မှတ် ပုံမတင်တဲ့ မိုဘိုင်းဖုန်း ဆင်းမ်ကတ်(SIM Card)တွေကို ဧပြီလကုန်မှာ ခေါ်ဆိုမှုရပ်ဆိုင်းပြီး ဇွန်လကုန်မှာ အပြီးပိတ်သိမ်းမယ်လို့ ဆက်သွယ်ရေးညွှန်ကြားမှုဦးစီးဌာနက သတင်းထုတ်ပြန်လိုက်ပါတယ်။ မှတ်ပုံမတင်တဲ့ SIM Card တွေအပြင် မှတ်ပုံတင်တစ်ခုကို SIM Card နှစ်ခုထက်ပိုပြီး မှတ်ပုံတင်ထားတဲ့ ကတ်တွေပါ ပါဝင်မှာဖြစ်ပြီး ဧပြီလကုန် ခေါ်ဆိုမှုပိတ်တဲ့အခါမှာ မှတ်ပုံတင်နိုင်ဖို့အတွက် Call Center တစ်ခုကို ခေါ်လို့ရဖို့ပဲ ချန်ထားခဲ့မှာဖြစ်ပါတယ်။ မှတ်ပုံမတင်ထားတဲ့ ဖုန်းကတ်တွေနဲ့ ရာဇဝတ်မှုကျူးလွန်တာတွေကို လျှော့ချနိုင်ဖို့၊ မိုဘိုင်းဖုန်းနဲ့လုပ်ရတဲ့ ငွေပေးငွေယူကိစ္စ( Mobile Financial Service)ကိစ္စတွေကို လုံခြုံစိတ်ချစွာလုပ်နိုင်ဖို့နဲ့ မိမိသုံးစွဲတဲ့ဖုန်းကို တာဝန်ခံနိုင်စေဖို့ စတဲ့အချက်တွေကြောင့် အခုလို ကြေညာချက်ထုတ်တာတယ်လို့ ဆိုပါတယ်။

အစိုးရ ဆက်သွယ်ရေးဌာနဟာ ၂၀၁၄ ခုနှစ်ကတည်းက စနစ်တကျ မှတ်ပုံတင်နိုင်ရေးကိစ္စ မိုဘိုင်းအော်ပရေတာတွေကို အကြိမ်ကြိမ် ညွှန်ကြားခဲ့ပေမယ့် မှတ်ပုံမတင်တဲ့ဖုန်းကတ်တွေ ရှိနေသေးတာကြောင့် ၂၀၁၆ ခုနှစ် ဩဂုတ်ကနေ ၂၀၁၇ ခုနှစ် ဇွန်လအထိ (၁၁)လ အချိန်ပေးပြီး မှတ်ပုံတင်နိုင်ရေး ထပ်မံဆောင်ရွက်ခဲ့တယ်လို့ ဆက်သွယ်ရေးရဲ့ ကြေညာချက်မှာ ပါရှိပါတယ်။ ဒီအတောအတွင်း မှတ်ပုံမတင်ခဲ့တဲ့ SIM Card ပေါင်း (၆.၅) သန်းလောက်ကို အပြီးပိတ်သိမ်းခဲ့ရတယ်လို့ ဆက်သွယ်ရေးက ကြေညာပါတယ်။ ဖေဖော်ဝါရီ ၁၈ ရက်နဲ့ ၁၉ ရက်က နေပြည်တော်မှာပြုလုပ်တဲ့ စတုတ္ထအကြိမ်မြောက် e-Government ညီလာခံနဲ့ ကွန်ပျူတာနည်းပညာပြပွဲ အဖွင့်မိန့်ခွန်းမှာ SIM Card မှတ်ပုံတင်ပြီးသုံးစွဲဖို့ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က တိုက်တွန်းခဲ့ပါသေးတယ်။

၂၀၁၉ ခုနှစ် ဧပြီလကစပြီး နိုင်ငံသားစိစစ်ရေးကတ် ဒါမှမဟုတ် အသိအမှတ်ပြုကတ်ပြားတစ်ခုကို SIM Card (၂) ခုသာ မှတ်ပုံတင်ရောင်းဖို့ ညွှန်ကြားထားပေမယ့် ၂၀၂၀ ဇန်နဝါရီလကုန်အထိ နှစ်ခုထက်ပိုရောင်းထားကြတဲ့ SIM Card အရေအတွက်မှာ MPT ကတ် ၁၃ သန်းနီးပါး၊ MyTel နဲ့ Ooredoo ကတ်က လေးသန်းခွဲကျော်စီ၊ Telenor ကတ်ကတော့ ခြောက်သန်းကျော်ဖြစ်ပြီး စုစုပေါင်း ဆင်းမ်ကတ် ၂၈ သန်းကျော်တယ်လို့ ဆက်သွယ်ရေးရဲ့ ကြေညာချက်မှာ ဖော်ပြထားပါတယ်။ ဖုန်းဆင်းမ်ကတ်သုံးစွဲသူတွေ မိမိတို့ကတ်တွေ ပိတ်သိမ်းမခံရဖို့အတွက် မိမိနာမည်နဲ့ မှန်/မမှန် တိုက်ဆိုင်စစ်ဆေးဖို့နဲ့ ဇွန်လကုန် နောက်ဆုံးထား မှတ်ပုံတင်ဖို့ ဆက်သွယ်ရေးဦးစီးဌာနက သတိပေးထားတာပါ။

Credit RFA Burmese