသာ”…”

credit: အေးရိပ်