ဂျ ပန်နိုင်ငံတွင် ကိုရိုနာဗိုင်းရပ်စ်ကူးစက်ပျံ့ပွားမှုကို ထိန်းချုပ်တိုက်ဖျက်နိုင်ရန်အတွက် တစ်နိုင်ငံလုံးမှကျောင်းများကို ပိတ်ထားရန် ဂျပန်ဝန်ကြီးချုပ် ရှင်ဇိုအာဘေးက ညွှန်ကြားလိုက်ကြောင်း သိရသည်။

(ဖေဖော်ဝါရီ ၂၇-ကြာသပတေးနေ့)တွင် တိုကျိုမြို့၌ ပြုလုပ်သည့် အစိုးရအဖွဲ့လုပ်ငန်းညှိနှိုင်းအစည်းအဝေးအပြီးတွင် ကျောင်းများကို ပိတ်ထားရန် ဆုံးဖြတ်လိုက်ခြင်းဖြစ်သည်။ လာမည့်တနင်္လာနေ့မှစကာ ဂျပန်နိုင်ငံ၏ နွေဦးရာသီအားလုံးရက် ကုန်ဆုံးသည်အထိ ကျောင်းများကို ပိတ် ထားရန် စီစဉ်ခဲ့ခြင်းဖြစ်ကာ တစ်နိုင်ငံလုံးရှိ မူလတန်း အငယ်တန်း အထက်တန်းနှင့် အထူးလိုအပ်ချက်အရ ဖွင့်လှစ်ထားသည့် ကျောင်းများအားလုံး အကျုံးဝင်ကြောင်းလည်း သိရသည်။

ကိုရိုနာဗိုင်းရပ်စ်ဆက်လက်ကူးစက်မည့် အန္တရာယ် ကို ရှောင်လွဲနိုင်ရေးအတွက် ထိုကဲ့သို့ဆုံးဖြတ်လိုက်ခြင်းလည်း ဖြစ်သည်။“ကလေးငယ်များ၏ ကျန်းမာရေးနှင့်လုံခြုံစိတ်ချစေရေးမှာပထမဦးစားပေးဖြစ်ပြီး ကလေးများနှင့်ဆရာ/ဆရာ မများ ကာလကြာရှည် အတူတကွ ရှိနေခြင်းအားဖြင့် ကူးစက်လာနိုင်သည့် ဗိုင်းရပ်စ်အန္တရာယ်ကို လျော့ချ ရန် လုပ်ဆောင်ခြင်းဖြစ်သည်ဟုလည်း ဂျပန်ဝန်ကြီးချုပ် ရှင်ဇိုအာဘေးက ပြောကြားခဲ့သည်။ (ဖေဖော်ဝါရီ ၂၇ ) တွင် ဟော့ကိုင်းဒိုးကျွန်းမြောက်ပိုင်း၌ ကိုရိုနာဗိုင်းရပ်စ်ကူးစက်ခံထားရသည့် လုနာသစ် ၁၃ ဦးကို တွေ့ရှိခဲ့ကာ ဗိုင်းရပ်စ်ကူးစက်ခံရသူ ၂၀၀ ကျော်သွားပြီးနောက် ထိုကဲ့သို့ကျောင်းများကို ပိတ်ထားရန် ဆုံးဖြတ်လိုက်ခြင်းဖြစ်သည်။ အဆိုပါ ပမာဏမှာ Diamond Princess သင်္ဘောပေါ်မှ ကိုရိုနာဗိုင်းရပ်စ်ကူးစက်ခံလာရသည့် လူနာ ၇၀၅ ဦး မပါဝင်သေးပေ။

ယခုကဲ့သို့ကျောင်းများကို ပိတ်ပင်လိုက်သည့် အတွက် ဂျပန်တစ်နိုင်ငံလုံးမှ ကျောင်းသား ၁၃ သန်းကို ၎င်းတို့၏နေအိမ်များတွင် အနည်းဆုံး ၁ လ ကြာ ရှိနေစေနိုင်မည်ဟုလည်း ဂျပန်အစိုးရ ပညာရေးဝန်ကြီးဌာန၏ အချက်အလက်များအရ သိရှိရသည်။