သ မီးရည်းစားဘဝတွင် အတူနေထိုင်ပြီး လက်မထပ်သည့် အမျိုးသားများ ကို ထောင်ဒဏ်ငါးနှစ်နှင့် အထက် အရေးယူနိုင်သည့် ဥပဒေရေးဆွဲ ပြဋ္ဌာန်း သွားမည်
သမီးရည်းစားဘဝတွင် အတူနေထိုင်ပြီး လက်မထပ်သည့် အမျိုးသားများ ကို ထောင်ဒဏ်ငါးနှစ်နှင့် အထက် အရေးယူနိုင်သည့် ဥပဒေ ရေးဆွဲပြဋ္ဌာန်း သွားမည် ဖြစ်ကြောင်း ဒီဇင်ဘာ ၂၇ ရက်က ပြုလုပ်သည့် မြန်မာနိုင်ငံ လုံးဆိုင်ရာ အမျိုးသမီးရေးရာ ကော်မတီ အစည်းအဝေးနှင့် ကလေးသူငယ် အခွင့်အရေးများဆိုင်ရာ အမျိုးသား ကော်မတီ အစည်းအဝေး ပွဲမှ သိရသည်။

“ငါးနှစ် နဲ့ အထက်ပေါ့နော်။ အကယ်၍များ အမျိုးသမီးလေးမှာ ကိုယ်ဝန်ပါ ရှိသွားမယ်ဆိုရင် အဲ့ဒီအမျိုးသားဟာ အနည်းဆုံး ထောင်ဒဏ်ခုနစ်နှစ်ဆိုပြီး ကျွန်မတို့က အဲ့လိုမျိုး ထည့်သွင်းထားပါတယ်” ဟု လူမှုဝန်ထမ်းဦးစီးဌာန ညွှန်ကြားရေးမှူး ဒေါ်နော်သဝါက မီဒီယာများသို့ပြောသည်။

အမျိုးသမီးများအပေါ် အကြမ်းဖက်မှု ကာကွယ်ရေး အထူးဥပဒေကို လာမည့် လွှတ်တော် အစည်းအဝေးတွင် အတည်ပြုပြဋ္ဌာန်းနိုင်ရန် ဆောင် ရွက်နေကြောင်း သိရသည်။ ယင်းဥပဒေအရ အမျိုးသမီးတစ်ဦး စိတ် အနှောင့်အယှက် ဖြစ်စေရန် အနောက်မှလိုက်၍ စကားပြောလျှင် လည်း ပြစ်ဒဏ်မြောက်သည်ဟု ထည့်သွင်းထားကာ လက်ရှိအချိန်တွင် အမျိုးသမီးများသည် အကြမ်းဖက်ခံရပြီး လူတောမတိုးရဲသည့် အခြေ အနေ ဖြစ်လာခြင်းကြောင့် အမျိုးသမီးများကို အကာအကွယ်ပေးသည့် ဥပဒေရေးဆွဲနေခြင်း ဖြစ်ကြောင်းသိရသည်။

“အမျိုးသမီးတွေကို ညှဉ်းပန်းနှိပ်စက်နေတာ၊ အကြမ်းဖက်နေတာ မျိုးစုံရှိ တယ်။ ရုပ်ပိုင်းဆိုင်ရာ ကွဲရှ ထိခိုက်သွားမှ မဟုတ်ဘူး၊ စိတ်ပိုင်းဆိုင်ရာတွေ လည်း အများကြီးရှိတယ်” ဟု လူမှုဝန်ထမ်းဦးစီးဌာန ခေတ္တညွှန်ကြားရေး မှူး ဒေါက်တာစန်းစန်းအေးက မီဒီယာများသို့ ပြောသည်။

အမျိုးသမီးများအပေါ် အကြမ်းဖက်မှု တားဆီးကာကွယ်ရေး ဥပဒေကို အတည်ပြုနိုင်ရေး ဆောင်ရွက်လျက်ရှိပြီး အမျိုးသမီးများကို ရှုထောင့်ပေါင်း စုံမှ ကာကွယ် စောင့်ရှောက်ပေးနိုင်ရန် ရေးဆွဲ ထားခြင်း ဖြစ်ကြောင်း မြန်မာနိုင်ငံ လုံးဆိုင်ရာ အမျိုးသမီးရေးရာ ကော်မတီ ဥက္ကဋ္ဌ၊ လူမှုဝန်ထမ်း၊ ကယ်ဆယ်ရေးနှင့် ပြန်လည်နေရာချထားရေး ဝန်ကြီးဌာန၊ ပြည်ထောင်စုဝန်ကြီး ဒေါက်တာဝင်းမြတ်အေးက ပြောကြားသည်။

အဆိုပါဥပဒေကို အတည်ပြုပြဋ္ဌာန်းပြီးပါက တိုင်းဒေသကြီးနှင့် ပြည် နယ်ဒေသရှိ အောက်ခြေကျေးရွာများအထိ အမျိုးသား၊ အမျိုးသမီးများကို အသိပညာပေးရန် ဆောင်ရွက်ထားကြောင်းလည်း သိရသည်။